السلام عليكم
لقد رزقنى الله و حملت زوجتى , و بما أنها تجربة جديدة لنا أرجو النصح بأسماء طبيبات نساء و ولادة مميزين تم تجربتهم و خصوصاً فى حالات صعبة
و شكراً مقدماً
عرض للطباعة
السلام عليكم
لقد رزقنى الله و حملت زوجتى , و بما أنها تجربة جديدة لنا أرجو النصح بأسماء طبيبات نساء و ولادة مميزين تم تجربتهم و خصوصاً فى حالات صعبة
و شكراً مقدماً
شكراً على سرعة ردك
مش مهم المنطقة, المهم إن تكون طبيبة كويسة و ثقة و ماهرة في أنواع التوليد
لو في الدقي او المهندسين يكون ممتاز
المهم بس تكون طبيبة مجربة علشان انت عارف الي بيتقال علي الطبيبات
اه لازم طبيبة, و شكراً مقدماً
اولا الف مبروك لحضرتك وللمدام وربنا يجعله خلف صالح ويتتم الموضوع على خير ان شاء الله :) ..
ثانيا احسن طبيبة نساء وتوليد في مصر على الاطلاق الى الأن هي د/ فكرية سلامة (استاذ النساء والتوليد بكلية طب عين شمس) وعيادتها في عمارات الشريف بشارع اسوان - مصر الجديدة . وربنا يتمملكم على خير والف مبروك مرة تانية. بس متنسوش تعزموني في السبوع :p
آمين يا رب
شكراً للرد و الإهتمام, بس يا ترى تعرفي حد اتعامل معاها, و يا تري بتولد طبيعي و قيصرى؟؟
لا شكر على واجب احنا هنا كلنا اخوات واخوان في الله .. و احب اطمن حضرتك انا طبيبة (بس للأسف مش نساء وتوليد وخريجة طب عين شمس كمان :)) وبمنتهى الأمانة .. الطبيبة دي سمعتها حلوة وكويسة قوي ده غير ان تلاتة من صحباتي الأنتيم وهن طبيبات ايضا كانوا بيتابعوا معاها كل حمل ليهم ويولدوا معاها كمان ... :)
ده غير ان في معايا زميل في الشغل طبيب نساء وتوليد شهير كان بيشكر فيها وسمعته بوداني بيقول انها احسن طبيبة انثى في مصر .. وانه بيشهد ليها بكدة برغم من انه خريج القصر العيني ومكنش ليه معرفة مسبقة بيها.
اما بالنسبة للولادة سواء كانت طبيعية او قيصرية فده اللي بيحدده وضع البيبي والمشيمة والحبل السري والحالة الصحية للأم في اواخر مراحل الحمل يعني مش بيبان او ممكن يتحدد دلوقت اذا كانت حتولد طبيعي او قيصري الا لو كان لا قدر الله الرحم فيه عيب خلقي معروف لدى الطبيب مسبقا وده بيبان بالسونار او الاشعة فوق الصوتية.
المهم الطبيبة دي بتولد النوعين طبيعي وقيصري بس كل حالة حسب طبيعة حملها ومش بيبان دلوقت طبقا للأسباب اللي ذكرتها مسبقا. :)
الف مبروك وربنا يتمم لكم على خير وسلامة ..
الطبيبة المميزة هى التى ترتاح لها الأم نفسياً فى المقام الأول .. لان متابعة الحمل الشهرية من ابسط الاشياء .. مجرد قياس ضغط ووزن ودردشة (وفى بعض الاحيان عمل سونار ) ..
وطبعاً الأم بتبقى قلقانه من حاجات بسيطة بتحصل عند كل الامهات
بالتالى الطبيبة المميزة تكون ظريفة وطويلة البال وردودها مطمئنة .
نصيحتى ..
1- اختار طبيبة مشوارها مش بعيد ( علشان صحة الأم الحامل )
2- يكون حد جربها فى نطاق العائلة أو الاصدقاء المقربين
3- لو مفيش .. يبقى دور على دكتور ممتاز