| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 96

  1. #1

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي تعالوا نعرف ازاي نغسل عربيتنا تحت شعار ( و لا الحوجة لمغسلة البنزينة ) - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم و رحمة الله و بركاته


    و لسه بنكمل مع سلسلة تعالوا نعرف

    و المرة ديه بقي اديت ضميري جرعة منوم زيادة عشان ميقرفنيش في الموضوع

    نبتدي ع بركة الله

    موضوع انهاردة نعرف ازاي نغسل عربيتنا
    و قررت انزله لسببين
    اولهما : في ناس متعرفش ازاي تغسل عربيتها او مش في دماغهم فبيروح ع فين ؟ مغسلة البنزينةوبيكبروا دماغهم
    ثانيهما : القرف اللي الواحد بيشوفوا من بتوع المغسلة و اللي كلنا واجهناه اذا كان تنضيف اي كلام او واحد مش عاجبه البقشيش و بيطلب كمان ليه و لزمايله او حاجات تتسرق من العربية ..ألخ ..الخ ..الخ
    و انا عن نفسي نادر جدا لما اروح مغسلة
    في الوقت اللي تعبان و ضايع و مستعجل اروح
    لكن طول الوقت بنضفها بنفسي


    فعشان كده نزلت الموضوع تحت شعار (و لا الحوجة لمغسلة البنزينة)

    عشان نغسل العربية لازم تتوافر المعدات المناسبة و هي كالآتي :

    معدات القوات الخاصة
    1- الملابس
    - بنطلون قديم
    -اي تي شيرت
    - الشبشب

    2- تجهيزات فرد القوات الخاصة المقاتل
    - خرطوم او جردل
    - طبق بلاستيك صغير
    - 2 فوطة تنضيف
    - فرشة تنضيف الارض
    - مقشة و جروف صغيرين و مكنسة
    - سفنجة مواعين متكونش خشنة اوي
    - ورق جرايد
    - ملمع

    3- المهمة
    - تنضيف زقزوقة بتاعتنا

    1- قبل ما ننضف نلبس الأول طقم القوات الخاصة و نراجع المعدات اللي قولنا عليهم و انا عن نفسي مخلي عندي طقم قديم لأي مهمة صعبة بنطلون رياضة قديم ع تي شيرت برده قديم و شوفوا القديم مع بعضه بيعمل ايه

    2- نشغل نجوم اف ام و نعلي الصوت لحد ما يطلع واحد تيت من البلكونة يقولك وطي الكاسيت بدل ما انزل اوريك شغلك ههههههه

    و نسمي و نبتدي المهمة الصعبة

    اولا : من جوة

    1- نطلع كل الدواسات برة العربية

    2- لو هتستخدم المكنسة ممكن تشيل بيها التراب الكتيير و بعدين المقشة و الجروف و تكمل عليها
    بس عن نفسي شايل المكنسة و بتسخدم المقشة و الجروف الصغيرين بتوع الهلال و النجمة دول بيخلو الموكيت زي الفل و ننضف بين الكراسي بين القاعدة و الضهر و بعد ما نضفنا نبل المقشة بحبة مية و نعمل الموكيت كله تاني
    بعد ما نخلص الارضية نجيب ورق جرايد و نحطه في الارض عشان متتبهدلش تاني

    3- بعد ما خلصنا من الارضية و الشنطة ورا نيجي بقي للتابلوه و الابواب لو التابلوه جايب جاز و متبهدل و لونه اتغير من كتر تراكم التراب فالحل سفنجة المواعيد و نقطة صابون سائل ع مية في طبق صغير و خلي الرغاوي تعيش
    تنضف التابلوه و الابواب من كل التراب اللي عليها وبعدين ادعك التابلوه و الابواب كلها و اي فبر جوة العربية بين الكرسيين عند السماعات ورا حزام الامان
    طبعا تخلي بالك بعيد عن زراير التابلوه و لو الابواب فيها ازاز كهربة يبقي تغطيها ببلاستر و تخلي بالك برده ان مفيش نقطة مية تيجي جوة الباب او ع الكهربة و تكون حذر جدا و بالنسبة لجنب الزرار اعملها بقماشة مبلولة و بعد ما تخلص بالسفنجة بتاعت المواعين بفوطة مبلولة و تمسح كل الصابون و التابلوه و تسيبه ينشف

    - اما بقي لو التابلوه عادي يعني مش بالرهابة المعتادة اللي هو بقي اسود من كتر التراب فتكتفي بقماشة مبلولة بلل خفيف و نضف

    4-بالنسبة بقي للفرش بالنسبة ليا انا الفرش عندي ازرق في رمادي فاتح جبت برده بتاعت المواعين و اديتها و بعدين بفوطة مبلولة الفرش رجع جديد تاني لكن بعملها بليل و بسيبها لحد الصبح في يوم مكونش نازل فيه عشان تنشف ( في ناس هتقول ريحة او مش ريحة و تعمل ) لأ انا مش بغرقها و انقعها بمية ده بيبقي حاجة خفيفة يعني
    كده خلصنا من جوة

    ثانيا : من برة

    كده خلصنا من جوة العربية كلها و بقت مية مية في حوالي ربع ساعة او تلت ساعة ع حسب سرعتك
    نيجي بقي لبرة

    1- استخدام الخرطوم : هنجيب الخرطوم و ننزل بيه كل التراب اللي ع العربية
    نزلنا كل التراب تمام

    2- نجيب بقي الفوطة اللي بنضف بيها و نجيب الخرطوم بايديا اليمين و الفوطة شغالة بالايد الشمال
    يعني تنضف و انت بتحط المية عشان نطلع اي حاجة مطلعتش في اول غسلة بعد ما نخلص جسم العربية كله

    3- نيجي للعجل نمسك برده الخرطوم و الفرشة بتاعت الارض و ندعك الجنوط و الطاسات
    - في حتت في العربية زي تحت العتب بتبقي شاربة طينة و نشفت لما قالت يا كيف برده نستخدم معاها الفرشة لكن واحدة واحدة و احنا بندعك

    4- و نغسل العربية كلها تاني بالمية

    - استخدام الجردل : لو الخرطوم مش متوفر نسخدم الجردل و نتبع نفس الخطوات و بالنسبة لدعك العربية بالفوطة ناخد مية بالفوطة من الجردل و ندعك و نتبع نفس الخطوات عادي
    - بعد ما العربية نضفت من برة نسيبها تنشف شوية و نجيب بقي فوطة التنضيف و نغسلها كويس و نعمل الازاز من جوة و من برة و بعدين باقي العربية

    5- بعد ما خلصنا الكلام ده نجيب ورق الجرايد و نعمل الازاز من جوة و برة هتلاقي الازاز رجع بيبرق كأنك لسه جايب العربية بس شغل بضمير بقي مع اطراف الازاز عشان محدش يجي يقول سمعنا كلام اكسل و اطراف الازاز طلعت منيلة في الاخر و نعمل المرايات و الفوانيس

    6- و نجيب الملمع و نظبط التابلوه و الابواب بس كده


    تفتكروا احنا كده خلصنا .... لأ لسه مستعجلين ع ايه
    انتوا نسيتوا الدواسات اللي رميناها برة العربية لحد ما جالها برد من كتر الحر


    7- نجيب الخرطوم و الفرشة بتاعت الارض و ننضف الدواسات هترجع جديدة تاني
    و نحطها في العربية تاني و نحط فوقيها ورق جرايد عشان متتبهدلش و يجي عليها تراب لما نركب

    بالمرة بقي نبص ع مقياس الزيت و زيت الفرامل و المية بتاعت الريداتير و مية المساحات و ممكن لو عايز بفوطة مبلولة و تنضف ع اد ما تقدر الموتور و ما حواليه كده يعني



    خلاص كده يا شباب العربية رجعت نضيفة في حوالي ساعة

    و كل يوم بقي نهتم اننا نشيل التراب ع العربية اول بأول بلاش كسل
    متخليش تراب لمدة يومين و هتلاقي العربية فضلت معاك نضيفة و لا الحوجة لمغسلة البنزينة

    انا بعملها مرتين كل شهر او 3 ع حسب ما بحافظ ع تنضيف التراب دايما
    هنخسر ايه بقي لو اخدنا من وقتنا ساعة كل اسبوع او اسبوعين في تنضيف العربية

    و معلش بقي عدم توافر صور لكن اللي تابع موضوعاتي اكيد عارف السبب :)

    و يلا استريحتوا من ضميري انهاردة
    بس مضمنش اني اريحكم كل مرة ههههههه


    و انتظروا ان شاء الله باقي سلسلة تعالوا نعرف

    و بالتوفيق للجميع ان شاء الله


  2. #2

    الصورة الرمزية party_0000

    رقم العضوية : 45210

    تاريخ التسجيل : 21Aug2009

    المشاركات : 1,528

    النوع : ذكر

    الاقامة : haram hill

    السيارة: IT Was BMW 320-2010

    السيارة[2]: corolla-2002

    دراجة بخارية: h

    الحالة : party_0000 غير متواجد حالياً

    افتراضي -

    الله ينور عليك يازعيم

    الحمد لله رب العالمين - اللهم اني لاأسالك رد القضاء ولكني أسالك اللطف فيه -


  3. #3

    الصورة الرمزية Hamdy Masria

    رقم العضوية : 42143

    تاريخ التسجيل : 09Jun2009

    المشاركات : 861

    النوع : ذكر

    الاقامة : Hellwan

    السيارة: كفاية واحدة

    السيارة[2]: HONDA CIVIC 93

    دراجة بخارية: مبحبهاش

    الحالة : Hamdy Masria غير متواجد حالياً

    افتراضي -

    اقتباس المشاركة الأصلية كتبت بواسطة party_0000 مشاهدة المشاركة
    الله ينور عليك يازعيم
    +1

    لازم يكـــون عنــــدك حنكــــة؟؟؟
    إلا هـــو يعنـــى ايـــة حنكـــة!!!!

    hamdymsr سابقا


  4. #4

    الصورة الرمزية osama.m

    رقم العضوية : 5416

    تاريخ التسجيل : 09Feb2008

    المشاركات : 1,940

    النوع : ذكر

    الاقامة : Alexandria

    السيارة: was: Nubira II-lanos 1-regata-128-124

    السيارة[2]: Peugeot 301

    دراجة بخارية: nop

    الحالة : osama.m غير متواجد حالياً

    افتراضي -

    الله ينور عليك

    عندي ماتور بتاع رفع المية دا و بوصل علية الخرطوم .. بيديني ضغط مية كويس مش زي البنزينة بس الواحد بيبقى مستمتع وهو بيشتعل في العربية بأدية

    انا معارضة على فكرة


  5. #5

    الصورة الرمزية ahmedbasto

    رقم العضوية : 14035

    تاريخ التسجيل : 02Jul2008

    المشاركات : 3,111

    النوع : ذكر

    الاقامة : tanta

    السيارة: chevy aveo 2012 MT

    السيارة[2]: Lancer EX 2015

    دراجة بخارية: لا يوجد

    الحالة : ahmedbasto غير متواجد حالياً

    افتراضي -

    مشكور اووووووووووووووى

    مقابلة جديدة للطنطاوية
    http://www.nilemotors.net/Nile/259689-a.html


  6. #6

    الصورة الرمزية amr_elmasry

    رقم العضوية : 6078

    تاريخ التسجيل : 20Feb2008

    المشاركات : 246

    النوع : ذكر

    الاقامة : tanta

    السيارة: opel corsa

    السيارة[2]: 504

    دراجة بخارية: دراجة نارية

    الحالة : amr_elmasry غير متواجد حالياً

    افتراضي -

    تسلم ايدك والله شرح وافى
    والله ماقصرت
    جزاك الله كل خير


    من فقد الله....فماذاوجد ؟؟ ومن وجدالله....فماذافقد ؟؟


  7. #7

    الصورة الرمزية BLOODY_STONE

    رقم العضوية : 47706

    تاريخ التسجيل : 21Sep2009

    المشاركات : 1,742

    النوع : ذكر

    الاقامة : Alexandria , Egypt

    السيارة: ياريس 2009

    السيارة[2]: كابريس 1992

    دراجة بخارية: لا طبعا .. نار بقى و حرايق

    الحالة : BLOODY_STONE غير متواجد حالياً

    افتراضي -

    حلوة حتة القوات الخاصة دي ههههههههههههههههههههههههه هههههههههههههههه

    [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]


  8. #8

    الصورة الرمزية ahmedhawas

    رقم العضوية : 18719

    تاريخ التسجيل : 12Sep2008

    المشاركات : 725

    النوع : ذكر

    الاقامة : Cairo

    السيارة: سكوترابوعجل بينور

    السيارة[2]: سيارة الشعب 128

    دراجة بخارية: .

    الحالة : ahmedhawas غير متواجد حالياً

    افتراضي -

    موضوع جامد جدا من الأخ بتاع الضمير .... ربنا يريحك منه


  9. #9

    الصورة الرمزية dr_abooody

    رقم العضوية : 11647

    تاريخ التسجيل : 27May2008

    المشاركات : 1,772

    النوع : ذكر

    الاقامة : EL-ma3adi

    السيارة: FIAT 128

    السيارة[2]: Hyundai elantra M\T 2009

    دراجة بخارية: لا يوجد

    الحالة : dr_abooody غير متواجد حالياً

    افتراضي -

    شكرا على موضوعك

    بس الجرايد انا جربتها جرحت الازاز انا بقيت انضف تمام و انشف الازاز بفوطة نضيفة

    [mtohg=#ff0000]http://img862.imageshack.us/img862/4429/hyundaielantra201208.jpg[/mtohg]


  10. #10

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة party_0000 مشاهدة المشاركة
    الله ينور عليك يازعيم
    مورسي يا ريس

    نورت :)



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. تعالوا نعرف ازاي نغير سير الدينامو
    بواسطة Amr Axel في المنتدى القــــسم التعلــــيمى
    مشاركات: 21
    آخر مشاركة: 18-02-2017, 09:00 PM
  2. تعالوا نعرف ازاي نفسر رموز الكاوتش
    بواسطة Amr Axel في المنتدى إطارات
    مشاركات: 125
    آخر مشاركة: 30-11-2015, 03:24 AM
  3. تعالوا نعرف ازاي نظبط عربيتنا.... تحت شعار ( و لا الحوجة للصنايعية )
    بواسطة Amr Axel في المنتدى القــــسم التعلــــيمى
    مشاركات: 179
    آخر مشاركة: 22-11-2013, 08:28 PM
  4. تعالوا نعرف ازاي نغير زيت الموتور و فلتر الزيت
    بواسطة Amr Axel في المنتدى القــــسم التعلــــيمى
    مشاركات: 40
    آخر مشاركة: 10-04-2012, 01:20 PM
  5. تعالوا نعرف ازاي نرش الطاسات تحت شعار ( يلا نوفر )
    بواسطة Amr Axel في المنتدى القــــسم التعلــــيمى
    مشاركات: 28
    آخر مشاركة: 15-08-2011, 10:15 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2