مشكله في المساعدين الخلفيين لسيينا.....ارجو المساعده في اقصر وقت

**weezza** · 02-07-2011 09:57 PM

يا جماعه انا معايا سيينا مو 2000 موتورها 1600cc
والمشكله عندي ان المساعدين اللي ورا بيقفلوا للاخر في المطبات مع الاحمال يعني لو في اي حد قعد ورا واخدت مطب هوا وانا على طريق سريع بلاقي المساعد قفل للاخر وعمل صوت خبطه او عادي لو اخدت مطب جامده بردو بيخبط وروحت لبتاع العفشه قالي ان المساعد عاوز يكون حجمه اقصر من اللي راكب فيها وانا بصراحه مش فاهم ومش مقتنع ونفسي اعرف العيب في ايه؟
ولو فعلا هغير المساعدين اجيب نوع ايه ومنين بالضبط؟ مع العلم ان اللي راكب سليم

يا ريت تفيدوني يا جماعه

**mohamedmmm2** · 03-07-2011 04:28 PM

لو المساعدين الاصليين بتوع العربيه اوعى تغيرهم غير باللى زيهم.. وكمان المساعد متشال اصلا بالسوست.. يعنى تلاقى السست خفيفه ولو عاوز تغير الموضوع دة ممكن تجيب سست انشف شويه

**weezza** · 03-07-2011 06:50 PM

شكرا يا باشا على ردك ونصيحتك

**mohamed_selim** · 04-07-2011 11:42 AM

بص على السوست و ممكن تركب صدادات فى المساعد (حتة كاوتش متخليش المساعد يقفل للاخر علشان ميضربش ... طبعا العربيه هتبقى ناشفه شويه فى الاول بس بيحافظ على المساعد)
لو هتغير المساعد روح للكيلانى فى شامبليون بس خد المساعدين ايطالى زى اللى فى العربيه (هوا) مش المانى (زيت) لأنى استنصحت مره و اخدت الالمانى و العربيه كانت ماشيه تنط ... رجعتله و غيرتهم بالمساعد الأخف الايطالى و مشيت زى الفل