أنا مبتديء في عالم السيارات ومحتاج مكان محترم في القاهرة لتعليم قيادة السيارات بكل خباياها والتعامل في الطرق السريعة ومع الحوادث ... الخ
ياريت حد يفيدني ...
عرض للطباعة
أنا مبتديء في عالم السيارات ومحتاج مكان محترم في القاهرة لتعليم قيادة السيارات بكل خباياها والتعامل في الطرق السريعة ومع الحوادث ... الخ
ياريت حد يفيدني ...
مش هتلاقي مكان يقلك على كل دا
اي مكان هيعلمك مباديء القيادة وهيعلمك مباديء ميكانيكا وغير كدة الباقي هتكتسبه بالخبرة والممارسة يا صديقي
تمام يا أستاذ أشرف
بس حد يعرف اية نظام مدرسة السواقة في المطرية؟
بص اى مدرسة سواقة من المكاتب المنتشرة يعنى كله زى بعضة
هتلاقى عربيات جديدة لانوس او فرنا او اى حاجة جديدة وهتلاقى قديم 127 او 128
انا اتعلمت على ال128
بس كلهم هيعلموك مبادئ القيادة فقط ازاى تحرك العربية فى كل الاتجاهات وورا وقدام
وممكن كمان ميكلموكش عن حاجة فى الميكانيكا بتاع العربية خالص
بس انت بعد كدة تسوق كتير مع نفسك وتدووووووووووس هتلاقى الموضوع بسيط
بس افضل حاجة متتعلمش الا اذا كان فى عربية هتسوقها بعد متخلص تعليم مباشرة لفترة عشان تتعود وزى مبنقول رجليك تتطبع فى السواقة
متعملش زييى اتعلمت السواقة ومسقتش بعديها تانى الا فى المناسبات فقط يعنى مرة زميل او قريب لانك هتلاقيك بقيت تقيل فيها
وربنا معاك .. :))
تمام أوي
طيب تفتكروا لو واحد اول مرة اتعلم السواقة وقعدت اسبوعين تعليم وتمارين
ينفع أسافر اليكس مثلا علي طريق سريع بعد الفترة دي مباشرة؟ والا لازم أكتسب خبرات اكتر وكدة؟
انتوا اول مرة سافرتوا بعد ماتعلمتوا. كان بعد التعلم بقد اية؟
لا تتعجل فى السفر
وعلشان تتمكن من السواقة ... سوق كتير وإنزع الرهبة من قلبك وإنتبه جيدا جدا وواحدة واحدة حتلاقى نفسك بقيت كويس
طبعا اكيد مينفعش تسافر على طول بس لو يعنى ضرورى قوى قوى قوى
خليك اقصى يمين الطريق وامشى على 40 او 50 بالكتير قوى لان رد فعللك لسة قليل فى السواقة
بص لو انت مرة تسوق يبقى المدرسة حتبقى كويسة لييك كبداية
وبعد كده تطلع مع اخوك قريبك في اماكن كتييرة وان شاء الله حتبقى كويس اوي
وحتعرف تتصرف
بالنسبة للسفر دي بتفرق من واحد لواحد
يعني انا سوقت للغردقة بعد 3 شهور من الرخصة بس كنت بسوق وانا عندي 16 سنة
انت بس اقرأ دعاء السفر وركوب السيارة وربنا حيسهل ان شاء الله