اعمل ايه مع فودافون

**sara2001** · 27-06-2011 04:23 PM

في رقم فودافون اتقفل وعايزه اشغله اعمل ايه؟
اتصلت بخدمة العملاء ردت علي بنت في منتهى الإستفزاز وطلبت بيانات صاحب الخط
وقبل ما اقولها البيانات سألتني معاكي الشريحه
قلتلها لأ صاحب الشريحه في الخارج وعاملها تجوال علشان اهله يتصلوا عليه هناك
قالت لازم صاحب الشريحه نفسه يتصل من الشريحه
طب هيتصل ازاي من الشريحه وانتوا قافلينها
هو السيستم كده
خليه لما يرجع يتصل منها ويدخل بياناته من جديد
قفلت معاها ونزلت لفرع فودافون
اول ما قلت اسم صاحب الشريحه الموظفه قالت لي لأ خلاص الرقم ده موجود بإسم حد تاني
يعني اتباع خليه يشتري خط تاني لما ينزل
هو عادي كده يقفلوا الخط ويبيعوه لحد تاني من غير اخطار صاحب الخط
وإذا كان الخط اتباع فعلاً لحد تاني ليه لما بنتصل بالرقم بنسمع رسالة ان الرقم غير موجود بالخدمه

**Qmax** · 27-06-2011 04:40 PM

الشركه كلامها صح
لأن الخط له صلاحيه 3 شهور وتقريبا 5 أيام سماح وبعدها ترجع ملكية الخط للشركه ولا يحق للعميل المطالبه بعودته مره أخرى
سبب وقف الخط عدم إجراء مكالمه مدتها ثلاث دقائق خلال تلك الفتره أو الشحن

طبعا كان الأول صلاحيه 6 شهور وفترة سماح ثلاثة أشهر ده كان في موبينيل وفودافون كانت أقل منهم شويه
والنظام الجديد ده استهبال المفروض لو في رصيد يتم مثلا خصم 3 جنيه كل ثلاث شهور في حالة عدم اجراء مكالمات حتى لا يتم فقد الرقم والتنبيه برساله نصيه تفيد بذلك

**aminibrahim** · 27-06-2011 04:52 PM

هما مش غلطانين حصل مع صاحبي قبل كده--- عادي

**matrix_it** · 27-06-2011 04:54 PM

نفس الكلام دة حصل معايا و اتصلت على نمرتى غير موجود بالخدمة و خدمة العملاء قالولى الخط رجعت ملكيته للشركة

**sayed911** · 27-06-2011 05:03 PM

نفس اللي حصل معايا !!! مرة واحدة لقيت الخط مش شغال بتصل بيه الاقي واحد تاني بيرد عليا ويقولي انا لسة شاريه من يومين اتصلت بخدمة العملاء الو قالولي اقرء عقدك معانا كويس حضرتك اخليت بشروط التعاقد ومستخدمتش الخط يبقى اتسحب منك ونزل السوق واشتراه واحد تاني !!
قولتله وهوة اصلا الخط مش بتاعي ده بتاع اخويا وهة عايش برة مصر وبيجي مرة كل سنة بيستخدموا منتوا مش عاملين فكرة الدياكتيفيت !! قالي مليش فيه قولتله شكرا يا سيدي !!! وقولتلهم اتصالات قبل ما تعملها كانت بتبعت رسالة او بيكلمك حد من خدمة العملة او بيضربوا كلكس حتى مش منهم لنفسهم بيسحبوا الحط وكمان بينزلوه الماركت والعملين يخبط دماغه في اتخن حيط !!

**DISCOVER** · 27-06-2011 05:08 PM

الشركة مش غلطانة بالمرة

**sara2001** · 27-06-2011 05:34 PM

متشكره جداً لتفاعلكم في الموضوع
بس هل الكلام ده مكتوب في التعاقد انه يرجع للشركه لو لم يتم استخدامه لمدة 3 شهور
وبعدين هو كان فيه رصيد حوالي 100 جنيه وكان ممكن يبعتوا رساله لشراء صلاحيه من جديد
ويخصموها من الرصيد او رساله تطلب منه يجدد الصلاحيه بنفسه او تحذير حتى بإغلاق الخط

ومش عارفه انا مش مقتنعه انه اتباع أصلاً لأن لما بنتصل بالرقم بيقول انه غير موجود بالخدمه
معنى كده انه لسه غير مباع
وكمان الرقم رقم عادي ومش مميز ولا حاجه بس هو مميز معنوياً بالنسبه لصاحبه
لأن والده الله يرحمه كان بيكلمه عليه والرقم ده مع كل اهله ومعارفه هنا
وهو طلب حتى انه يدفع لهم ثمن رجوع تشغيل الخط

**أحمد كمال** · 27-06-2011 06:09 PM

المشاركة الأصلية كتبت بواسطة sara2001

ومش عارفه انا مش مقتنعه انه اتباع أصلاً لأن لما بنتصل بالرقم بيقول انه غير موجود بالخدمه
معنى كده انه لسه غير مباع

مش بالضرورة

ممكن يكون اللي اشتراه ما عمللوش first call activation أو بمعنى أصح ماحطوش في موبايل لسه .....

او ممكن الشركة عملت له recycle و خلاص الخط في مخزنها او مخزن احد التجار او الموزعين و في الحالة دي برضه ما ينفعش يرجعوه ليكم لان كده اللي هيروح يشتريه هيلاقيه مش شغال

-

-

الموضوع: اعمل ايه مع فودافون

LinkBack

أدوات الموضوع

عرض

اعمل ايه مع فودافون - انشر الموضوع فى :

-

-

-

-

-

المواضيع المتشابهه

عندى مشكلة مع فودافون ومش عارفة اعمل يه ؟؟؟

عاوز اعمل موبايلي غيرمتاح وتجيلي رسالة بالي بيتصل بيا ( فودافون )

اخر فضائح فودافون ( من سلسله فضائح فودافون معي)

انا عايز اعمل صيانة للانترا فى التوكيل .. اعمل اية ولا اكلم مين

معلش يا جماعة اعمل ايه ، شاشة العداد في الميجان فاصلة عندي اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة