عصاية الفتيس ليست فى المنتصف فى المور

**astra** · 03-07-2011 12:30 AM

السلام عليكم
برجاء أنا عندى أستفسار
اليوم ذهبت لاعاين سيارة لانوس شيفرولية 2010 وهى فابريكة جوة وبرة واسطى الدوكو عاينها وقال انها فعلا برة وجوة والسيارة فعلا حالتها ممتازة لكن وهى فى وضع المور لاحظت ان عصاية الفتيس ليست فى المنتصف كباقى السيارات ولكنها فى وضع المور فى اقصى اليمين ولكن دون اى تاثير فى عملية النقل والسيارة تم تجربتها لمسافة حوالى 30 كيلو دون ملاحظة شىء غير عادى مع العلم ان كان زمان عندى لانوس دايو وكانت العصاية فى المور فى المنتصف تماما فهل ذلك طبيعى فى اللانوس شيفرولية برجاء الرد سريعا لانى دفعت عربون
وشكرا لحضراتكم

**Strong** · 03-07-2011 02:03 AM

كده عصاية الفتيس عايزة رجلاش فقط فطالما ان الغيارات كويسة يبقى مفيش مشكلة ان شاء الله في العصاية أو الفتيس

**astra** · 03-07-2011 02:21 AM

ألف شكر
بس اللى اعرفه ان لو العصاية عايزة ريجلاش كان لازم تكون الغيارات بتعض او غيار بالكامل غير موجود
وفعلا لما حبيت اجرب واجيب الاول لقيته مارضيش يعشق الا لما دوست على الدبرياج للاخر وبرضة فيه عضة بسيطة

**propagaanda** · 03-07-2011 03:31 AM

على فكرة قعده الفتيس لو فيها حاجة متنية أو مكسورة ممكن تأثر على مكان العصاية
بس طالما الغيارات كويسة يبقى ظبط بس ان شاء الله

**SAMER_ENGINES** · 03-07-2011 05:13 AM

على حد علمى ممكن تكون قاعدة الفتيس مكسورة او فيها مشكلة و اللى اعرفه انها مش غالية لكن برضه قاعدة الفتيس اعرف انها ممكن تأثر فى الغيارات لكن حضرتك بتقول جربت و مفيش حاجة و عامة انتظر رأى باقى الزملاء.

**ramyraby** · 03-07-2011 09:26 AM

متابع معك يا محترم ( أخبرنا بالنتيجية )

**Strong** · 04-07-2011 03:26 AM

صعوبة التعشيق لها عدة اسباب
1- خد هواء من الدبرياج الأول
2- الدبرياج واطي ولو عمل رجلاش للدبرياج من الدواسة علشان يعليه هتتظبط المشكلة دي
3- طقم الدبرياج بحالة سيئة.
بس العربية موديل 2010 فعلشان كده هنستبعد الاحتمال الثالث وجرب الحلين الأول والتاني .

لكن بالنسبة لعدلة عصاية الفتيس في المنتصف دي بتتظبط عادي عن أي ميكانيكي بتكون انت في العربية وفاتح الكبوت وهو بيفك حاجة في العقربة ويقولك اظبط العصاية في النص وبيربط العقربة تاني هتلاقي العصاية بقيت مظبوطة تماما وممكن يظبط مشاغل الفتيس بالمرة