الموضوع: جوان وش السلندر

الاخوة الافاضل:
فين الردود يا جماعة

المشاركة الأصلية كتبت بواسطة aaffii

الاخوة الافاضل:
فين الردود يا جماعة

اولاً لو المية بتنقص بسبب جوان وش السلندر يبقا لازم يبقا فيه دلاله على الكلام ده
و هي ان لما تفتح غطاء تغيير الزيت او لما تسحب مقياس الزيت و تلاقي الزيت لونه عامل زي لون الطحينة يبقا كدا في جوان
ثانياً هل العربية بتسخن معاك ؟؟؟؟
هل العربية بتدخن ؟؟؟

نسيت اقولك يا باشا ان فيه حجات كتير اوي ممكن تكون السبب في نقص المية ... و خد بالك من اللي جاي
1- جوه التابلوه في السربانتينه بتاعة الدفاية .. لو فيها خرم و بيسرب المية عندك هتنقص - و تي ممكن تعرفها انك تملا دورة التبريد مية و تسخن العربية لو في تسريب هتلاقي ورا الدواسة يعني تحت الفرش تحديدا في الناحية بتاعة الكرسي اللي جمب السائق غرقانة مية بس من اعلى.و دي حلها انك تلغي الدفاية خالص .
2- ممكن يكون فيه شرخ في الفبره بتاعة الرادياتير من الناحية اليمين على وجه التحديد و تحتاج استبدال من محلات المستعمل .
3- ممكن يكون فيه شقوق صغيرة في خراطيم التوصيل من و الى الماكينة و الخراطيم دي محتاجه تتغير.
4- ممكن يكون فيه تسريب في الرادياتير نفسه نتيجة وجود خرم صغير و محتاج يتلحم .

شوف كده و ابقا قلنا ايه في دول ...:b4_033:

كل اللي سيادتك بتقول عليه انا كشفت عليه ومفهوش تسريب وبالنسبة لسربنتينة السخن فأنا لغيها من زمان اصلا اما حتة ان الزيت يبقى طحينه زي ما سيدتك بتقول فده الى الان محصلش والحمد لله بس لو فضل موضوع تسريب الميه اكتر من كده فسعتها حيتطور الموضوع ويبقى سعتها الزيت فعلا طحينه
وشكرا لاهتمامك وردك

هل العربية بتسخن معاك ؟؟؟؟

لأ

هل العربية بتدخن ؟؟؟

لأ

المشاركة الأصلية كتبت بواسطة aaffii

كل اللي سيادتك بتقول عليه انا كشفت عليه ومفهوش تسريب وبالنسبة لسربنتينة السخن فأنا لغيها من زمان اصلا اما حتة ان الزيت يبقى طحينه زي ما سيدتك بتقول فده الى الان محصلش والحمد لله بس لو فضل موضوع تسريب الميه اكتر من كده فسعتها حيتطور الموضوع ويبقى سعتها الزيت فعلا طحينه
وشكرا لاهتمامك وردك

بص يا زعيم بصراحة حضرتك في حاجه اكيد ما كشفتش عليها و اعزرني في الكلامه هو اكيد انك ما كشفتش على حاجه و الدليل انك بتقول ان مافيش حد بيكبس دورة التبريد عندك في اسكندرية يبقا اذن انت رحت لحد مش متخصص مثلاً
يبقا لازم بقا تقولنا انت كشفت على الحجات دي كلها ازاي بخلاف السربنتينة اللي اتلغت
انت بتقول ان مافيش خلط زيت على مية يبقا المية ما بتروحش للماكينة .. و بعدين انت مثلا المية بتنقص عندك باستمرار لما بتيجي تتزود لو عندك خلط هيبان بسرعة .. يبقا المية بتروح فين ؟؟؟؟

* طب ما تشيك على طلمبة المية
* شيك على الاربة و غطا الاربة ممكن تكون الاربة مشروخة و انت مش واخد بالك
* شيك على الرادياتير ممكن يكون فيه مشكلة في الفبرة وانت مش واخد بالك او المشكلة ممكن تكون فيه هو ذات نفسه

اصل ما تقنعنيش انك شيكت على كل ده و مش عارف نقص المية بيروح فين

اصل السؤال فعلاً هيبقا العيب فين لو مسار التبريد مافيهوش مشكلة ؟؟؟؟؟؟

القربة اخبارها ايه معاك والغطاء؟
اكشف علي القربة من تحت لانها ممكن تسرب وانت مش واخد بالك

إنت منين من اسكندرية عشان أنا بتعمل مع مكانيكي و كان عاندي مشكلة برد فالمية و عمل كبس دورة و طلع إن الإربة و الغطا بينفس فه غيرهم