السلام عليكم

ياباشا الف مليون مبروك وان شاء الله ربنا يتمم ليكم علي خير

ويرزقكم بالذرية الصالحه

بص ياسيدي انا كمان زوجتي حامل هذه الايام وفي الشهر الخامس واحنا من بداية الحمل متابعين مع دكتورة ممتازه موجوده في التعاون هرم

وهيا استشاري وماشاء الله عليها ممتازه وكشفها في المعقول والعياده دايما مش بتفضي من المتابعين

لو المشوار قريب عليك قولي تمام وانا اكتبلك مواعيدها والعنوان بالتفصيل وكمان ممكن اقابلك واوديك لو مش هتعرف تروح

وربنا يكرمك ان شاء الله

أنا متشكر جداً على جميع الردود و الدعوات

أستاذ فارب لو سمحت ابعتلى اسم الدكتورة و عنوانها و شكراً مقدماً

ليا ناس قرايبي بيتابعوا معاها .. و ممكن اديك معلومتين عنها ..
الكشف 50 جنيه .. و متابعة الحمل بالكامل من اوله لاخره 600 جنيه .. او ممكن بدلا من ذلك يكون الدفع بالزيارة الواحدة ب 50 جنيه و الاستشارة ب 20جنيه .
د/ فكرية تقوم بالتوليد الطبيعي و القيصري .. و هي تتعامل مع اغلب مستشفيات مصر الجديدة .. اما وسط البلد بصراحة معنديش علم .
و ان شاء الله نبارك لحضرتك قريبا .
تحياتي

انا برضه سمعت عنها كل خير :)

ربنا يتم للمدام على خير يا رب و يجعل المولود من الذرية الصالحة بإذن الله :)

ربنا يتمم الموضوع بكل خير ان شاء الله و تكون ولادة سهلة
لكن كنت عايز اقول حاجة مش عارف ده وقتها و لا لأ
انا ليا ذكري مش لطيفة مع الطبيبات بكل اسف لان زوجتي كانت بتابع مع الدكتورة وفاء ابو العينين و هي افضل دكتورة نساء وولادة في اسكندرية و لها زباين يجيولها من ليبا كمان و لكن وقت ولادة مازن بكل اسف جالها مؤتمر في انجلترا و هي كانت حاسبة الولادة في اول اغسطس و الولادة كانت في اخر يوليو فاللاسف اضطريت للاستعانة بطبيبة من المستشفي و كانت استاذة في طب اسكندرية و لكنها اهملت في الولادة بالرغم من ان الولادة كانت طبيعية و بتكلفة 1700 جنيه و هذا الاهمال تسبب في شبه تسمم لزوجتي لولا رحمة الله و عودة الدكتورة وفاء من ما كنا ندري الي اي مدي تنتهي الامور
مرة اخري لجئت لطبيبة شهيرة في لوران لمشكلة نسائية خاصة بزوجتي و فترة العلاج طالت لدرجة اقلقتني جدا جعلتني الجأ الي طبيبة استاذة في مستشفي السلامة و سيطرت علي الموقف و اعجبتني في بداية الامر الي ان رزقنا الله بحمل جديد و قد عقدنا العزم علي هذه الدكتورة و لكن صادفتنا مشكله صغيرة في البداية عجزت عن التعامل معها ووصلت لمرحلة الافتاءات و الاجتهادات
الي ان اشار علي احد اصدقائي الاطباء بالدكتور العلامة احمد شمس و كنت متردد في البداية و لكني وجدته في سن ابي و عالم و متمكن جدا و لديه مستشفي اليكس سيدني و هي من ارقي المستشفيات في مصر جاءت ولادة مالك سهلة جدا و لم نشعر بها ابدا لدرجة انني رافقت زوجتي في غرفة العمليات و قعدنا نهزر و هي بتولد عادي كده
فالحقيقة عايز حضرتك تسأل كويس عن اي طبيبة نسا وولادة قبل ما تروح لان الجراحات دي محتاجة باور و الموضوع ده بحكم طبيعة المرأة صعب شوية و ربنا يعينك

محمد فهمي

السلام عليكم

انا تحت امرك ياباشا

د/نجوي محمد عبد الودود
استشاري نساء وتوليد وعقم

العنوان / 31 ش صالح عبد العزيز - ميدان يحي شاهين - التعاون - الهرم

المواعيد /
يوميا من 7 مساءا عدا الخميس والجمعه والاثنين فقط من الساعه الواحده صباحا حتي الخامسه

قيمة الكشف 25 جنيه بخلاف السونار 40 جنيه

وربنا يقومها بالسلامه

وربنا يوفقك ان شاء الله

انا كمان الحمد لله زوجتى فى شهرها السابع وكنت اتابع مع فى برج الاطباء فى فيصل بس بصراحه بعد كام زياره مابقتش متطمن لا انا ولا المدام لانها كانت تطلب التحاليل ولما تشوفها تقول طيب ولا بتقولنا اى حاجه وكمان والله كشفها كان لا يتعدى ال 5 دقايق ومره مراتى تعبت وراحتلها قالتلها انتى مش المفروض تيجى النهارده ده مش معادك انا واخده الفلوس على اساس زياره واحده كل 3 اسابيع

المهم انا اتخنقت منها ولحسن حظى الدكتور اللى كان مولد حماتى وهى حامل فى مراتى رجع من امريكا وهو دكتور مشهور جدا وممتاز بكل معنى الكلمه مع انى كنت معارض موضوع الدكتور زيك ولكن وجدت ان صحة مراتى وابنى اهم وتابعت معاه وكان اكثر من رائع وان شاء الله هو اللى هايولدها

عايز اقولك حاجه .... انا اختى منقبه وجوزها متدين وملتحى وبرضه تابعت مع دكتور وولدها


الدكتور ده اسمه الدكتور هانى محمد الخليفه وهو فوق سوبر ماركت مترو اللى فاتح جديد فى شارع فيصل

أنا متشكر على جميع الردود و الإهتمام

بس مش عارف ليه أنا مش قادر أقتنع إن مافيش ولا دكتورة كويسة في مصر, أمال دخلوا طب ليه و اتخصصوا فى تخصص حرج زى ده ليه؟؟

أنا بتهيألى إن فيه قلة من الدكاترة مستخصرة شهادتها و بتشتغل و هي مش بتاعت شغل ولا فاضية و دول الى مبوزين سمعة الطبيبات

لأ طبعا مصر مليانة دكاترة نساء كويسين جدا و انا هحاول اجيبلك ارقام الدكتورة بتاعة زوجتي

للاسف مقدرش اغيدك بس حبيت اقولك الف مبروك