الموضوع: موبايل اندرويد

المشاركة الأصلية كتبت بواسطة matrix_it

باشا ..... انا بحبك هههههههههه انت اول واحد يشجعنى على الموبايل دة بس افهم من حضرتك انك جبت العادى مش الS فا أول حاجة احب اقولهالك الف مبروك على الموبايل و عقبالى ان شاء الله كمان اسبوع
و بعد اذنك هتعبك معايا فى كام سؤال:
1-جبت الموبايل بكام و منين
2-تقفيل و خامات الموبايل
3-فى فرق بين ovi بتاع نوكيا و market فى الاندرويد ؟ و نوعية البرامج
4- صوت الموبايل
5-التاتش بتاع الموبايل
6-الكاميرا
7-فى اكسيسورى للموبايل ولا لا
انا أسف بجد لو تعبتك بس انا محتار اوى و مستخسر ادفع 500 فرق عشان اجيب الS

الله يبارك فيك :)

1-هو الموبايل ب 1600 اشتريته من محل فى عين شمس اسمه المنصورى و شوفته فى رايه و كنت روحت قبل كده موبايل شوب بتاع تريمف و مكانش موجود عندهم و الراجل هناك قالى احنا واخدين الموبايل حصرى من التوكيل و هو مش موجود خالص لان الستوك خلصت و كلام كتير كده المهم لاقيته عادى جدا فى السوق !!
بالمناسبة التوكيل اسمه jovitronix تقريبا و موجود فرع عند ستى ستارز و عامل سحب لما تشترى وايلد فاير تدخل رقم السيريال على الموقع و تدخل سحب على واحد تانى و الضمان سنة

2-الموبايل تايوانى و خاماته و تقفيله ممتاز و ملمسه حلو و حجمة معقول لا هو عامل زى فردة الشبشب :) و لا عامل زى الفلاشة

3-انا معرفش الفرق
بس بالنسبة للاندرويد ماركت فى كمية applications & widgets كبييييييييييييييييرة جدا و فى كل الاتجاهات

4-نقى و عالى جدا

5-التاتش responsive جدا و االزرار اللى فى النص ده عملى جدا

6-الكاميرا حلوة جدا بس الصورة على الكمبيوتر انقى منها على شاشة الموبايل علشان الريزوليشون بتاعته مش قوية كفاية

القصور فى الموبايل دى فى حاجتين
ٌالresolution و هى مش وحشة هى كويسة بس لو انت متعود على حاجة صورتها انقى هتضايقك فعلا
البروسيسور برضه اقل نسبيا لو انت طول النهار و الليل هتشغل الابليكشنز عليه هيبقى تقيل

غير كده هو سلس جدا فى التعامل معاه و امكانياته حلوة و دخول الانترنت و استخدام الgps فى منتهى السهولة و شكله حلو و تجاوب الشاشة رائع و البطارية على حسب استخدامك

7-فيه سماعة عادية و فيشة و كابل usb عشان توصله بالكمبيوتر او تشحنه

بص متحتارش كتير
الحكاية بسيطة
و اى تيليفون هتجيبة مش هيبقى و حش ابدا
حط احتياجاتك الاساسية فى الموبايل الاول و بعدين قارن و بعدين صفى اختيارتك بين اتنين او تلاته و روح للى انت مرتاح له و مفيش حاجة كاملة

معلش ياجماعة هو الهاواى ده ماركته ايه يعنى ... ضمانه مع مين ؟
وامكانياته بالنسبة للموبايلات السامسونج اللى فى نفس الفئة السعرية احسن ولا اقل

المشاركة الأصلية كتبت بواسطة matrix_it

أشكرك جدا يا أستاذ احمد على مشاركتك و بجد خلتنى اخد قرار بس انا سألت عليه برده فى موبايل شوب فى اسكندرية و ملقتهوش بس لقيته فى راية و ان شاء الله هجيبه من رايه عشان عليه هديتين
و ربنا يقدم اللى فى الخير
اشكرك واتمنى انك تستمتع بعالم الأندرويد

ربنا يكرمك :)

المشاركة الأصلية كتبت بواسطة matrix_it

أشكرك جدا يا أستاذ احمد على مشاركتك و بجد خلتنى اخد قرار بس انا سألت عليه برده فى موبايل شوب فى اسكندرية و ملقتهوش بس لقيته فى راية و ان شاء الله هجيبه من رايه عشان عليه هديتين
و ربنا يقدم اللى فى الخير
اشكرك واتمنى انك تستمتع بعالم الأندرويد

انا معرفش حضرتك اشتريتة ولا لسة
عمتا واضح من كلام حضرتك انك بتهتم بال App و ال Games اوي
ف ال HTC Wildfire مش هينفعك اوي عشان حجتين
1-low resolution (240*320) و دا هتلاقي حاجات كتير في الماركت مش هتشتغل علية مش مهيئة لل resolution دا
2-لو عديت من حكاية ال resolution هتعاني من ال processor يعني ممكن ال app او ال Game تشتغل بس مش هتبقي smooth
ال Wildfire S حل المشكلو الاولي و الثانية بس مش اوي هو اسرع صحيح (Processor 600 بدل ال 528 و رامات زيادة بس يظل بطئ و ال 2.3 و طبعا دا عشان ال Budget ال هو فيها بردوا)
عمتا لو دا اخر حضرتك في الفلوس متزنفش نفسك عشان موبايل, كلة بيقدم و يرخص في الاخر و توكل علي الله و هاتة بس لازم تعرف في ال gaming & app مش هتستمتع بالاندرويد كلة علية