لو سمحتم حد يفهمنى يعنى ايه سينسور بارك وبكام ومنين لانى بخاف من الاحتكاكات

**noga28** · 11-06-2011 05:29 AM

المشاركة الأصلية كتبت بواسطة elewey

دة فيديو بيوضح ايه هو الاوتو بارك اختراع اللمانى

تعرف انا مستعدة اشتريه لو بتمن العربيه نفسها واخلص بجد من الناس الرخمة فى شوارعنا وكلهم بيبقوا فهامة ما شاء الله ومعرفش بيدوا نفسهم الحق يتحشروا ازاى

**noga28** · 11-06-2011 05:34 AM

المشاركة الأصلية كتبت بواسطة bondjames

أستاذتنا العزيزة
دلوقتى فيه شاشة بتركب على مرآة الصالون - ومتوصلة بكاميرا تثبت خلف السيارة - فى أى مكان تختاريه من غير لا تخريم ولا منظر قبيح تخليكى وانتى راجعة تشوفى الشارع وراكى على الشاشة - زى الفل ركبتها من سنة وزيادة ب 540 جنيه- فيه بسعر أقل دلوقتى لإنتشارها - ولن تحتاجى لمساعدة عند ركن السيارة خصوصا لو حجمها كبير - بدل السينسور اللى بيصفر بس - مش بيوضح حاجة - أكيد الرؤية أحسن من التخمين بناء على الصفارة -
http://www.mirrorreaderoffers.co.uk/.../gg_camkit.jpg

مع الشكر لك على الرد بس الفكرة مش عجبانى بجد لان لو هركب كاميرا على المرايا ماهى المرايا موجودة وخلاص انا موبايلى سامسونج واى فاى معرفش تعرفوه ولا لا
والعربية كبيرة فعلا نيسان صنى 2011
معرفش بقى يتفع استعمله ولا لا كبديل للجى بى اس

**noga28** · 11-06-2011 05:37 AM

المشاركة الأصلية كتبت بواسطة theking_med

مش شرط بصراحه بس هوا جامد في الاماكن الديقه الي بتكفي العربية بالظبط واجمد حاجه اني هوا بيخلي العربيه تركن في حركتين بس !!!!!!!

بس مش كل الامكان في مصر ممكن تركن فيها يعني هيا بتركن في الامكان الي زي الفديو الاستاذ elewey اما الامكان الي بطول زي الباركنج الي قدام المحكمه او فوق الرصيف مستحيل تركن فيها

الحقيقة انى هتجنن بجد انا من غير ما حد ينحشر فى ببقى فل لما يطلع لى حد من تحت الارض ويفضل يقولى ورا وقدام واكسرى يمين وشمال ببقى متلخبطة زى طفل معملش الواجب ومنتظر يدور على مكتب الناظر
بصراحة من كام يوم اخنقت من البوابة قلت لها انتى بتعرفى تسوقى قالت لا قلت لها يبقى تخرسى وخليكى فى حالك
والله العظيم اتضايقت انى احرجتها بس فعلا هى حشرية بجد

**_Ahmed_casper_** · 11-06-2011 11:03 AM

واضح ان اكبر مشكله عندك مشكله الحشريين هههههههههههه
احسن حاجه لما تيجى تركنى اقفلى الازاز و شغلى الكاسيت و اركنى بمزااااااج و واحده واحده و مع الوقت هتتعودى
..‏ انا كنت اول ماتعلمت السواقه كنت لااااازم اطلع فوق الرصيف و محسش انى ركنت غير لما اسمع صوت خبط العربيه فى العربيه اللى ورايا ههههههه بس احسن حاجه انها كانت لادا و اللى كننت بخبطه كان ١٢٥ عاااااادى جدا يعنى
و دلوقتى الحمد لله انا بركن من اول مره و مش بسيب فرق ولا سنتى من الرصيف
..‏ فى حاجه بقا . السنسور هيفيد ان الواحد ميخبطش اللى وراه بس الاهم متهيئلى الجنب و ان الواحد يركن قريب من الرصيف و يحضن و فنفس الوقت ميخبطش
االموضوع كله تعود

**hazemhassan** · 12-06-2011 07:23 PM

السينسور بارك مفيد جددا فى الركن
وبالذات اللى بيرجع ووراه عمود اللى بيحطوة فى الارض عشان محدش يركن مابيكنش باين خالص

**mhbcas** · 13-06-2011 01:08 AM

المشاركة الأصلية كتبت بواسطة noga28

مع الشكر لك على الرد بس الفكرة مش عجبانى بجد لان لو هركب كاميرا على المرايا ماهى المرايا موجودة وخلاص انا موبايلى سامسونج واى فاى معرفش تعرفوه ولا لا
والعربية كبيرة فعلا نيسان صنى 2011
معرفش بقى يتفع استعمله ولا لا كبديل للجى بى اس

الكاميرا دى بتركب على الشنطه من ورا وبتعرضلك على المراية زى اى كاميرا فديو الصورة اللى وراكى اللى انتى اصلا مش بتشوفيها فى اى مراية يعنى كانك انتى اللى واقفه وارا العربية وشايفة الدنيا ودى احسن حاجه للركن

الحاجه التاانية السينسور وطبعا مريح جدا فى الركن مش زى الكاميرا بس بيقوم بالمطلوب فى منه نوعين
الاول اللى بيتخرم فى الاكصدام وده المنتشر
التانى سلك بيتمد ورا الاكصدام بالكامل وده المميزات بتاعته اول حاجه مش بتخرم فى العربية وتانى حاجه انه بيحظرك لكل الاكصدم على اساس ان الاكصدام كله بيكون عبارة عن سينسور مش اربع اماكن بس زى اللى بيتخرم ده سعرة غالى شوية ومش منتشر

اما بالنسبة للجى بى اس

انا عندى الموبايل النظام بتاعه ويندوز موبايل
مع شوية اعده على النت جبتله برنامج IGO Primo اللى هو بيركب اصلا على اجهزة الجى بى اس والبرنامج ده سهل التعامل معاه وقوى فى المميزات بتاعته
وفى السهرة جبتله خرايط مصر والخليج مع الاصوات العربى للتوجيه

وجربت البرنامج تمام

المهم وانت بتدور على برنامج
انه يكون متوافق مع نظام الموبايل عندك ولو مش عارف نظام موبايلك gsmarena.com
انه يكون مظبوط مع مقاس الشاشة وبرضة ممكن تعرف من الموقع اللى فوق

وطبعا ماتزهقش

لما تنزل البرنامج على الموبايل ومايتشغلش او يطلع مش مظبوط او يطلع اللغه بتاعته صينى مثلا
عادى شيل ودور تانى وجرب

**moh_vet** · 13-06-2011 04:36 PM

متابع بشدة

**Dr.Karim Emam** · 13-06-2011 10:19 PM

المشاركة الأصلية كتبت بواسطة noga28

مع الشكر لك على الرد بس الفكرة مش عجبانى بجد لان لو هركب كاميرا على المرايا ماهى المرايا موجودة وخلاص انا موبايلى سامسونج واى فاى معرفش تعرفوه ولا لا
والعربية كبيرة فعلا نيسان صنى 2011
معرفش بقى يتفع استعمله ولا لا كبديل للجى بى اس

موبايل حضرتك سامسونج إيه؟ (الموديل)
و الـ Operating System إيه؟