أنا عايز أرخص سيارة أوتوماتيك في مصر

**memo823000** · 15-06-2011 07:34 PM

الجيلي باندا سعر الاتوماتيك منها 54000 تقريبا التوكيل محترم لان فى واحد قريبى معاه المابل وبيشكر فى التوكيل جدا
العيب صينى - وقطع الغيار غير متوفره خارج التوكيل
او
الساجا ألاتوماتيك ب 72000 - توكيل سىء وقطع الغيار على حسب كلام الناس (اتاكد من اصحاب الساجا) غير متوفره فى التوكيل او خارج التوكيل

او فيرنا اتوماتيك جوده خامات وتقفيل اقل من الساجا - موتور وتكييف افضل من الساجا وقطع غيار وصيانه سهلة جدا

فانا لو مكانك هريح دماغى واجيب نيواكسنت اتوماتيك مستعمل 2009 حالتها كويسه او فيرنا زيرو واريح دماغى من كل ده

**Mohab.Nabil** · 15-06-2011 07:36 PM

المشاركة الأصلية كتبت بواسطة JUVENTUS

ممكن الجيلي باندا سعر الاوتوماتيك منها 54000 تقريبا

عذرا لتدخلى يا باشا بس الجيلى باندا اوتوماتيك دلوقتى بـ 59 و فى بعض المعارض بـ 60

و هى عربية كويسة فى الفئة بتاعتها شكل جميل و موتور كويس و فيها اوبشنز عالية بالنسبة للفئة ديه

و توكيلها top gear و ليها صالة عرض فى المهندسين فى شارع البطل احمد عبد العزيز و اظن انها ارخص سيارة اوتوماتيك فى مصر

**Mohab.Nabil** · 15-06-2011 07:39 PM

المشاركة الأصلية كتبت بواسطة memo823000

الجيلي باندا سعر الاتوماتيك منها 54000 تقريبا التوكيل محترم لان فى واحد قريبى معاه المابل وبيشكر فى التوكيل جدا
العيب صينى - وقطع الغيار غير متوفره خارج التوكيل

انا حسب ما شوفت تقفيلها كويس جدا بالنسبة للفئة ديه طبعا

و اللى سمعتوا من مندوب المبيعات هناك ان اسعار قطع الغيار كويسة جدا و معقولة اوى و الله انا حتى استغربت لما قالى على الاسعار مش فاكر بالظبط كام بس هى كانت معقولة جدا

بس دا على مسئولية مندوب المبيعات هناك

**JUVENTUS** · 15-06-2011 07:42 PM

المشاركة الأصلية كتبت بواسطة rs12

عذرا لتدخلى يا باشا بس الجيلى باندا اوتوماتيك دلوقتى بـ 59 و فى بعض المعارض بـ 60

و هى عربية كويسة فى الفئة بتاعتها شكل جميل و موتور كويس و فيها اوبشنز عالية بالنسبة للفئة ديه

و توكيلها top gear و ليها صالة عرض فى المهندسين فى شارع البطل احمد عبد العزيز و اظن انها ارخص سيارة اوتوماتيك فى مصر

شكرا لتصحيح المعلومة
انا اخر مرة شفت سعرها كان 54000 تقريبا من مدة بس يظهر انها غليت

**mostbader** · 15-06-2011 11:43 PM

السلام عليكم

بس هل الموتور و الجير بوكس الاتوماتيك و العفشه بتاعت الصينى ديه ( جيلى باندا ) كويسه ؟
انا سمعت ان الموتور و اجيربوكس بتاع تويوتا بس مش عارف ايه فهل ده صح ؟

و العفشه حتكون بتاعت انهى عربيه علشان انا متهيقلى الصينى بيجمع من كذا عربيه ؟

و ياريت حد يكون ركبها فتره معقوله يقولنا تقرير كامل عنها
علشان انا محتار بردو فيها و كنت عاوز اجيب حاجه مستعمله اوتوماتيك علشان بردو الناس مش واثقه فى الصينى

**bayoumisoft** · 16-06-2011 04:32 PM

سوزوكى سيلاريو ب 70 الف

**n_i_t_e** · 28-06-2011 10:40 AM

جيلى باندا طبعا أرخص أوتوماتيك فى مصر.
الموتور تقريبا أنجليزي
أنا شفتها من سنة و كنت ناوي أشتريها بس عليت بالسعر شويه و جبت جاك.
العربية رغم انها صغيرة من بره بس الكرسي اللى قدام واسع و مريح و ياخد واحد طويل فوق 185 سم
الكراسي اللى ورا ضيقة شويه لشخص حجمه كبير و ده يخليها مناسبة جدا لو أسرة صغيرة عندهم أطفال صغيرين.
التابلوه شكله حلو..ألشنطة مناسبة بالمقارنة لحجمها.
برضه الرجل فى التوكيل قال نفس الكلام أن قطع غيارها رخيصة.
لو موضوع الفلوس حساس جدا معاك طبعا خليك فى المستعمل.
لو انت شايف أن الفلوس فى عربية بتاخد وقتها و سعر أعادة البيع مش مشكلة كبيرة بالنسبة لك يبقى بص عليها.
أنا الحمد لله م أوائل الناس اللى جابت الجاك - صينى و توكيلها نفس توكيل جيلى - فى مصر كان سعرها 70000 دلوقتى سعرها تقريبا 84000 و العربية ما شاء الله ناعمة و مريحة بس ربنا يبعد عنها السواقين اللى محتاجين يركبوا مساحات على عينهم