سيات ابيزا 2011 ولا فورد فيستا 2011 ؟

**yasminace** · 06-06-2011 02:27 AM

نا محتارة جداً بين العربيتين سيات ابيزا و فورد فيستا أرجوكم ساعدوني على الإختيار و أرجوكم افيدوني في النقاط دي
قطع الغيار اسعارها و هل هي متوفرة في التوكيل ولا لأ
العربية امتى ببتدي أغير فيها حاجات إستهلاك غير الحاجات بتاعة الصيانة و غير الحوادث لا قدر الله
العربية عالية عن الأرض ولا وطية

ألف شكر و جزاكم الله كل خير

**hamada409** · 06-06-2011 05:48 AM

رأيي الإبيزا بحس إنها تستاهل كل مليم إدفع فيها
أعتقد الفييستا قطع غيارها أرخص من الإبيزا

**mohamedgamall** · 06-06-2011 08:59 PM

بصى موضوع قطع الغيار دة فى التليفون خدى نمر التوكيل من الدليل و اتصلى خدى من التوكيل نمر مراكز الصيانة و قوليلهم انك بتفكرى تشترى العربية و عايزة تخدى فكرة عامة عن اسعار قطع الغيار و كونى مجهز ليستة بالحاجت اللى عايزة تسالى عليها فى شكل جدول مقارنة بين العربيتين اسئلى على الفلاتر السيور الفاونييس الاكصدامات مرايات و اى حاجة تيجى فى بالك

**mohamedgamall** · 06-06-2011 09:01 PM

بس كنت عايز اسئلك اشمعنى اختيرتى العربيتين دول ما بين العربيات اللى سالتى عليها قبل كدة

**yasminace** · 06-06-2011 09:55 PM

"س كنت عايز اسئلك اشمعنى اختيرتى العربيتين دول ما بين العربيات اللى سالتى عليها قبل كدة"

علشان أنا شفت العربيات مع ناس و سألت أكتر فحسيت اني مرتاحة للعربيتين دول و لو في عربية أحسن يا ريت تقولي عليها بس أنا يهمني أوي في العربية انها تكون معمرة و مريحة و عفشة نعمة و أنا مش هتعامل غير مع توكيل إن شاء الله

**pirlo2000** · 06-06-2011 10:28 PM

عفشة ناعمة يبقي ابعدي عن الابيزا.......عاملة زي الطوبة.... بس ثبات يمشي علي الحيطة

**mohamedgamall** · 07-06-2011 02:14 AM

مش عارف اقولك اية الابيزا كمان واطية يعنى لما تلاقى مطب عالى هتلاقى نفسك بتاخدية سبعات فى تمانيات حاجة تيييييت يعنى و الايفو توكيلها مش قد كدة و الفيستا بحس انها بذرة عربية ضيقة اوى بس تحفة طبعا , على العموم كل العربيات اللى انتى قلتى عليهم قبل كدة حلوين و كويسين و ان شاء الله مش هتندمى بس اان ارشهلك الايفو عربية عفشتها كويسة و مريحة و موفرة فى استهلاك البنزين و فيها اوبشتز اكتر من باقى العربيات فى الزحمة بدل ما تزعقى ممكن تفتحى الmenu و تلعبى فى الاوبشنز ههههههههه بصى العربية اللى تحبيها اشتريها متوجعيش دماغك بقطع غيار و صيانة كلة بعد كدة بيتحل و خصوصا انك جايبة عربية جديدة و مش صينى يعنى فمتخفيش

**bringy** · 07-06-2011 03:31 PM

انا محتار زيك بردو وزعلان علشان زقزوقه :(

**adel1414** · 07-06-2011 05:27 PM

راييى الابيزا

**egytamer** · 08-06-2011 05:04 PM

لو مش هتبيعي قريب الفيستا وانتي مغمضة احسن عربية ضغيرة في اوربا وفيها اوبشن حلو وتحفة.
لو هتبيعي قريب شوفي الياريس او الهوندا سيتي.
الابيزا التبلوة بتاعها كانها 128 بس معمولها فيس ليفت تابلوة تعباااااان اويييييييي