إزاى موتور الشاهين انشط من اللوجان الزيرو ؟؟

**Mahmoud Nagieb** · 13-06-2011 02:39 AM

سلام عليكم يا جماعة

بصراحة انا اول مرة اكتب فى قسم فيات .... وإن شاء الله متبقاش اخر مرة ...... انا معايا شاهين وبصراحة العربية ده عربية شغل ودايما متهانة لحد لما من حوالى شهر شدتها شدة حلوة عمرة وعفشة وفرامل وكله ... بصراحة من ساعتها بقت عروسة بتزغرط .... ومن ساعتها ما شاء الله حاسس ان موتور العربية بقى مهيبر مرة واحدة ... يعنى لما بكبس بنزين بحس ان فيه وحش فى الكبوت وكمان صوت الموتور العالى مدينى احساس انه فعلا وحش ... الى جانب ان تجميع الغيارات الاول والتانى والتالت بحس انه طلقة وان الموتور نشيط جدا .... بعكس مثلا اللوجان (الزيرو) اللى معايا بحس ان موتورها كسلان كده ومش بيجمع حلو زى الشاهين مع ان ده 1600 انجيكشن والشاهين 1300 كاربراتير ده بجانب فرق الاحصنة ووقت التصنيع

فعلشان كده بسأل هو ليه موتور الشاهين نشيط ودمه حامى مع انه قديم وكمان العربية كرونة ؟؟

**amr.elsayed** · 13-06-2011 03:10 AM

ربنا يباركلك فى الاتنين و دايما يكونوا خير سند ليك .. قول امين
عاملة كام كيلو اللوجان ؟
بتجيب بيها من 0 الى 100 فى كام ثانية ؟
وبتجيب بالشاهين فى كام ثانية ؟
احسب بالارقام علشان تعرف اذا كان فى مشكلة فى اللوجان
ولا هو فعلا ماتور الشاهين اقوى
ومبروك العمرة يا باشا

**Mahmoud Nagieb** · 13-06-2011 03:35 AM

المشاركة الأصلية كتبت بواسطة ringoo

ربنا يباركلك فى الاتنين و دايما يكونوا خير سند ليك .. قول امين
عاملة كام كيلو اللوجان ؟
بتجيب بيها من 0 الى 100 فى كام ثانية ؟
وبتجيب بالشاهين فى كام ثانية ؟
احسب بالارقام علشان تعرف اذا كان فى مشكلة فى اللوجان
ولا هو فعلا ماتور الشاهين اقوى
ومبروك العمرة يا باشا

ربنا يخليك يا باشا ..... اللوجان عاملة بالظبط 21 الف بس انا بصراحة محسبتش بتجيب من 0 ل 10 فى كام ثانية ... بس هيا العملية محسوسة اوى ... لو مثلا جيت كابس بنزين وانا على التانى فى اللوجان تلاقى ال rpm بيعلى ببطئ لحد لما يبدأ يوصل ل 4 تقريبا وساعتها بحس بأن العربية بدأت تشد ... الشاهين ما شاء الله اكبس بنزين بلاقى الموتور جاب 4.50 rpm فى وقت قصير جدا

هو اكيد موتور الشاهين مش اقوى بالعكس ده اقل فى السعة واقل فى القوة وشايل عربية اتقل وكمان دفع خلفى كرونة
انما اللوجان موتور انجيكشن وسعة اكبر و90 حصان وعربية خفيفة على كبالن ومش عارف مخنوق ليه كده ؟؟

**waelfarid** · 13-06-2011 03:39 AM

هي العربيات الانجكشن كدة تدوس بنزين تحس انها بتفكر الاول وبعدين تنفذ بينما الكربراتير منك للمكنة علي طول

**yuyu0000yuyu** · 13-06-2011 01:31 PM

نفس الاحساس عندى عربيتى ال 128 1.3 اول ما اكبس بنزين الاقى الفرك العجل والعربيه طارت من تحتى واديه تانى بنتشه القى فرك والعربيه تجمع بسرعه جدا اما الانسر ال 1.3 كرباتير برده اكبس مفيش وفرك بسيط مش زى ال 128 وتطلع ببطئ كدا واديه التانى تنتش وتفرك بس ومتجريش اوى زى ال 128 رغم ان موتور ها حالته فوق الممتازه زيرو تقريبا ومتحافظ اوى اوى عليه وبتعرق ماء من الشكمان وكده بس مش عارف مخنوقه كده ازااااااااى

**yoko** · 13-06-2011 01:54 PM

المشاركة الأصلية كتبت بواسطة Mr_7oda

سلام عليكم يا جماعة

بصراحة انا اول مرة اكتب فى قسم فيات .... وإن شاء الله متبقاش اخر مرة ...... انا معايا شاهين وبصراحة العربية ده عربية شغل ودايما متهانة لحد لما من حوالى شهر شدتها شدة حلوة عمرة وعفشة وفرامل وكله ... بصراحة من ساعتها بقت عروسة بتزغرط .... ومن ساعتها ما شاء الله حاسس ان موتور العربية بقى مهيبر مرة واحدة ... يعنى لما بكبس بنزين بحس ان فيه وحش فى الكبوت وكمان صوت الموتور العالى مدينى احساس انه فعلا وحش ... الى جانب ان تجميع الغيارات الاول والتانى والتالت بحس انه طلقة وان الموتور نشيط جدا .... بعكس مثلا اللوجان (الزيرو) اللى معايا بحس ان موتورها كسلان كده ومش بيجمع حلو زى الشاهين مع ان ده 1600 انجيكشن والشاهين 1300 كاربراتير ده بجانب فرق الاحصنة ووقت التصنيع

فعلشان كده بسأل هو ليه موتور الشاهين نشيط ودمه حامى مع انه قديم وكمان العربية كرونة ؟؟

اللوجان أقوي أكيد لكن الإحساس ده طبيعي لغن مواتير فيات تتميز بالعصبيه والعزم الي بيطلع بدري (بدون الدخول في تفاصيل هندسيه معقدة) فالعزم البدري ده بيحسسك بقوة السحب عند الrpm القليل لكن لو العزم متأخر متحسش بسحب العربيه غير لما الrpm يعلى

المشاركة الأصلية كتبت بواسطة yuyu0000yuyu

نفس الاحساس عندى عربيتى ال 128 1.3 اول ما اكبس بنزين الاقى الفرك العجل والعربيه طارت من تحتى واديه تانى بنتشه القى فرك والعربيه تجمع بسرعه جدا اما الانسر ال 1.3 كرباتير برده اكبس مفيش وفرك بسيط مش زى ال 128 وتطلع ببطئ كدا واديه التانى تنتش وتفرك بس ومتجريش اوى زى ال 128 رغم ان موتور ها حالته فوق الممتازه زيرو تقريبا ومتحافظ اوى اوى عليه وبتعرق ماء من الشكمان وكده بس مش عارف مخنوقه كده ازااااااااى

إضافة للكلام الي فوق وزن ال١٢٨ أخف بكتييير من اللانسر

**mohamedmmm2** · 13-06-2011 03:12 PM

انت بس بيتهيالك بس على الطريق العربيه بتبان لو بتشد... وكمان ممكن تكون اللوجان مش متفتحه.. جرب احرق عليها شويه وشوف العربيه هاتبقى عامله ايه معاك.. كمان صوت الشاهين وفتيسها ممكن يحسسك انك بتجرى.. وانت فى الحقيقه لا بتجرى ولا حاجه

**mohamedgamall** · 13-06-2011 06:06 PM

المشاركة الأصلية كتبت بواسطة mohamedmmm2

انت بس بيتهيالك بس على الطريق العربيه بتبان لو بتشد... وكمان ممكن تكون اللوجان مش متفتحه.. جرب احرق عليها شويه وشوف العربيه هاتبقى عامله ايه معاك.. كمان صوت الشاهين وفتيسها ممكن يحسسك انك بتجرى.. وانت فى الحقيقه لا بتجرى ولا حاجه

فعلا زائد ان الطريق و العفشة لو مش تمام يخلوك ماشى على 60 و انت حاسس انك ماشى على 160

**تامر.محمد** · 14-06-2011 12:36 PM

رأيي ان الموضوع احساس السرعة (العربية الاقدم بتحسسك اكتر) + زي ما قال يوكو نسب الفتيس في الشاهين

-

الموضوع: إزاى موتور الشاهين انشط من اللوجان الزيرو ؟؟

LinkBack

أدوات الموضوع

عرض

إزاى موتور الشاهين انشط من اللوجان الزيرو ؟؟ - انشر الموضوع فى :

-

-

-

-

-

-

-

المواضيع المتشابهه

إزاى تطلع العفريت الى جوا موتور النيو اكسنت

مشكله فى زيت موتور الشاهين

هل سخونة الشاهين الزيرو مع التكييف في الصيف طبيعية ؟؟

ماهى التعديلات الواجب عملها فى الشاهين الزيرو؟

فين ممكن اشوف الشاهين علي الزيرو....

الكلمات الدلالية لهذا الموضوع

المفضلات

المفضلات

ضوابط المشاركة