الموضوع: بلف الطوارئ

طيب مع ضغط الهواء البنزين اللى راجع من الموتور هايرجع ازاى وخرطوم الراجع اصبح فيه ضغط الهواء ؟؟؟؟؟؟؟

طارق باشا الموضوع هايل ولكن اسمحلي هو ينفع للمناقشة فقط
من وجهة نظري يا طارق ان موضوع اعمل اي تعديل على اي جزء في دائرة الوقود هتكون خطر جدا من ناحية و من ناحية تانية لو احنا عاوزين نعمل بديل فعلاً....... يبقا ندور على بديل آمن
خد بالك من حاجه اننا هنعمل فتحة في غطاء الطرمبة و اللي هيا البنزين تحتها على طول .. صح
طب و الناس اللي راكبة في الكبينة بقا واحد راح مولع سيجارة .. هل البلف اللي راكب ده محكم على الغطاء بالضبط ولا فيه شوية خلوص ينفث منه بنزين ؟؟؟ الله اعلم طبعاً دي حاجه مش مضمونه خصوصاً انها صنع يد

ناهيك بقا على رائحة البنزين اللي مش هتطلع من العربية .. و ممكن ما يحصلش طبعاً .. !
- وطلما بقا وصلنا لنقطه (ممكن يحصل و ممكن ما يحصلش) كدا مش متأكدين من النتيجة يبقا نبعد احسن


انما بقا لو عاوزين نعمل نفس البديل ده كفكرة بردوا نتبع الاتي :
نعمل نفس فكرتك دي بس يكون البلف متحرك بمعنى اننا هنجيب طلمبة كاملة بايظة و ناخد منها الغطاء الخارجي و نشيل الموتور الداخلي و نظبط بقا الدايرة دي على انها سوف تعمل بضغط الهواء و ليس بقوة الشفط و الطرد الكهربية .
- اول ما الطرمبة تعطل .. نروح فكين الطرمبة العطلانه كاملة و نركب البديل ده (اللي هي فكرة حضرتك بس بعد التعديل) السابق ذكره .
خلاص وصلنا لحد ميكانيكي نروح فكين طرمبة الطوارىء و نركب الطرمبة الكهربية مرة تانية .. بس بردوا الله اعلم الفكرة دي هتنفع اوي كدا زي ما حضرتك و انا متصورين ... المهم نكمل ما بدأناه

- بكدا نبعد عن ان يكون فيه بلف موجود باستمرار داخل مقصورة السيارة حفاظأ على الامن و السلامة

بس انا بردوا شايف ان دي مجرد فكرة فقط و انا مع الرأي اللي بيقول طرمبة صيني احتياطية تحل المشكلة

خالص احترامي و تقديري لك يا طارق باشا .. فكرة جميلة