الموضوع: رسوم نقل الملكية في الشهر العقاري لجميع السيارات

السلام عليكم
استخراج رخصة ونقل ملكية
سكودا فيليشيا 1300 سنة 1997
- شهادة مخالفات (لاتوجد مخالفات) --- 5ج.م مش عارف ليه !!!
- تسجيل في الشهر العقاري --- 330ج.م الموضوع تم بعد المرور وأخذ التأشيرات والشخبطة من حوالي 7-8 موظفين قاعدين في مساحة لا تزيد عن 40-50 متر مربع، والكتابة في دفاتر وأوراق بالية وإيصالات من أيام الأفلام الصامتة، وكل واحد أمامه كمبيوتر بشاشة lcd بيلعب عليها كوتشينة. علما بان سيادتك اللي بتكتب البيانات والموظف بيمليك بالعافية.
- التوجه للمرور
- شراء دوسيه كارتون أثري وجواه 5 ورقات مقاس كف الإيد--- 8ج.م
- شراء ملف ( ده غير الدوسيه) لفحص المركبة --- 50ج.م (التجديد لمدة 3 سنين وكنت أتمنى ألاقي تجديد لمدة 30 سنة عشان الواحد مايرجعلهومش تاني)
- التوجه لطابور طويل انتظارا للدخول لمكتب السيد الرائد واقفا أمامه لإمضاء بالتاريخ إيذانا بالبدء في خوض معركة الفحص والترخيص.
- الانطلاق لمكتب التأمين الاجباري--- 283ج.م (3 سنوات) والحصول على وثيقة التأمين الإكراهي قصدي الإجباري عن المسؤولية المدنية الناشئة عن حوادث مركبات النقل السريع داخل ج.م.ع
- ملء البيانات بنفسك والتوجه لعم حسن لأخذ البصمة--- إكرامية 5ج.م (الراجل متواضع)
- شراء حقيبة اسعافات أولية معتمدة منهم وليس من غيرهم حتى لو أحضرت حقيبة من استشاري بالقصر العيني بالإضافة لمثلث عاكس رديء الصنع مع الحقيبة رغم أن لديك مثلث (مستورد) ولكن لن يعتد به.--- 71.5ج.م
- ختم ورق الطفاية--- إكرامية بالإكراه 20ج.م لعم ربيع عشان الطفاية الجديدة ياباشا ب 120ج.م وطفايتك شكلها كده متركب لها الأمان بالمقلوب !!!
- البحث عن السيد المهندس المحترم في غمار وأروقة وساحات الإدارة لمعاينة سيارتك والبحث عن القطط الفاطسة.
- انتظار السيد المهندس في كرفان مكتبه للتأشير على أوراقك التي بدأت في التآكل بعد البصمة
- التوجه للسيد الرائد للإمضاء والختم مع المعاونة في البحث عن حبارة وما شابه.
- الرجوع لشباك الموظف (المختص) لمراجعة الأوراق.
- التوجه للخزينة (بعد ما اتصاحبت على الموظف لأنك رايح جاي عليه) وسداد الضريبة--- 668ج.م ومشاركة السادة المواطنين في البحث عن 10 جنيه فكة وذلك لفك زنقة 3 مواطنين انت مش منهم. بس هتتعطل لبكرة معاهم.
- الرجوع للسيد المختص قصدي الموظف المختص، لترتيب الأوراق وماجعتها للمرة 12 وتسليمها للسيد المراجع.
- لشغل وقت الفراغ التوجه لمركبتك وفك اللوحات القديمة والعودة لانتظار سماع الاسم. (ومش هتسمعه)
- تتعالى الأصوات والاعتراضات وظهور بعض الصرخات من مين مش عارف وفجأة يأتي صوت من أدنى الصالة: يا جماعة واحدة واحدة السيستم واقع!!
- الحمد لله، إيه لقيتوه؟ آه رجع تاني.. والوقعة جامدة؟؟ لأ لأ حصل خير!!!
- أيـــــــــــــــــــــــ ـــــوة أنا، تمام يا فندم
- خد الورقة دي وسلم اللوحات القديمة
- تمام كده؟ آه اتفضل استنى اسمك عشان الرخصة
- أيـــــــــــــــــــــــ ـــــوة أنا، تمام يا فندم
- اتفضل وروح شباك 5 عشان تتغلف.
- التوجه لنفس السيد أمين الشرطة اللي أخذ اللوحات القديمة، واستلام اللوحات الجديدة. والإمضاء.
- ألف نهار أبيض...............مبروك
- إييييييييييييييييه؟؟؟؟ تصريح 6 شهور ليييييييه؟؟؟؟؟
- قالو كله بيطلع له 6 شهور اليومين دول عشان السرقات والحوادث ودياولو...
وعمــــــــــــــــــــــ ـــــــــــــــــار يا مصر

المشاركة الأصلية كتبت بواسطة khalid_adel

الخلاصه اهي صورتها بموبايلي لما رحت اسجل عربيه

واللهي انت انسان محترم وربنا يباركلك بجد .. حقيقي خير الكلام ما قل ودل

انا اشتريت سياره فولكس بيتلز 1300 سي سي موديل 1962
بعقد مسجل ف الشهر العقاري من المالك اللي برخصه باسمه .. و كان في توكيل تم الغاءه و معايا صوره منه
انا ما روحتش الشهر العقاري اساسا و سبت صوره البطاقه و طبعا ما مضتش
السياره مرور القاهره و انا من الجيزه
المهم مر اكثر من شهر علي شراء السياره و انتهت شهاده البيانات و المخالفات
و انا مش عارف ايه الخطوات اللي باقيه ياريت لو حد عنده خبره يفدني بالاجابه
وهل كده البيع ف الشهر العقاري سليم لو انا ماروحتش؟؟؟و ايه حكايه يبقي العقد سقط ولزم عقد تاني؟؟ يعني اجيب البايع تاني و ادفعلو ثمن العربيه تاني ولا ايه يعني...؟؟؟ و لا ايه العقد سقط دي يعني اعمل ايه؟؟؟ ولو حبيت ابيع العربيه لازم انقل الملكيه الاول ولا ايه
ملحوظه الرخص منتهيه حتي عندما اشتريت السياره و الفحص 2011

رسوم تسجيل لانوس2004 890.00جنيه بعد خصم المحلى تصبح690جنيه

لانسر بومة 2005 التسجيل 955 التامين 102 السعة اللترية 1300 بتاريخ اليوم

المشاركة الأصلية كتبت بواسطة benmatar

السلام عليكم
استخراج رخصة ونقل ملكية
سكودا فيليشيا 1300 سنة 1997
- شهادة مخالفات (لاتوجد مخالفات) --- 5ج.م مش عارف ليه !!!
- تسجيل في الشهر العقاري --- 330ج.م الموضوع تم بعد المرور وأخذ التأشيرات والشخبطة من حوالي 7-8 موظفين قاعدين في مساحة لا تزيد عن 40-50 متر مربع، والكتابة في دفاتر وأوراق بالية وإيصالات من أيام الأفلام الصامتة، وكل واحد أمامه كمبيوتر بشاشة lcd بيلعب عليها كوتشينة. علما بان سيادتك اللي بتكتب البيانات والموظف بيمليك بالعافية.
- التوجه للمرور
- شراء دوسيه كارتون أثري وجواه 5 ورقات مقاس كف الإيد--- 8ج.م
- شراء ملف ( ده غير الدوسيه) لفحص المركبة --- 50ج.م (التجديد لمدة 3 سنين وكنت أتمنى ألاقي تجديد لمدة 30 سنة عشان الواحد مايرجعلهومش تاني)
- التوجه لطابور طويل انتظارا للدخول لمكتب السيد الرائد واقفا أمامه لإمضاء بالتاريخ إيذانا بالبدء في خوض معركة الفحص والترخيص.
- الانطلاق لمكتب التأمين الاجباري--- 283ج.م (3 سنوات) والحصول على وثيقة التأمين الإكراهي قصدي الإجباري عن المسؤولية المدنية الناشئة عن حوادث مركبات النقل السريع داخل ج.م.ع
- ملء البيانات بنفسك والتوجه لعم حسن لأخذ البصمة--- إكرامية 5ج.م (الراجل متواضع)
- شراء حقيبة اسعافات أولية معتمدة منهم وليس من غيرهم حتى لو أحضرت حقيبة من استشاري بالقصر العيني بالإضافة لمثلث عاكس رديء الصنع مع الحقيبة رغم أن لديك مثلث (مستورد) ولكن لن يعتد به.--- 71.5ج.م
- ختم ورق الطفاية--- إكرامية بالإكراه 20ج.م لعم ربيع عشان الطفاية الجديدة ياباشا ب 120ج.م وطفايتك شكلها كده متركب لها الأمان بالمقلوب !!!
- البحث عن السيد المهندس المحترم في غمار وأروقة وساحات الإدارة لمعاينة سيارتك والبحث عن القطط الفاطسة.
- انتظار السيد المهندس في كرفان مكتبه للتأشير على أوراقك التي بدأت في التآكل بعد البصمة
- التوجه للسيد الرائد للإمضاء والختم مع المعاونة في البحث عن حبارة وما شابه.
- الرجوع لشباك الموظف (المختص) لمراجعة الأوراق.
- التوجه للخزينة (بعد ما اتصاحبت على الموظف لأنك رايح جاي عليه) وسداد الضريبة--- 668ج.م ومشاركة السادة المواطنين في البحث عن 10 جنيه فكة وذلك لفك زنقة 3 مواطنين انت مش منهم. بس هتتعطل لبكرة معاهم.
- الرجوع للسيد المختص قصدي الموظف المختص، لترتيب الأوراق وماجعتها للمرة 12 وتسليمها للسيد المراجع.
- لشغل وقت الفراغ التوجه لمركبتك وفك اللوحات القديمة والعودة لانتظار سماع الاسم. (ومش هتسمعه)
- تتعالى الأصوات والاعتراضات وظهور بعض الصرخات من مين مش عارف وفجأة يأتي صوت من أدنى الصالة: يا جماعة واحدة واحدة السيستم واقع!!
- الحمد لله، إيه لقيتوه؟ آه رجع تاني.. والوقعة جامدة؟؟ لأ لأ حصل خير!!!
- أيـــــــــــــــــــــــ ـــــوة أنا، تمام يا فندم
- خد الورقة دي وسلم اللوحات القديمة
- تمام كده؟ آه اتفضل استنى اسمك عشان الرخصة
- أيـــــــــــــــــــــــ ـــــوة أنا، تمام يا فندم
- اتفضل وروح شباك 5 عشان تتغلف.
- التوجه لنفس السيد أمين الشرطة اللي أخذ اللوحات القديمة، واستلام اللوحات الجديدة. والإمضاء.
- ألف نهار أبيض...............مبروك
- إييييييييييييييييه؟؟؟؟ تصريح 6 شهور ليييييييه؟؟؟؟؟
- قالو كله بيطلع له 6 شهور اليومين دول عشان السرقات والحوادث ودياولو...
وعمــــــــــــــــــــــ ـــــــــــــــــار يا مصر

بجد انت راجل معلم و صحيح موضوع التصريح ( ال يعنى لو مفيش رخصة مش هتتسرق ) انا رخصت فى اول السنة و ادونى تصريح بردو.

بس السؤال هو حضرتك مرور اية و سلموك النمر الجديدة الارقام و حروف ولا قالوا بردو مش موجودة و ادولك من النمر القديمة و طلبوا منك العودة بعد ٣ شهور لتغييرها ؟؟؟