الموضوع: مشكلة فى لمبة pwr لانوس اوتوماتيك

المشاركة الأصلية كتبت بواسطة elpasha1

بص يا باشا
لما اللمبة pwr تنور يبقى الفتيس ميجبش النقلة الرابعة
قبل ما اقول لك فتيس وحوارات نظف فيش الفتيس وشيل كبل البطارية واستنى شوية وركبة تانى
وراجع دائماعلى الكارتيرة ويستحسن تبقى تغيرها بواحدة استيراد
بس انا ليا سؤال هل نقلات الفتيس بتيجى طبيعية ولا الفتيس بيغيب لحد ا ينقل نقلتة

يا باشا اللمبة بتنور اول ما بطلع واشغل العربية واول غيار العربية بتنتش جامد وبتترج بشكل رهيب
وانا نضفت فيشت الفتيس اكتر من مرة واللمبة لسه والتنتيش بقى اكتر وراجعت على الكرتيرة وغيرت الزيت
والنقلات بتيجى طبيعية بس العربية بتنتش عند النقل من غيار لغير

يا جماعه برجاء اللى عنده حل يقولى لانى والله زهقت والميكانيكية طلعوا عينى ونفخونى ولحد دلوقتى المشكله موجوده

حبيب قلبى المشكلة دى جننت ناس كتير فى اللانوس والنوبيرا الكورى
والميكانيكية تلت تربعهم مبيعرفوش يحلوها وبيخلوا الزبون يجيب فتيس كامل عشان مبيعرفوش يوصلوا للعيب
انا كمان معايا نوبيرا معاقيين فتيس كهربا زى اللانوس عندك مش وير او شدادات زى المصرى والعيب ده لففنى سنة حوالين نفسى
المهم يا عمنا العيب ده بيعملوا حاجة اسمعاه السليكتور بتتاع الفتيس اللى هو بيكون داخل فيه الفيشة بيكون مربوط بمسمار 14 واتنين تانين 10
ممكن تجيبوا من الحرفيين ب 200 الى 300 جنيه ممكن تركبوا هناك وانت واقف احسن عشان تعرف شغال ولا لأخلى بالك ما تديلوش القديم

المشاركة الأصلية كتبت بواسطة semonmak

حبيب قلبى المشكلة دى جننت ناس كتير فى اللانوس والنوبيرا الكورى
والميكانيكية تلت تربعهم مبيعرفوش يحلوها وبيخلوا الزبون يجيب فتيس كامل عشان مبيعرفوش يوصلوا للعيب
انا كمان معايا نوبيرا معاقيين فتيس كهربا زى اللانوس عندك مش وير او شدادات زى المصرى والعيب ده لففنى سنة حوالين نفسى
المهم يا عمنا العيب ده بيعملوا حاجة اسمعاه السليكتور بتتاع الفتيس اللى هو بيكون داخل فيه الفيشة بيكون مربوط بمسمار 14 واتنين تانين 10
ممكن تجيبوا من الحرفيين ب 200 الى 300 جنيه ممكن تركبوا هناك وانت واقف احسن عشان تعرف شغال ولا لأخلى بالك ما تديلوش القديم

انا متشكر لرد حضرتك
ثانيا اكيد ده الحل؟؟
مع اعلم ان واحد ميكانيكى نضف لى فيشة الفتيس وكشف عليها وقالى مفهاش حاجه والمشكلة دى بتظهر اوقات وتختفى اوقات

معلش قولى بالتفصيل اغير الفيشة بالكامل والا مسامير ايه بالظبط اللى بتتغير

ولما اروح اقوله عايز مسامير والا ايه؟

معلش انى بطول عليك والله المشكلة مجننانى وكرهتنى فى العربية

ياباشا المشكلة دى كانت معايا من شهر وعملت هنا موضوع دور علية
اللمبة كانت منورة ومكانش بيجيب الرابع
المهم رحت للمكانيكى قالى دة الفتيس ملمس مع ترس الفولار
السبب دة معرفش صح ولا لا بس اتظبطت وبقت تمام

المشاركة الأصلية كتبت بواسطة akramlail

ياباشا المشكلة دى كانت معايا من شهر وعملت هنا موضوع دور علية
اللمبة كانت منورة ومكانش بيجيب الرابع
المهم رحت للمكانيكى قالى دة الفتيس ملمس مع ترس الفولار
السبب دة معرفش صح ولا لا بس اتظبطت وبقت تمام

طيب عملت ايه عشان تتظبط ياريس قولى بالله عليك

يا باشا السليكتور ده زى ما قلتلك اللى بتدخل فيه الفيشة
ده زى ما قلتلك عشان تفكه فك الفيشة اولا من الفتيس
هتلاقي له مسمار 10 من فوق ومن تحت
المسمار اللى فى النص مسمار 14 بيكون جاى من شداد عصاية الفتيس يعنى كل ما تنقل نقله فى الفتيس تلاقيه بيلف درجة
زى مفتاح المروحة كده السرعات اهم حاجة قبل ما تفك السليكتور تجيب فتيس العربية على الباركينج p
وتفكه زى ما قلتلك ريح دماغك وروح الحرفيين واتفق مع اللى هتشتريه منه انه يركبهولك وخلاص
على فكرة كتير من اللى بيعمل عندهم المشكلة دى بيفكروا ان العربية ما بتجيبش رابع رغم انه ده اى كلام
العربية ما بتجيبش اول موبتطلع ع التانى على طول لما المشكلة دى بتحصل عشان كده ما بتسحبش وانت طالع يا كبير
على فكرة انا مهندس ميكانيكا وممكن السليكتور القديم تصلحوا عشان كده بقولك ما تديهوش القديم لان انا عن نفسى كنت بصلحوا
واسيبوا استبن لان مسير اللى هتسيبوا هيبوظ بردوا بعد سنة يستحسن تبقى نشوف طريقة تغييروا اول مرة عشان بعد كده تغيروا انت

انتا بتجيب زيت اية للفتيس وبكام