استفسار عن مشكله فى فتيس و كاسيت السيراتو

**therock911** · 03-07-2011 08:41 AM

السلام عليكم ورحمه الله وبركاته

اخوانى انا عندى مشكلتين فى العربيه سيراتوا خليجى 2010

اول مشكله انا لسه عامل صيانه ال 40000 يوم الخميس الى فات والعربيه كانت زى الفل بس النهارده لاقيت الفتيس بيعلق لما باجى اقله على ال p يعنى لازم احاول فيه اكتر من مره عشان يستجيب وبحس كانه معلق و مش راضى يجى على ال p

تانى مشكله عندى ودى مش عارف ممكن اعملها فين ان زرار رقم 4 فى الكاسيت بيعلق يعنى كانه مداس عليه على طول وبيخليه يعلق كل حاجه فى الكاسيت

اخيرا الحمد لله على كل الى يجيبه ربنا و اسف انى طولت عليكوا

**therock911** · 04-07-2011 05:52 PM

محدش عنده حل يا رجاله

**moha4tec** · 04-07-2011 06:19 PM

فى مول الكمبيوتر فى اسبراى بيترش على الالكترونيات و كده هاته و جرب حاجه بسيطه اوى على الزرار اياه و حاول تشوفه مضغوط و الا لا لانها ان شاء الله مشكله بسيطه اوى و كده
بالنسبه للفتيس لازم تكون دايس فرامل جامد عشان تنقل و كده
و هل انت غسلت الشاسيه من تحت قريب و ممكن يكون جت ميه على الفتاس من تحت
و لو متحلتش المشكله ممكن تروح التوكيل هما اكيد فهمين اكتر منى بكتير
و اسيبلك النمور يشرحوا و يكملوا

**amooor22** · 05-07-2011 07:03 PM

السلام عليكم اخي يالفاضل بالنسبه لموضوع الفتيس دي مشكله في لوك موجود بجوار عصايه الفتيس بيعلق احيانا ووظيفه اللوك ده انه يمنع حركه عصايه الفتيس عند عدم الضغط على الفرامل والحل انك لما تروح اي مركز خدمه تشرحلهم الموضوع ده وهما هناك بيشحموا اللوك ده والموضوع بينتهي رجااااااااااااااااااااااا ء خاص بلاش الانزلاق في اي طرق اخرى للحل الفتيس سليم ميه الميه والفيش والكلام ده كله تمام وبالنسبه لموضوع الزرار انت عايز حد متخصص في الكسيت
تقبل مروري ولك جزيل الشكر

**ابو ليلى** · 05-07-2011 07:28 PM

المشاركة الأصلية كتبت بواسطة amooor22

السلام عليكم اخي يالفاضل بالنسبه لموضوع الفتيس دي مشكله في لوك موجود بجوار عصايه الفتيس بيعلق احيانا ووظيفه اللوك ده انه يمنع حركه عصايه الفتيس عند عدم الضغط على الفرامل والحل انك لما تروح اي مركز خدمه تشرحلهم الموضوع ده وهما هناك بيشحموا اللوك ده والموضوع بينتهي رجااااااااااااااااااااااا ء خاص بلاش الانزلاق في اي طرق اخرى للحل الفتيس سليم ميه الميه والفيش والكلام ده كله تمام وبالنسبه لموضوع الزرار انت عايز حد متخصص في الكسيت
تقبل مروري ولك جزيل الشكر

موديل 2010 مفيهوش لوك

**mohamedaghali** · 07-07-2011 12:12 AM

خليك فى التوكيل احسن

**aminibrahim** · 07-07-2011 04:36 AM

المشاركة الأصلية كتبت بواسطة mohamedaghali

انا موديل 2010 وعندى لوك

طب ما ترفع صوره للتوضيح

اصل انا عندي نفس الموديل وما فيش

**Deshahcoka** · 07-07-2011 06:01 AM

في لوك يا باشا في اي فتيس اوتوماتك حتى لو بي ام موديل 90 :)

بس ياريت محدش يفكلك الفتيس و الحوارات ديه ! جرب حط المفتاح في المكان الي في الفتيس و شوف حينقل معاك ولا لا!