الموضوع: شويه نقاط للاستفسار عن صيانه / كاوتش ؟

سلام عليكم
يارب تكونوا بخير ان شاء الله جميعا
دلوقتي في استفسار كده
انا بفوق صيانه وبعمل صيانه
بمعني اني بفوت صيانه الخمسات وبعمل صيانه العشرات
يعني اعمل صيانه 20 بس 25 مش بعملها واعمل صيانه 30 ومش اعمل صيانه 35 وهمذا بقي
انا فوت صيانتين لحد دلوقتي
هل ده بياثر علي العربيه ولا لأ
انا فاضل الفين كيلو وهاعمل صيانه ال 40 الف
بس بعد امتحاني بكره دعواتكم ليا بالتوفيق
فهل ده غلط علي العربيه اني افوت صيانه الخمسات ولا لأ
انا عملت كده طبعا لان مصاريف الصيانه مبالغ فيها ومش بيعملوا حاجه في صيانه الخمسات وكل حاجه بتتعمل في العشرات فعلشان كده قولت افوت في صيانه الخمسه وكمان حاسس ان العربيه مش متغيره يعني زي ما هي هل ده هياثر علي المدي البعيد
وكمان عملت كده لان يوم كامل بيضيع وبهدله وكده

فعايز منكم النصيحه في موضوع الصيانه وكده


كمان فيه نقطه دلوقتي انا عايز ارصص ارصص في التوكيل ولا برا ولو برا ارصص فين علشان الفلوس وكده في التوكيل بيكون غالي بس هم رصصوها في 20 الف وكانت تمام ودلوقتي رجع الدركسيون يهتز تاني فكده محتاج ترصيص فارصص فين افضل

كمان نقطه تانيه ( معلشي النقط كتيره :) ) الدركسيون مايل شويه حاجه بسيطه نحيه اليمين يعني مش في النصف كده يعني كان الطاره واخده لفه يمين حاجه بسيطه قوي فهل دي بتتعمل في التوكيل وبتتظبط ولا في حاجه مكسوره

كمان نقطه تالته كنت راكن العربيه في القصر العيني وطلعت لاقيت واحد خبطلي الفانوس الي ورا فالازاز بتاع الفانوس اتكسر بس الفانوس سليم وكل حاجه بس فيه حته منه اتكسرت ووقعت فانا اتلاقي الوش ده فين لاني دورت في المنصوره وملاقتشي خالص

كمان نقطه رابعه :) عادي عادي النقط جي في حياتي بقت عادي يعني بنزاكر اطفال هنتعلم ايه منهم دلوقتي غير نقط يعني مثلا لما كنا بنزاكر نسا كنت بتعلم الصويت يعني اقول صويت رقم واحد اتنين فعادي عادي متخدوش في بالكم :)
النقطه الرابعه بقي دلوقتي الي اعرفه ان الكاوتش بيتغير عند 40 الف صح ولا غلط
ولو هيتغير بيتغير منين وبكام وكمان ايه افضل الانواع وعايز حاجه تزود الثبات مع ان العربيه ثابته وزي الفل بس عايز حاجه تزودها وتبقي راسيه اكتر علي الارض انا شفت هنا في المنتدي كاوتش اعرض وكده فهل ده كويس ولا لأ وقرات كتير في المنتدي بس مفهتمش حاجه الصراحه فانهي نوع افضل ياريت لو بالاسم والماركه ومنين وبكام :) عادي بردوا ما الدكتور بيخش يقولي قول يابني المرض الفلاني اسمه وماركته ومنين بكام امممم ايه ده لا اقصد بيقول تعريفه واعراضه وعلاجه :p مع العلم اني بسافر كتير من المنصوره للقاهره كذا مره في الاسبوع ومن اكتوبر للقاهره يوميا كذا مره في اليوم


خلاص النقط خلصت :)

نشكركم لحسن استماعكم ولحسن مساعدتكم مستقبلا ونلقاكم في نقط اخري والسلام عليكم ورحمه الله وبركاته :

كاوتش الصني بريدجستون وعلي حد علمي بيقعد اكتر من 60000 شرط الحاله والاتزان المظبوط ( انا عندي قعد 65000 وغيرته واعتقد انه يقعد اكتر لان البائع خدهم وصمم عليهم والحمد لله لم يكن فيهم خرم واحد )