شكرا اعضاء فيات الاعزاء

**pirlo2000** · 22-06-2011 10:20 PM

السلام عليكم...

اولا.....الحمدلله رب العالمين .... اللهم اوزعني ان اشكر نعمتك التي انعمت علي....

الحمدلله و بفضل الله استلمت سيراتو كوبيه و تم الترخيص و عاملة في اول يومين اهو حوالي 300 كيلو ...

اللهم بارك لنا جميعا و اكفينا شر سيارتنا.....

انا بس حابب اشكر اعضاء فيات اللي استمتعت معاهم كتير جدا و استفدت بخبراتهم خصوصوا لما كنت هاجيب حبيبة قلبي الايفو..... بس مجبتهاش لاسباب عدة (هما سببين في الحقيقة) و هم زيادة السعر المفاجئ اللي خلاني اطلع في فئة اعلي.... و الاخر هو سمعة التوكيل السيئة و التي اثرت علي سمعة العملاقة فيات (اللي بعتبرها عن نفسي الاب الروحي لصناعة السيارات في العالم ) داخل مصر, رغم ان فيات زمان تقريبا كانت السيارة الاولي في مصر...

و لولا تلك الاسباب كنت جبت ايفو بس الحمدلله جدا اني بفضله جبت الكوبيه لاني عن نفسي اعشق تلك السيارة بجانب الايفو...
برضه سأظل اعشق فيات و خصوصا الايفو و التي تخطف قلبي و نظري حين اراها....

و احب اقول ان لو جه توكيل محترم لفيات في مصر هاكون انشالله اول مشتري للايفو من التوكيل الجديدبجانب معشوقتي الكوبيه (اهو اكون لميت انشالله فلوس تاني :b4_611:)
في الاخر احب اقول شكرا اعضاء قسم فيات الكرام.....ربنا يباركلنا جميعا في سيارتنا و اكيد انشاالله هتشوفوني بشارك معاكم هنا.......

و اخر دعوانا ان الحمدلله رب العالمين

**karimalaa** · 23-06-2011 12:04 AM

انت تنور في أي وقت...و القسم ده بتاعك...أي استفسار عن عربيتك برده لو نقدر نفيدك احنا موجودين وللأسف فعلا أوماترا بيكرهوا الناس في العربيات الفيات بس الحمدلله احنا أخدنا خطوة ايجابية و بعتنا شكاوي كتييييييييييييييييييير لايطاليا و أوماترا في بداية طريق الاصلاح أهو و عملوا اجتماع معانا و ناقشنا فيه المشاكل اللي بتحصل و وعدونا ان كل المشاكل حتتحل...والله لو ما حصلش , ما تقلقش احنا موجودين و ايطاليا موجودة برده و كل اللي أقدر أقولهولك ان توكيل ألفا روميو اتسحب من أوماترا أصلا.... فا ان شاء الله بكره تشتري العربية اللي انت بتحبها من غير ما السوق يفرض عليك حاجة معينة و ربنا يباركلك في عربيتك يا رب و يفرحك بيها.

**Moe86** · 24-06-2011 05:29 PM

تنور قسم فيات فى أى وقت, الكيا الكوبية شكلها حلو جدا, ربنا يباركلك فيها

**pirlo2000** · 26-06-2011 01:03 AM

ربنا يخليكم يا رجالة و يباركلنا جميعا

**ahmedelnahal** · 26-06-2011 03:50 AM

الف مبروك و ربنا يباركلك فيها

**CryptonX** · 26-06-2011 12:00 PM

الف مبروك و اختيارك ممتاز كتوكيل و كسيارة ... المرة الجاية الفا روميو بقى على طول ان شاء الله :)

**yoko** · 27-06-2011 11:09 PM

مبروك العربيه يا باشا وأنا وريت الموضوع ده لناس في أواترا عشان تعرف إننا بنتكلم بجد وإنهم فعلا بيضيعوا الناس من إيدهم
وبلاش حلم الالفا ده يكبر لإنه هيفضل حلم لفترة كبيرة جدا