هل الايفو افضل ؟؟

**marwan91** · 11-06-2011 02:01 AM

السلام عليكم
انا كنت عايز اسأل اللي جابو الفيات بونتو ايفو الجديده سؤال لأني ناوي اشتريها
انا حاليا معايا ميتسوبيشي لانسر 2006 موتورها 1300 اوتوماتك و ده اول عربيه اجبها و عمري ما سوقت غيرها و بقالي تقريبا بسوق سنتين بس الحمد لله كل اللي بيركب معايا بيقولي مستحيل تكون ده سواقت واحد بقالوا سنتين بس انا بحب اجري كتير بالعربيه و بسافر كتير و بجيب اخر العربيه بس مش بتزود عن 160 عربيه رخمه بس هعمل ايه بقى و حاليا انا ناوي ابيعها و عجباني جدا الفيات ايفو خصوصا اني عايز اجيب عربيه اوروبي لكن هل موتور الايفو اقوى من عربيتي الحاليه و لا لأ لأن لو كلن اقل من الالنسر مش هجيبها اكيد و هفكر في حاجه تانيه عايز بقى الاساتذه اللي هنا ينصحوني و يقولو لي رأيهم و يا ريت لو ممكن يقولو لي سعر الايفو الفول ابشن او بكدج 2
كمان كنت عايز اعرف سعر عربيتي حاليا كام
شكرا

**mohamedgamall** · 11-06-2011 02:12 AM

بس فى مانيول العربية بيقول ان السرعة القصوى 165 العربية عادى مع ناس كتير فى المنتدى بتجيب ل 180 و 185 بس انا عن نفسى محبش اعمل حاجة مش recommended من صانع العربية

**eslam_fashion** · 11-06-2011 02:58 AM

العربية اثبت من اللانسر
الموتور ممكن يكون احسن او زيها
فرق اوبشننز بالعبيط
بس اصغر من اللانسر
انا سوقت لانسر 1300 2007 كتيييير اوي مانيوال وكانت بتجيب 180

**1.8Tee** · 11-06-2011 03:17 AM

المشاركة الأصلية كتبت بواسطة 1.8Tee

فى رأيى 77 حصان فى 2011 صعب اوى , حتى لو فيها امان و تكنولوجيا العالم كلة.

بالنسبالى العربية مش مجرد appliance.

**wael17** · 11-06-2011 03:07 PM

انا معاية ايفو من 6 شهور...انا ما ركبتش لانسر و ما قدرش احكم من موتوره احسن بس انا الاسبوع اللي فات جبت 170 علي طريق الغردقة....الايفو بتتميز بثبات عالي جدا علي السرعات العالية...يعني ما كنتش خايف وانا علي سرعة فوق 150...بعكس عربيات تانية ممكن تجيب سرعة عالية بس هاتحس ان العربية مش ثابتة علي الارض و هاتضطر تنزل بالسرعة

ممكن تاخد فكرة مفصلة عن الايفو في التقرير ده
http://www.nilemotors.net/Nile/189478-pk2.html

**marwan91** · 11-06-2011 05:28 PM

شكرا ليكم هي الايفو فعلا عربيه جميله و الكماليات و شكلها الخارجي ممكن يخلي الواحد يعدي حكايه الموتور ده و انا اصلا مش هجري بالعربيه على طول لكن اكيد هستفيد من كل الكماليات كل يوم

**wama1903** · 16-06-2011 12:28 AM

لو انت موافق على السعر الجديد ... نوكل على الله و هاتها العربيه ممتازه واسعه و ثبات و اوبشنز

و مبروك مقدما على العربيه الجديده :)

**karimalaa** · 16-06-2011 02:47 AM

كموتور الله أعلم مين أقوى عشان ماركبتش لانسر أصلا غير كام مرة ماقدرش أحكم....بس مواتير فيات لما بتفوق بتتغاااااااشم و من غير تأليس اللي مش مصدق يسأل حد ركب فيات كتير....السرعة القصوى لبونتو ايفو في الحالات الطبيعية 170....لما بتفوق 180 و دي أنا مجربها بنفسي عشان ماكنش كذاب 178 و ملفات أو غرز عادي جدا مافيش أي نوع من أنواع القلق ولا أي حاجة ما تاخدش بالورق و الكلام و 77 حصان و كده...الطريق هو الفيصل و الموتور مش كل حاجة في العربية برده في عوامل تانية كتييييير... ميزة سلسلة مواتير فيات fire انها كلها computerized فا سواقتك هي اللي حتحدد العربية تفضل مكتومة ولا تفوق...

**marwan91** · 16-06-2011 09:39 PM

المشاركة الأصلية كتبت بواسطة wama1903

لو انت موافق على السعر الجديد ... نوكل على الله و هاتها العربيه ممتازه واسعه و ثبات و اوبشنز

و مبروك مقدما على العربيه الجديده :)

فعلا انا سألت كتييير اوي و كلو قاللي نفس الرد بتاعك بظبط :b4_033:

**marwan91** · 16-06-2011 09:40 PM

المشاركة الأصلية كتبت بواسطة karimalaa

كموتور الله أعلم مين أقوى عشان ماركبتش لانسر أصلا غير كام مرة ماقدرش أحكم....بس مواتير فيات لما بتفوق بتتغاااااااشم و من غير تأليس اللي مش مصدق يسأل حد ركب فيات كتير....السرعة القصوى لبونتو ايفو في الحالات الطبيعية 170....لما بتفوق 180 و دي أنا مجربها بنفسي عشان ماكنش كذاب 178 و ملفات أو غرز عادي جدا مافيش أي نوع من أنواع القلق ولا أي حاجة ما تاخدش بالورق و الكلام و 77 حصان و كده...الطريق هو الفيصل و الموتور مش كل حاجة في العربية برده في عوامل تانية كتييييير... ميزة سلسلة مواتير فيات fire انها كلها computerized فا سواقتك هي اللي حتحدد العربية تفضل مكتومة ولا تفوق...

لو العربيه بتجيب 180 و كده تبقى ممتازه جدا و انت بتقول ثباتها ممتاز فأكيد هتكون افضل من اللانسر
و شكرا لاهتمامك