استخراج رخصه قياده خاصه

**besso** · 27-06-2011 10:49 PM

ازيكم يارجاله

انا انشاء الله هتم 18سنه يوم 12/7 اللى جاى
وكنت عاوز اطلع رخصه
فانا كنت قريت على الورقه المطلوب والاجرائات
بيبقوا عايزين شهاده الميلاد
وشهاده اتمام مرحله دراسيه (يعنى اجبلهم شهاده الاعداديه)صح؟
وشهاده طبيه عن حاله الجسم(منين دى)؟
و4صور شمسيه
فيه حاجه تانى؟؟؟؟؟؟؟
والتكاليف قد ايه ؟؟؟
وهستلمها بعد قد ايه؟؟؟
وايه نظام الامتحان سهل ولا صعب؟؟؟
طب دلوقتى انا معنديش عربيه اختبر بيها .أأجر عربيه واروح اختبر بيها؟؟ ولا هما ممكن يدونى عربيه اختبر بيها؟؟؟(فى واحد صاحبى قاللى كده)

طيب انا عندى فى البيت بيضغطوا عليا ويقولولى الامتحان صعب ومش هتنجح
عايزين اطلها بواسطه عن طريق واحده قريبتنا فى مرور القاهره وانا فى القليوبيه
ينفع؟؟؟؟؟؟ولو ينفع همتحن بردو ايه؟؟؟؟

ياريت اجابه بالله عليكم

**MOUSTAFA_SAAD** · 27-06-2011 11:04 PM

دلوقتى الامتحان سهل خالص غير ايامنا
شهادة نظر +شهادة باطنه وتقريبا بيتعملوا فى المرور دلوقتى ومش متاكد بصراحه او بتجيبهم من نقابة الاطباء وبتروح لدكتور نظر وباطنه يمضى عليهم وده اللى حصل مع اختى من سنه مش عارف ايه النظام معهم دلوقتى
صور
بطاقه
مؤهل دراسى
خلى معاك 200 جنيه احتياطى بس هى طبعا اقل من كده بكتير بس متضمنشى الظروف ايه

وانا بقى عاوز اجدد الرخصه لان العشر سنين بتوعها حيخلصوا فى شهر 9 الجاى حدي يعرف ايه المطلوب منها

**besso** · 27-06-2011 11:37 PM

طيب وبتطلع فى قد ايه ؟
وانا معنديش عربيه
فيه واحد صاحبى قاللى هما ممكن يأجروللك عربيه تختبر بيها؟
ولا أأجر انا بمعرفتى

**MOUSTAFA_SAAD** · 28-06-2011 12:05 AM

العربيه عندهم اساسا مش بتاجر حاجه ولابتروح بعربيتك
لان عربيتهم فيها دبرياج وفرامل وبنزين تانيين فى الكرسى اللى على اليمين كمان علشان لو حتلوش بيها ولا حاجه الراجل اللى جنبك يلحقك
المفروض تختبر ولو نجحت بالكتير تانى يوم تستلمها