سؤال هام جدا فى كيا كارينز..... الرجاء الافادة؟

**akimo** · 01-07-2011 04:17 AM

السلام عليكم يا رجال المنتدى المخلصين ... كنت عاوز اسال سؤال .... النهاردة كنت فى المعرض بشترى عربية جديدة كيا كارينز 2011 بس لسه ما استلمتهاش وبعدين العداد بتاعها كان 95 كيلومتر والراجل اللى فى المعرض قال ان دا طبيعى ودا من مشيها لما بتتركن وتتنقل من معرض لاخر هل الكلام دا صحيح ولا لا؟!!!!
وفيه حاجة كمان كان اللزق الابيض اللى علي الكبوت من بره متشال كمان وقال دا بيسشيلوه لما تكون العربية هتتباع كاش عشان يشوفو لو فيها اى خبطة او كده ..... الكلام دا صحيح برده ولا ايه؟ هو عالعموم معرض السبع يعنى وكيل انا ما اتوقعش انها تكون مستعملة وهيلبسوها ليا بس انا بطمن منكم وربنا يخليكم للغلابة اللى زينا.....ارجو الافادة بلييييييييز

**ehab_osman** · 01-07-2011 09:07 AM

اعتقد ان 95 كم مش كتير ........... يعني المهم ان العربية سليمة ومفهاش اي خبطه ظاهرة ؟؟؟؟؟؟؟؟؟؟؟ توكل علي الله .......... ال 95 كم شوف نفسك حتعملهم في كام يوم .............. ان بعمل 100 -- 110 كم كل يوم ؟؟؟؟؟؟؟؟؟؟

**drmatiya** · 01-07-2011 10:08 AM

انا مستلم عربيتي 16 كيلو

احكم انت بقى

**m_s_h_a** · 01-07-2011 11:44 AM

كتير وبعدين هى لو هتتباع قسط مش مهم تبقى مخبوطه؟

**mido** · 01-07-2011 02:02 PM

مش فارقه معظم اللى بيجيب عربياته من غير ونش بيفك عداد الكيلومتر ويركبه تانى فمتشغلش بالك

**rockeromda** · 01-07-2011 09:09 PM

السلام عليكم
انا اشتريت كيا ريو من الوكيل eit فرع روكسي وكانت عاملة 47 كيلو ومندوب المبيعات قال انها جاية من ابورواش بسواق والعربيات بتيجي من الميناء للوكيل على كساحات لغاية ابورواش ومن هناك لفروع التوكيل او للمعارض وممكن تتنقل من اكتر من معرض

**drmsadek1979** · 01-07-2011 09:35 PM

خالي شاري سكودا فانتازي من معرض في المنصورة وصاحب المعرض جايب العربية بنفسه ماشية من مدينة نصر للمنصورة يعني حوالي 145 كيلو وعداد العربية عامل 27 كيلو لأنه كان فاصل العداد فمتشغلش بالك واتوكل على الله اهم حاجة تستلمها كويس وتكون مفيش فيها ملاحظات