السلام عليكم
ممكن لو سمحتم حد يفهمنى ايه هو سبنسور البارك ومنين وبكام وشغلته ايه وكمان جهاز gps
لانى مبعرفش فى الشوارع بجد ومش معقول هقعد اقف واسال فى وسط الشارع فهل هو بيكون عليه اسماء الشوارع ولا ايه ومنين وبكام وشكرا مقدما لكم جميعا
السلام عليكم
ممكن لو سمحتم حد يفهمنى ايه هو سبنسور البارك ومنين وبكام وشغلته ايه وكمان جهاز gps
لانى مبعرفش فى الشوارع بجد ومش معقول هقعد اقف واسال فى وسط الشارع فهل هو بيكون عليه اسماء الشوارع ولا ايه ومنين وبكام وشكرا مقدما لكم جميعا
السينسور بارك ده عبارة عن حساسات بتركب في الاكصدام الخلفي وفي عربيات بتنزل من بلادها بحساسات في الخلف والامام ودي بتكون على شكل دواير صغيرة في حجم العشرة صاغ وغالبا بيكون عددهم 4 أو خمسة ووظيفتهم عند الاقتراب من حائط أو سيارة أخري عند ركن السيارة تبدأ بإرسال اشارات لجهازها الرئيسي الذى بدوره يقوم بالتنبيه بشكل متقطع ويزداد التنبيه كلما اقتربت من العائق الذي خلف السيارة
وجهاز جي بي اس بيكون مكتوب فيه اسماء الشوارع
والاتنين موجدين عند بتوع اكسسوارات السيارات
بس بصراحة انا بستخدم الجي بي اس بتاع الموبيل
بالنسبة للسعر مش عارف لأن عربيتي راكب فيها ياريت حد من الزملاء يفيد في موضوع السعر ده
ميرسى يا ميدو يعنى هلاقيهم طيب انت موبايلك نوعه ايه انا موبايلى سامسونج واى فاى معرفش فيه ولا لا
يعنى السينسور ده هينفعنى فعلا بدل البواب اللى بيبقى واقف مش فاهم وسرحان ده هيبقى عملى فى الركن فعلا انت عارف الشعب المصرى حشرى ويقعد يفشر وهو مش فاهم وهوب تلاقى نفسك لبست فى حاجة على وصفته هههههههه
ممكن مع الوقت افهم الشوارع واعرفها بس المهم بجد الركن ده لانى مش بحب الناس الحشرية اللى فى الشوارع وعاملة نفسها خدومة بتخنق منهم اوى تحسهم بيطلعوا من تحت الارض بصراحة هههههههههههههه
بصراحة معاكي حق هو بينفع فعلا في موضوع الركنة
وفكرتيني بموقف حصلي أول لما اتعلمت السوائة كنت في تانية ثانوي وواحد معرفوش طلعلي منين وقعد يئولي هات ورا هات ورا ومشفش حجر كان في الشارع وحصل اللي حصل علبة الشكمان راحت ههههههههههههههههههههههه
بالنسبة للموبيل انا معايا نوكيا e72 وفي خدمة جي بي اس ويكفي اني أقولك اني انا من القاهرة ولينا مصيف في شاطىء النخيل كنت كل ما احب انزل اسكندرية من النخيل اسأل واتوه (الغريب أعمى) شغلت الجي بي اس الصيف اللي فات والله ما سألت حد خالص رايح جاي
شوفي في كتالوج الموبيل في خرائط ولا لأ mobile maps
عندى بلاك بيرى وفيه جى بى اس بس مش عارف اشغله
انا لقيت خرايط فى الموبايل خرايط جوجل بس شكلها هتحتاج نت ولا دى بتبقى من غير نت وعلى اى حال انا هجيب السينسور انا امبارح بطلع بالعربية طلعت لى بوابة ست عماله تقولى اعملى كده مش بتقول ارجعى ورا ولا اطلعى قدام لا بتفتى وتقولى هاتى الدركسيون يمين قلت لها اسكتى يا ست شوماخر ابوس ايدك وقفلت الازاز وسبتها شىء مزعج جدا الحشرية فى امور الناس بحجة اننا خدومين انا اخدم اللى يطلب مش اروح اعمل فيها فتى الشاشة الاول واخدم واغرق اللى قدامى ههههههههههههههه
نوجا
هاقول حاجة من غير ضرب
شكلك زى حالاتى ضعيفة فى الركنة
اتعلمى الاول حلو وقولى لى اتعلمتى ازاى
موديل موبايلك ايه
اعرف ان مودرن ابو رواش بيعمل عروض كويسة للباركنج سنسور للصنى
حاولى تكلميهم وقولى لقيتى ايه وقولى انك من المنتدى