انوي شراء سيارة في حدود مبلغ يتراوح من 30 الى 35 الف ومعجب بهيونداى اكسيل فاريد منكم شرح مميزات وعيوب هذة السيارة وهل هذا المبلغ يكفي لشراء سيارة حالتها كويسة لا تحتاج الي مصاريف ارجو الرد منكم بالتفصيل واشكركم جزيلا علي هذا المنتدي الرائع

اهلاً بيك يا nino معانا
ممكن تاخد جولة فى قسم الهيونداى وانت هاتتعرف على كل حاجة حول الهيونداى اكسيل و بعد كدة لو عايز تعرف تفاصيل او عندك اسئلة تانية فيها ممكن تفتح موضوع فى نفس القسم .. او لو حبيت تطلب رأى الاعضاء عموماً فى الاختسار الانسب بالسعر دة ممكن تفتح موضوع فى قسم البيع و الشراء
وعموماً الاكسيل عربية حلوة و إن شاء الله هى هاتبقى فى الحدود اللى معاك
وربنا يوفقك

ممكن تجيب 1300 تكون زي الفل

الاكسيل سعرها هبط خالص ممكن تيجي نظيفه ب 29 الف و 30 الف وحتكون فيها باور وسنتر لوك وزجاج كهربائي ودهانها حيكون معقول والماتور كويس وانا بفضل لو تشتري في نفس حدود المبلغ ده سويفت ودي دلوقتي في حدود 27 الف واستهلاكها وقطع غيارها احسن وارخص وهنا في المنتدي شروح كامله لمميزات السيارتين

اقتباس المشاركة الأصلية كتبت بواسطة chihab18 الاكسيل سعرها هبط خالص ممكن تيجي نظيفه ب 29 الف و 30 الف وحتكون فيها باور وسنتر لوك وزجاج كهربائي ودهانها حيكون معقول والماتور كويس وانا بفضل لو تشتري في نفس حدود المبلغ ده سويفت ودي دلوقتي في حدود 27 الف واستهلاكها وقطع غيارها احسن وارخص وهنا في المنتدي شروح كامله لمميزات السيارتين

في الوقت الي احنا فية دة مستحيل
اقل سعر للاكسل 31 الف ودي بتكون هاتش باك
شوف يا اخي هنا دة متوسط اسعار السوق وشوف كمان في الوسيط
http://www.car100100.com/search.php?..._model=Hyundai

واعمل حسابك في الفين جنية علي الاقل مصاريف لان تقريبا مفيش عربية مستعملة هاتجيبها من غير مصاريف
لو كان فية الخير ما كان رماة الطير

الاسعار هبطت اوي اليومين دول واسعار الوسيط زايده كتير لان اصحابها مش عارفين وضع السوق دلوقتي ؛الاكسيل العاديه اللي لها شنطه ورا كانت ماسكه سعر 39 الف من كم شهر ودلوقتي نزل السعر علي الاخر ولو عاوز تشتري اشتري من الاقاليم السعر فيها معتدل جدا زي الشرقيه والمنصورة وانا رأي خليك في السويفت احسن عربيه ملومه وموتوها كويس وبيعها سهل عن الاكسيل واستهلاكها قليل في البنزين بس دور علي موديل 1993 و1994 .