مش عارف فيه الطلب ده من الستاير ولا لا

**MOUSTAFA_SAAD** · 01-07-2011 11:19 AM

السلام عليكم

الشمس صعبه جدا يااخوانا والمشكله انها حتبوظ العربيه الغاليه عليا دية اللى انا حاطتها على الرف الخلفى ورا الكنبه ودية صورتها

لونها بداء يجرب والبويه بدات تتقشر منها خلاص ودية بنت ناس اوى وتمنها 60 جنيه ومش عاوز ابهدلها

عاوز اركب ستاره على الزجاج الخلفى والشباكين اللى ورا بس طالب المواصفات دية فيها

1- متكونشى ممنوعه مش عارف ينفع ولا لا ولا كل الستاير ممنوعه فى المرور
2- تكون سهلة الشيل والتركيب ولما اشيلها الاقيها بتتطبق بسهوله مابقاش محتاس بيها فى العربيه ومش عارف احطها فين او تكون بتتفرد وتتلم مثلا
3- تكون الرؤيه منها معقوله بلليل علشان باعتمد على المرايا اللى فى النص لو مقدرتش اشيلها

اخيرا انا عربيتى لوجان لو النوع حيفرق وياريت الاسعار واماكن الشراء خصوصا من اسكندريه
عاوز اسم محل محدد
ده طبعا لو فيه ستاير بالمواصفات اللى فوق او حاجه قريبه منها

**Amr Axel** · 01-07-2011 02:47 PM

بص عشان اكون صريح معاك اي حاجة من دول ممنوعة في المرور ده اولا

ثانيا : كل المواصفات ديه

موجودة في ستاير كبس ( للشبابيك و الازاز ورا )

و في ستاير بتطلع و تنزل مع الازاز و بتتشال بسهولة ( للشبابيك بس )

و في الستاير اللي بتبقي ضغط ع الازاز برده لكن ببتقي زي رول صغير بيتشد يتفتح و ترجع تتلف و تتقفل تاني ( الشبابيك بس )

و في ستاير ضغط اللي هي بتبقي بيضاوي ع الشبابيك ( الشبابيك و الازاز اللي ورا )

ثالثا : بالنسبة الرؤية كل الانواع اللي فاتت تعتبر عادية و يتشاف منها معادا الكبس لو اكتر من طبقة هتبقي صعب انك تشوف منها و ممكن تخليها طبقة واحدة او طبقتين ع حسب ما تقدر تشوف

و بالنسبة للعربية كل الانواع تمشي معادا الكبس اللي لازم تكون اللي نازلة لنفس نوع العربية او تعملها عمولة و تروح لحد يفصلهالك ع اد العربية

بالنسبة للاماكن و الاسعار في الاسكندرية مفيدكش بصراحة لأن بتختلف

**MOUSTAFA_SAAD** · 01-07-2011 07:04 PM

شكرا axel طيب معندكشى صور وانواعى ليها
حاكم انا عارف ان انت موسوعه ماشاء الله وعرفنى بالاسعار عندك فى القاهره نظامها ايه

**Amr Axel** · 01-07-2011 07:45 PM

المشاركة الأصلية كتبت بواسطة moustafa_saad

شكرا axel طيب معندكشى صور وانواعى ليها
حاكم انا عارف ان انت موسوعه ماشاء الله وعرفنى بالاسعار عندك فى القاهره نظامها ايه

يا ريس و لا موسوعة و لا حاجة الواحد عارف شوية معلومات بس :)
و ديه صور للستاير

الستاير الكبس

الستاير بتطلع و تنزل مع الازاز

الستاير بتتفرد و تتلم

و ديه ممكن تحطها بالعرض زي مهو باين
او تحطها بالطول و تركبلها الكلبسة الضغط و تشدها من اليمين للشمال و ترجع تقفلها تاني

و ده شكل تاني

اما اللي بتبقي بالضغط مش لاقي صورة ليها
فرسمتها ع البينت و اتمني تكون واضحة مش هي بس شبها الي حدا كبيير

و اللي في الوسط ديه الكلبسة اللي بتلزق في الازاز

و بالنسبة للاسعار اللي اقدر اقوله تقريبيا هو سعر الستاير الكبس يعني 60 و انت طالع
بس عامة ع ما اعتقد هيكونوا قريبين في السعر

و اخر نوع رسمه هو ارخصهم يعني الواحد تقريبا 10 و تفاصل ع ما اتذكر كنت بشوفهم بيبعوها في الاشارات

**Amr Axel** · 01-07-2011 08:27 PM

بالنسبة ورا الكبس تشيلها و تحطها في الشنطة او ع الكنبة هي مش كبيرة اوي للوجان
لو مش عايز كبس ورا ممكن تحط ديه لكن تخليها بالطول بدل ما هي بالعرض و تشدها و و تلمها براحتك و بالنسبة الستارة تمسك ازاي في الازاز شوف في اي مكتبة او محلات اي شئ بــ2و نص و اشتري كلبسات اللي بتلزق بالضغط في الازاز زي اللي بتبقي موجودة في بعض الدباديب الصغيرة اللي بتتعلق
وتركبها و تشد و تكبس بس كده :)

**aymanamr** · 03-07-2011 04:33 AM

هي الستاير اللي بتطلع وبتنزل مع الازاز القاعده بتاعتها بتتثبت ازاي اللي بيتلف عليها الستاره لما الازاز يتقفل ولا ايه فكرتها بالظبط؟

**MOUSTAFA_SAAD** · 03-07-2011 08:12 AM

هى تقريبا بتتثبت فى فرش الباب وفيه كلبس بيتربط فى الازاز
انا لاقيت الزجاج الخلفى ب 35 جنيه
والبابين مع بعض ب35 جنيه برده
ايه رايكم فى الاسعار

-

-

-

الموضوع: مش عارف فيه الطلب ده من الستاير ولا لا

LinkBack

أدوات الموضوع

عرض

مش عارف فيه الطلب ده من الستاير ولا لا - انشر الموضوع فى :

-

-

-

-

-

-

المواضيع المتشابهه

تحت الطلب كورولا

اسعار قطع الغيار الشائعة الطلب للداتشيا نوفا من 97 :2002

نتائج بي.ام.دبليو تفوق التوقعات بفضل الطلب الصيني

معلش ممكن الرد على الطلب دة

ممكن مساعدتكم ياخوتي الاعزاء في الطلب ده...................؟

الكلمات الدلالية لهذا الموضوع

المفضلات

المفضلات

ضوابط المشاركة