حاجة غريبة ومعلومة اكيدة

**MMMERO** · 20-06-2011 05:18 PM

السلام عليكم
حصل معايا حاجة غريبة اوى الخميس اللى فات مش عارف سببها ان العربية رفضت تدور من اول مرة وقعدت احايلها بتاع 10 دقائق لغاية ما دارت وكنت بكارك بنزين وهى بتحاول تلقط ومش فاهم ازاى علشان انا عارف ان الكارينز انجيكشن فمش فاهم لغاية دلوقتى المهم كنت حاجز صيانى ال15 الف يوم امس الاحد وقلتلهم على الموضوع دة واجرب معاهم متحصلش ابدا تانى بجد طنت مضايق جدا لانى لما حاولت ادورها الصبح يوميها برضوا زرجنت انما امام المهندس كانت ماشية زى الالف فالمهندس قال لى اولا لازم تفتح الكونتكت حوالى 5 ثوانى ثم تدور العربية علشان العربية دى فيها ايموليزر فقلت انقل لكم المعلومة وياريت تفكروا معايا ممكن دة يكون السبب ولا اية

**Khaled_Nowaihy** · 20-06-2011 10:00 PM

الحمد لله على سلامتك يا باشمهندس .... كيف أحوالك
حصلت معايا 4 مرات قبل كده .... بس مش 10 دقائق ... بتدور بعد رابع أو خامس محاولة
والحل الى وصلت له مستوحى من العزيزة الـ 128 !!!
بعد ما أحط المفتاح فى الكونتاكت اضغط على دواسة البنزين لآخرها ضغطة واحدة ببطئ و أشيل رجلى
جرب الحكاية دى

**MohssenRashed** · 21-06-2011 09:25 AM

المشاركة الأصلية كتبت بواسطة mmmero

السلام عليكم
حصل معايا حاجة غريبة اوى الخميس اللى فات مش عارف سببها ان العربية رفضت تدور من اول مرة وقعدت احايلها بتاع 10 دقائق لغاية ما دارت وكنت بكارك بنزين وهى بتحاول تلقط ومش فاهم ازاى علشان انا عارف ان الكارينز انجيكشن فمش فاهم لغاية دلوقتى المهم كنت حاجز صيانى ال15 الف يوم امس الاحد وقلتلهم على الموضوع دة واجرب معاهم متحصلش ابدا تانى بجد طنت مضايق جدا لانى لما حاولت ادورها الصبح يوميها برضوا زرجنت انما امام المهندس كانت ماشية زى الالف فالمهندس قال لى اولا لازم تفتح الكونتكت حوالى 5 ثوانى ثم تدور العربية علشان العربية دى فيها ايموليزر فقلت انقل لكم المعلومة وياريت تفكروا معايا ممكن دة يكون السبب ولا اية

معلش ياباشا مع احترامي للي قالك كده بس الكلام ده غلط, الايموبليزر بيمنع العربيه تدور لو مفتاح منسوخ او تحاول تدورها من غير مفتاح ( في حاله السرقه) .

المشكله عند حضرتك المفروض لما تحط المفتاح تلفه لفه و تستنى لما صوت طرمبه البنزين يوقف و لمبه التشك تطفي و بعدين تدور.

**Donzi** · 21-06-2011 09:59 AM

مفيش علاقة بين الايموبلايزر و ان العربية تقعد 10 دقايق او خمس محاولات ماتدورش !!!

جرب بس تستنى لما لمبة التشك تطفي و بعدين تدور و المفروض تدور من اول مرة عادي و لو الموضوع اتكرر تاني روح التوكيل و قولهم لأن دا مش طبيعي

**MMMERO** · 21-06-2011 11:44 AM

شاكر ردودكم جدا انا فعلا عارف ان الايموليز ما لوش علاقة وكمان ان موضوع العربية انجيكشن دى فممكن يكون انا وخالد بتقوم معانا بعد ما نفتح الكونتكت بشوية وتكون ربطت معانا بدوسة البنزين بس اللى انا عارفة موضوع لمبة الشيك بتاعة الماتور بس هى مش بتطفى اللى لما ادور فعلا ويمكن لما بفتح الكنتكت زى ما قالى المهندس خمس ثوانى فعلا طربة البنزين بتشتغل وتوصل شوية بنزين علشان تقوم على العموم هجرب تانى واشوف

**MMMERO** · 21-06-2011 11:50 AM

المشاركة الأصلية كتبت بواسطة khaled_nowaihy

الحمد لله على سلامتك يا باشمهندس .... كيف أحوالك
حصلت معايا 4 مرات قبل كده .... بس مش 10 دقائق ... بتدور بعد رابع أو خامس محاولة
والحل الى وصلت له مستوحى من العزيزة الـ 128 !!!
بعد ما أحط المفتاح فى الكونتاكت اضغط على دواسة البنزين لآخرها ضغطة واحدة ببطئ و أشيل رجلى
جرب الحكاية دى

خالد باشا اللة يسلمك بس فعلا ال128 كربرتير والكارينز انجيكشن فمش ممكن اللى انا متصورة اننا ما بنفتحش الكونتكت الخمس ثوانى فا الطرمبة ما بتلحقش تزود بنزين واحنا بس ربط معانا اننا بندوس على الدواسة

**MMMERO** · 21-06-2011 11:51 AM

المشاركة الأصلية كتبت بواسطة elhelawy

يا جماعه مع احترامى لكلام حضراتكم بس فى فرق السماء من الارض فى التشغيل ما بين ال 128 و كارينز واحده كاربراتير وطرمبة بنزين عاديه ولازم تحضرلها بنزين قبل ما تدور والثانيه انجكشن و طرمبة بنزين كهرباء ويكفى تفتح الكونتاكت 5ثوانى قبل لما تدور علشان تسحب بنزين لاكن المكاركه بتاعت البنزين ولا ليها اى لازمه مع الكارينز ولازم حضراتكم لو العيب ده منتشر تشوفوا حل مع التوكيل و يصلحهولكم وان شاء الله تطلع حاجه بسيطه

+1111