العربيه مش مظبوطه خالص

**mohamedaghali** · 09-06-2011 09:01 PM

العربيه فجاءة ركبها عفريت مش مظبوطه خالص :

1- بتاكل بنزين رغم انى عامل صيانه 20000 ومغير زيت وفلتر زيت و فلتر هواء وبوجيهات معدل الاستهلاك 11 وانا طرقى مكس ما بين دائرى وجوه البلد ومافيش فرق بالتكيف او من غير كانت قبل كده اخرها 9.5 مع العلم انها كانت مخنوقه قبل الصيانه لكن بعد الصيانه الخنقه راحت لكن استهلاك البنزين زاد.

2- صوت الموتور عالى ولما بفتح الكبوت بحس ان صوته خشن رغم انى قبل كده العربيه كانت ناعمه لدرجه انى لما كنت بقف جنبها وهيا دايره مابحسش.

3- فى صوت زى كركره بس مش تسقيف لما باجى طالع او راجع بالعربيه

4- العربيه وهيا دايره وواقفه على p فيه صوت صفاره من عند الفتيس ونفس الكلام لو على الd وانا واقف فى اشارة او شارع زحمه وموضوع صفاره الفتيس ده اكتر حاجه قلقانى.

5- اخر حاجه العربيه مش مظبوطه خالص مش زى الاول تماما.

محتاج مشورتكم وخبرتكم الحاجات ديه ممكن تكون ايه واتصرف ازاى مع العلم ان العربيه خليجى وانا مش عايز اروح تكنو وان تانى لانهم بقو سيئين جدا

**AnAcOnDa_0054** · 10-06-2011 05:00 AM

عموما العربيه بعد تغير البوجيهات بيزيد استهلاك البنزين ودا حصل معايا بس الطبيعي انها بترجع تاني زي الاول ومبيكونش فيه مشكله خالص
بالنسبه للصفاره دي انا بسمعها عندي علي d لما بكون واقف بسمع صوت عامل زي صوت سير كدا بس مش عارف من ايه

**mohamedaghali** · 10-06-2011 11:40 AM

المشاركة الأصلية كتبت بواسطة anaconda_0054

عموما العربيه بعد تغير البوجيهات بيزيد استهلاك البنزين ودا حصل معايا بس الطبيعي انها بترجع تاني زي الاول ومبيكونش فيه مشكله خالص
بالنسبه للصفاره دي انا بسمعها عندي علي d لما بكون واقف بسمع صوت عامل زي صوت سير كدا بس مش عارف من ايه

والله ياباشا هيه المفروض تقل مش تزيد بعد تغير البوجيهات وبعدين المشكله ان العربيه زى مايكون كهربتها عاليه وبالنسبه للصفاره ماهى ديه اللى انا بقول عليها ربنا يسهل وتكون حاجه بسيطه وشكرا جدا لاهتمامك

**ahmed_halim197** · 10-06-2011 11:48 AM

متابع

**behman** · 10-06-2011 04:41 PM

متابع

**mohamedaghali** · 10-06-2011 10:04 PM

ايه ياشباب ماحدش عنده اى اقتراحات ؟ مش اداء الوحوش ده

**salodas** · 11-06-2011 02:58 PM

الموضوع مقلق .... روح التوكيل بسرعة وبأه طمنا

**hi_nmr** · 11-06-2011 06:35 PM

متابع

**mohamedaghali** · 12-06-2011 12:40 AM

انهارده روحت تكنو وان تانى بما ان البرجله دى كلها من بعد الصيانه وقابلت المهندس احمد الشحات وقالى ان كل اللى فى العربيه ده من البنزين رغم انى بحط من موبيل باستمرار وقالى ان استهلاك البنزين العالى من الحر! وعمل حاجه فى البوجيهات "سن البوجيهات" وقالى جرب ,بصراحه مش عارف الكلام ده صح ولا غلط انا هاجرب واشوف

**memo823000** · 12-06-2011 01:23 AM

انا اعتقد ذلك يكون استهلاك البنزين من الحر الشديد
ياجماعه العربيات بتتسلق فى الحر والعربيات اللى بتتركن فى الشمس دى بالزات بتبقى صعبانه عليا لان بجد الشركات بقت بتعمل عربيات شكلها حلو وبتلمع وبتاع لاكن خامات بلاستيكيه والكلام دة مينفعش فى الحر الرهيب ده والطرق السيئه جدا دى
انا راى خليك مع التوكيل احسن ادفع زياده مشمشكله لاكن شغل نضيف ومضمون وتقدر تطلع عنيهم لو حصل حاجه للعربيه

تصدفو ياجماعه انا اكتشفت ان بنزين موبيل افضل من بنزين وطنيه وبيمشينى اكتر معرفش ازاى
حد عنده تفسير