عايز أعمل شكوي في توكيل كيا

**elshareef2005** · 13-06-2011 12:52 AM

السلام عليكم
انا سألت بخصوص أني عايز أعمل شكوي في توكيل كيا لكن موضوعي ما اتنشرشي لحد دلوقتي
لو سمحتوا أفيدوني
0112229545

**yasserelsayad** · 13-06-2011 05:49 AM

Contact Us: Footer l KIA Motors

دوس على contact us اللى تحت "After Sales Service" وشوف انت عايز تكتب ايه ؟؟
بس هو ايه المشكلة ؟؟ عملوا معاك ايه ؟؟

**bayoumisoft** · 13-06-2011 07:43 PM

يا ريت تفاصيل اللى حصلك معاهم , لان نادرا ما حد بيشتكى منهم ,
لان اللى اعرف من تجارب ناس كتير انهم احسن توكيل عربيات فى مصر

**Typerr** · 13-06-2011 08:42 PM

التوكيلات في مصر زباله بصراحه

**elshareef2005** · 14-06-2011 02:39 AM

ان شاء الله هكتبلكم كل اللي حصل بس دلوقتي مشغول جدا
وشكرا كتير علي ردودكم

**elshareef2005** · 14-06-2011 03:17 AM

اليكم التفاصيل
انا كنت عملت حادثه في اكتوبر 2009 وعملت العربيه في توكيل كيا الغردقه
وأستلمت العربيه وكانها طالعه من ورشه تحت السلم مش توكيل محترم زي ما كنت فاكر
بعديها بست شهور البويا شققت لأن الصنايعي المحترم اللي عندهم زود المعجون وأتوصي فرحت لهم بيها وبعد الفحص والتمحيص قالو انهم أسفين وهات العربيه يا باشا وهتتعمل زي الفل
للأسف صدقتهم وعملوها علي حسابهم
والمفاجأه بعد أقل من 4 شهور تاني شققت تاني لأن البيه مشالشي المعجون القديم ودهن عليه تاني
فرحت لهم تاني قا لولي احنا الصنايعي مشناه وعندنا صنايعي زي الفل دلوقتي وهنعملهاك تاني
وبعد ما عملوها وجيت اخد العربيه لقيتهم عايزيين يحاسبوني علي دهان 3 قطع
فطبعا خرجت عن شعوري وقلت لمدير المركز ده المفروض تخلصها وتديني العربيه وأنت بتتأسف لأن الموضوع غلطتكم من الأول
رد عليا وقالي أصل البويا ملهاش ضمان عندنا مع أن أقسملكم بالله واحد صاحبي داهن عربيه عند صنايعي بره ودلوقتي بقالها أكتر من 10 سنين مششقتشي.
المهم بعد شد وجذب قالي هتدفع قطعه واحده اللي هي الأكصدام لأن الأكصدام ملوش ضمان بالرغم أن كل قطعه أتدهنت عندهم شققت مش الأكصدام بس.
ساعتها أتصلت بمدير قطع الغيار في فرع الغردقه وقالي علشان تخلص أدفع وخد فاتوره وتعالي أعمل شكوي.
نسيت اقلكم أني أستلمت العربيه بالليل علشان كده مخدتش بالي ان اللون كمان غير اللون.
المهم اما رحت لمدير قطع الغيار رحتله بعد فتره لأن الوقت ده كانت الثوره وفيه أنفلات ومكنتش بطلع بالعربيه خالص.المهم أني كنت أخدت بالي من أختلاف اللون
المهم الراجل بصراحه قابلني كويس جدا جدا وصور الفاتوره اللي معايا وخليته شاف أختلاف اللون وقالي انه صعب يرجعلي الفلوس تاني لأنهم سحبوا التوكيل من المكان ده.
لكن موضوع اللون هو هيحلو معاهم وهيظبطلي العربيه
وأنا أقسمتله ان المسأله مش مساله فلوس خالص
الموضوع كله موضوع أهمال وسرقه وعدم تقدير وعدم أحترام.
المهم من شهر فبراير لحد دلوقتي لا هو كلمني ولا الموضوع أتحل.
وكل ما حد يشوف العربيه طبعا يقولي العربيه دي داهنه كذا وكذا
بس اللي دهنلك ( وأسف في اللفظ يعني ) حمار .دهنت فين يا عم ؟ أقولهم في التوكيل . الناس والله مش مصدقه
ملحوضه :
نسيت أضيف أن بعد ما أستلمت العربيه من الحادثه بشهر لقيت فرق في أسعار قطع الغيار 1686 جنيه وهددتهم ورجعولي 1500 جنيه علشان كده قلت انها سرقه
قولولي بقي لو مكاني هتعملوا إيه ؟؟

**yasserelsayad** · 14-06-2011 03:33 AM

المشاركة الأصلية كتبت بواسطة elshareef2005

اليكم التفاصيل
انا كنت عملت حادثه في اكتوبر 2009 وعملت العربيه في توكيل كيا الغردقه
وأستلمت العربيه وكانها طالعه من ورشه تحت السلم مش توكيل محترم زي ما كنت فاكر
بعديها بست شهور البويا شققت لأن الصنايعي المحترم اللي عندهم زود المعجون وأتوصي فرحت لهم بيها وبعد الفحص والتمحيص قالو انهم أسفين وهات العربيه يا باشا وهتتعمل زي الفل
للأسف صدقتهم وعملوها علي حسابهم
والمفاجأه بعد أقل من 4 شهور تاني شققت تاني لأن البيه مشالشي المعجون القديم ودهن عليه تاني
فرحت لهم تاني قا لولي احنا الصنايعي مشناه وعندنا صنايعي زي الفل دلوقتي وهنعملهاك تاني
وبعد ما عملوها وجيت اخد العربيه لقيتهم عايزيين يحاسبوني علي دهان 3 قطع
فطبعا خرجت عن شعوري وقلت لمدير المركز ده المفروض تخلصها وتديني العربيه وأنت بتتأسف لأن الموضوع غلطتكم من الأول
رد عليا وقالي أصل البويا ملهاش ضمان عندنا مع أن أقسملكم بالله واحد صاحبي داهن عربيه عند صنايعي بره ودلوقتي بقالها أكتر من 10 سنين مششقتشي.
المهم بعد شد وجذب قالي هتدفع قطعه واحده اللي هي الأكصدام لأن الأكصدام ملوش ضمان بالرغم أن كل قطعه أتدهنت عندهم شققت مش الأكصدام بس.
ساعتها أتصلت بمدير قطع الغيار في فرع الغردقه وقالي علشان تخلص أدفع وخد فاتوره وتعالي أعمل شكوي.
نسيت اقلكم أني أستلمت العربيه بالليل علشان كده مخدتش بالي ان اللون كمان غير اللون.
المهم اما رحت لمدير قطع الغيار رحتله بعد فتره لأن الوقت ده كانت الثوره وفيه أنفلات ومكنتش بطلع بالعربيه خالص.المهم أني كنت أخدت بالي من أختلاف اللون
المهم الراجل بصراحه قابلني كويس جدا جدا وصور الفاتوره اللي معايا وخليته شاف أختلاف اللون وقالي انه صعب يرجعلي الفلوس تاني لأنهم سحبوا التوكيل من المكان ده.
لكن موضوع اللون هو هيحلو معاهم وهيظبطلي العربيه
وأنا أقسمتله ان المسأله مش مساله فلوس خالص
الموضوع كله موضوع أهمال وسرقه وعدم تقدير وعدم أحترام.
المهم من شهر فبراير لحد دلوقتي لا هو كلمني ولا الموضوع أتحل.
وكل ما حد يشوف العربيه طبعا يقولي العربيه دي داهنه كذا وكذا
بس اللي دهنلك ( وأسف في اللفظ يعني ) حمار .دهنت فين يا عم ؟ أقولهم في التوكيل . الناس والله مش مصدقه
ملحوضه :
نسيت أضيف أن بعد ما أستلمت العربيه من الحادثه بشهر لقيت فرق في أسعار قطع الغيار 1686 جنيه وهددتهم ورجعولي 1500 جنيه علشان كده قلت انها سرقه
قولولي بقي لو مكاني هتعملوا إيه ؟؟

كدا توكيل كيا الغردقة مش مظبوط ولازم تشتكيه وياريت تكلم المركز الرئيسى وتقولهم على اللى حصل
بس معلش المناطق البعيدة الصنايعية فيها مش بيكونوا تمام زى القاهرة كدا والتوكيل مش هيقدر يجيب حد من القاهرة يشتغل معاهم .. فا اساسى هتلاقى مستوى الفرع دا اقل مثلا من ابو رواش والقطامية

**bayoumisoft** · 14-06-2011 07:51 PM

واضح انه مكان تعبان بدليل اللى انت قولتة

وكمان انت قولت ان الوكيل سحب التوكيل من المكان ( ده معناه مش انت اللى وحدك اللى اشتكيت وشكلهم عندهم مصايب تانية)
حاول تشتكى فى الفرع الرئيسى وهما ممكن يحلولك الموضوع

الموضوع: عايز أعمل شكوي في توكيل كيا

LinkBack

أدوات الموضوع

عرض

-

-

-

-

-

-

المواضيع المتشابهه

عايز أعمل الفانوس كده

عايز اقدم شكوي

عندي شكوي من توكيل كيا بالغردقه .أعمل إيه ولا أكلم مين ؟

عايز أعمل صيانة

الكلمات الدلالية لهذا الموضوع

المفضلات

المفضلات

ضوابط المشاركة