كهربة اللانسر بوما

**M.Nasr** · 11-06-2011 12:42 PM

انا هاحكيلكم على اللى بيحصل عندى باختصار ومش عارف كده فيها مشكلة ولا عادى

اولا البطارية بتكمل معايا سنة بالعافية وبتضعف وغيرتها 3 مرات قبل كده وبتضعف بمعنى انها مش بتدور من اول مرة
فى بداية الدورارة .

النور بيعلى ويوطى مع دوسة البنزين او بمعنى اصح مع زيادة عدد لفات الموتور وبيعلى ويوطى بشكل ملحوظ يعنى والكلام ده على اى نور حتى نور لمبة الصالون زائذ فيه رعشة مع الكاسيت لما يكون عالى بتبان مع الطبلة بالذات

اثناء تشغيل التكييف العربية بيبقى فيها رجة جامدة ولما اكون ماشى وادوس فرامل والتكيف شغال بحس انها خلاص هتبطل

ايه رايكم فى الكلام ده؟ مع العلم انى كشفت على شحن الدينامو اكتر من مرة وعند اكتر من كهربائى وكلهم قالو انه كويس مافهوش حاجة

**HeMa_LanCeR** · 11-06-2011 12:51 PM

طيب البطارية بتنام يعني من غير متكون مشغل حاجه؟

**M.Nasr** · 11-06-2011 01:24 PM

المشاركة الأصلية كتبت بواسطة hema_lancer

طيب البطارية بتنام يعني من غير متكون مشغل حاجه؟

مش بتنام بس عارف اما تحس ان المارش ضعيف تدور مرتين عشان تلقط معاك

**kimotop** · 11-06-2011 02:16 PM

المشكلة مش في الدينامو لانك بتقول لما بتدوس بنزين بتحس ان الكهربا بتعلى ودا معناه ان الدينامو شغال
لو انت بتركن العربية كتير من 3 ل 5 ايام مثلا دا اكيد هيأثر على البطارية ويعمل الي بتقول عليه
لو انت مبتركنهاش بس معظم مشاويرك بالليل دا ممكن ميديش فرصة للبطارية انها تشحن كويس من الدينامو
على العموم انت محتاج كهربائي كويس يشوفلك كهربة العربية وممكن يكون فيها سيريال ولا حاجة بتضعف البطارية وبتخليها تبوظ او اواشيط الكهربا مش متركبة كويس وبتخلي البطارية تهرب
وممكن العيب في الاخر يطلع من نوع البوجيهات وظبطة الموتور فمتقلقش كلها حاجات بسيطة
على العموم المشكلة بسيطة ان شاء الله

**M.Nasr** · 11-06-2011 03:56 PM

لا مش بركنها كتير بنزل بيها كل يوم
يعنى اراجع على الاواشيط والفيوزات واكشف عليها كمبيوتر؟

**ahmedsaiad** · 11-06-2011 11:40 PM

ياباشا الموضوع الموضوع مش موضوع انك بتركن العربيه اكترمن 3 او 5 ايام انا بركن عربيتى احيانا اكتر من 10ايام وهى لانسر 2007 ولسه مغيرتش بطاريه ممكن المشكله تكون كتاوت شحن لان لما بتدوس بنزين النور يعلى ويوطى كدا انتا بتاخد كهربا مباشر من الد ينامو
شوف كهربائى كويس يظبطلك العربيه

**tameraast** · 12-06-2011 12:15 AM

العربيه استعمال ؟؟؟

فى عربيات بتغير الضفيره و بتبقى عك

**M.Nasr** · 13-06-2011 03:20 AM

لا العربية معايا زيرو وماجيتش ناحية الكهربا قبل كده ولا ركبت اى حاجة زيادة

**mohamed_e36** · 13-06-2011 03:53 AM

انا كان بيحصل معايا كده وكانت البطاريه مبتعدش معايا اكتر من سنه وكانت في اول 6 شهور تمام وبعد كده تبدا تنام والهييس يشتغل لغايه اما عرفت ان في تهريب في كهربه العربيه وطلع من الكاسيت
كان طول ما انا مبطل العربيه الكاست عمال ياكل في البطاريه
شوف عندك ممكن يكون حاجه زي كده
متهيألي اللي بيحصل عندك من رج في الموتور والعربيه بتكون عايزه تبطل لان البطاريه ضعيفه

**M.Nasr** · 15-06-2011 01:34 AM

المشاركة الأصلية كتبت بواسطة mohamed_e36

انا كان بيحصل معايا كده وكانت البطاريه مبتعدش معايا اكتر من سنه وكانت في اول 6 شهور تمام وبعد كده تبدا تنام والهييس يشتغل لغايه اما عرفت ان في تهريب في كهربه العربيه وطلع من الكاسيت
كان طول ما انا مبطل العربيه الكاست عمال ياكل في البطاريه
شوف عندك ممكن يكون حاجه زي كده
متهيألي اللي بيحصل عندك من رج في الموتور والعربيه بتكون عايزه تبطل لان البطاريه ضعيفه

انا كنت شاكك فى وصلة الكاسيت بردو ورحت لكهربائى شال الوصلات تانى وعملها على فيشة (ايزو) عشان تبقى بعيدة عن ضفيرة العربية وبردو لسه المشكلة موجودة

الموضوع: كهربة اللانسر بوما

LinkBack

أدوات الموضوع

عرض

كهربة اللانسر بوما - انشر الموضوع فى :

-

-

-

-

-

المواضيع المتشابهه

عداد البنزين اللانسر بوما - ومشكلة في المارشدير

سؤال مهم جدا بخصوص اللانسر بوما :)

سؤال لخبراء اللانسر بوما - ايه احسن نوع كاوتش

اطارات اللانسر بوما

عربيتى اللانسر بوما طلعت سعودى 2007 ! وبعدين !!!!!

الكلمات الدلالية لهذا الموضوع

المفضلات

المفضلات

ضوابط المشاركة