عندك 3 بليات تقدر تحدد أنهي واحدة فيهم بايظة من خلال 3 حالات:
1- الحالة الأولى(وهي الأكثر انتشارا- وهو ده اللي عندك) لو الصوت بتسمعه بمجرد ما تدوس على دواسة الدبرياج --- يبأى بلية الدبرياج (release bearing)يا باشا
وبمجرد ما يحصل الكلام ده لازم فورا (ولما أقول فورا ..يعني فورا) تروح تغيرها- (ولازم تجيبها حاجة نطيفة - فيه ماركة فاليو إنجليزي بصراحة ممتازة)
عشان لو طنشت .. بتاكل في سوست الديسك(diaphram spring) -شوف الصورة
لحد ما تتكسر - وساعتها مش هتعرف تنقل بالفتيس (نفس الاحساس بالظبط زي ما يكون سلك الدبرياج اتقطع)- شوف الفرق بين الصورتين وركز شوية عشان الفرق كبير.
2- أما لو الصوت ده بتسمعه فقط لما تكون جبت دواسة الدبرياج عالأرض (أكرر الدواسة عالأرض) -- دي البلية بين عمود الدريك والموتور او الحدافة (pilot bearing) (عشان ده أقصى تحميل axial عليها).
3- أما لو الصوت مسموع باستمرار (وموجود أيضا وانت ممور العربية عشان نستبعد ونة أي غيار) ولما تيجي تدوس على دواسة الدبرياج يختفي الصوت -- دي البلية بين عمود الدريك والفتيس.(عشان كده لغيت أي تحميل axial عليها)-- والبلية دي جوا الفتيس يا زعيم.
مهم جدا تميز الصوت ده صح - عشان تعرف العيب منين وتصلحه من أول مرة(ومتصرفش عالفاضي).
والله أعلم.
المفضلات