علبة دركسيون باور ل فيات 131 ؟

**MR.CAR** · 03-05-2008 01:48 PM

السوق عندنا له تسميات ومصطلحات غريبة بس انا إن شاء الله ناوى اشترى 131 واعمل عليها شوية تعديلات جامده اوى اوى لانى بحب العربيه دى جداا

**hazem_khidr** · 03-05-2008 01:51 PM

المشاركة الأصلية كتبت بواسطة tashash

حازم باشا ,... طيب هل في موديلات لل فيات 131 نزل فيها باور ؟؟

ايون :)
كان بينزل اساسي في ال131 2000 TC

**El.Hossieny** · 03-05-2008 02:53 PM

المشاركة الأصلية كتبت بواسطة hazem_khidr

ايون :)
كان بينزل اساسي في ال131 2000 TC

'طيب دي كانت موديل كام ؟؟ و يا تري ممكن الاقيها ؟؟

**hazem_khidr** · 03-05-2008 06:34 PM

المشاركة الأصلية كتبت بواسطة tashash

'طيب دي كانت موديل كام ؟؟ و يا تري ممكن الاقيها ؟؟

موجوده موديل فوق ال 79
بس قليل اوي لان مش كتير كان بيفضل ال 131 بموتور 2000 سي سي.
بس الشهاده عربيه طلقه

**sherif_84** · 03-05-2008 10:05 PM

المشاركة الأصلية كتبت بواسطة hazem_khidr

مش موضوع ابعاد يا مهاب باشا
الفكره ان دركسيون ال131 علي اسكترا انما دركسيون ال 132 بعلبه دركسيون و تياش و مختلف نهائي
علشان كده بقول ما ينفعش :)

حازم باشــا
ممكن توضحلى يعنى ايه اسكترا ويعنى ايه علبة دركسيون وتياش عشان انا مش فاهم الاختلاف بينهم
طبعا اكيد الشاهين اسكترا زي الـ 131 فا كنت عايز اعرف معناها
وشكرا ليك ياباشا ( :

**hazem_khidr** · 04-05-2008 12:36 AM

المشاركة الأصلية كتبت بواسطة sherif_84

حازم باشــا
ممكن توضحلى يعنى ايه اسكترا ويعنى ايه علبة دركسيون وتياش عشان انا مش فاهم الاختلاف بينهم
طبعا اكيد الشاهين اسكترا زي الـ 131 فا كنت عايز اعرف معناها
وشكرا ليك ياباشا ( :

الاسكترا اللي هيا بيسموها الجريده و البنيون
دا اسمه كده و عباره عن عمود واصل ببكره مسننه بتلف علي عمود مسنن ايضا .
مش عارف اشرحها بس زي اللي في الشاهين و النوبيرا.
انما اللي في ال 132 عباره عن جزنه دركسيون شبه بتاع اللادا و دي بتنقل حركه الدركسيون للاتياش اللي ماسكه العجل ببعض.

**El.Hossieny** · 04-05-2008 09:37 AM

الله ينور عليك يا حاج حازم

**sab3aawy** · 04-05-2008 10:38 AM

علبة ال 132 لا تصلح نهائيا لل 131، لأنهم شكلهم مختلف عن بعض تماما

علبة ال 132 بنظام الدودة القديم، زى اللادا والبولونيز وال125 وال126

لكن علبة ال131 بنظام الاسكاترا (الجريدة والبنيون) زى ال128 والريجاتا وكل العربيات الأحدث

اللى يركب مكان علبة ال 131 هى علبة الشاهين والدوجان، اصلا انت لما بتشترى علبة الشاهين بتلاقى مكتوب عليها 131 -1600 ، قد يستلزم الأمر بعض التعديلات لو العربية ال 131 مش 1600 لكنها مش هتكون تعديلات كتير، حدود التعديلات فى تصورى انك ممكن تحتاج تشتر تيشين ديريكيسون جدا وقد تحتاج تعدل فى صرة العجلات (وقد لا تحتاج لذلك وهو الأغلب)

علبة الديريكسيون الباور بتاعة الدوجان والشاهين تمنها 1600 جنيه من غير الطرمبة وخران الزيت والخرطيم

علشان ماتصرفش فلوس على الفاضى اعمل زيارة للميكانيكى بتاع الباور اللى فى شارع معروف وقول له عايزن نقلب العربية دى باور ، لو هنجيب لها علبة باور بتاعة دوجان او شاهين هحتاج ايه تانى وبكام

**El.Hossieny** · 04-05-2008 10:58 AM

ايه الجمال ده يا سبعاوي ....استاذ فيات و الله ... بس ممكن تقولي عنوان الميكانيكي بتاع الباور ده بالظبط ؟ مع اني بصراحة مستغرب من ان يكون في ميكانيكي متخصص في الباور بس .... و هل يا تري كويس ؟؟؟

و هل علبة باور بتاعت الشاهين و الدوجان بتباع جديدة و لا استعمال ؟؟؟

**sab3aawy** · 04-05-2008 11:04 AM

المشاركة الأصلية كتبت بواسطة tashash

ايه الجمال ده يا سبعاوي ....استاذ فيات و الله ... بس ممكن تقولي عنوان الميكانيكي بتاع الباور ده بالظبط ؟ مع اني بصراحة مستغرب من ان يكون في ميكانيكي متخصص في الباور بس .... و هل يا تري كويس ؟؟؟

و هل علبة باور بتاعت الشاهين و الدوجان بتباع جديدة و لا استعمال ؟؟؟

انا متعاملتش معاه بشكل شخصى لكن هو اشهر واحد فى القاهرة بيحول العربيات العادة الى باور، ومكانه سهل جدا ، لو انت جاى من كوبرى اكتوبر من ناحية المهندسين انزل نزلة شارع رمسيس، او لو انت جاى من ميدان التحرير ادخل شارع رمسيس من أوله من ميدان عبد المنعم رياض ، وبعيدن ادخل اول يمين بعد نزلة كوبرى اكتوبر، هو ده شارع "معروف"، (اسمه كدة، مش معروف بمعنى مشهور) انت اصلا اول ما هتدخل الشارع هتلاقيه مسرح صبيان يندهو عليك ويقولوك عاوز باو عاوز باور، لو محدش نده عليه اسأل اى حد واقف قول له فين بتاع الباور اللى هنا هيشاورولك عليه،

علبة ديريكسيون الباور الدوجان بتيجى جديدة ، وكذلك الطرمبة من التوفيقية