الموضوع: اوبل استرا 2011

المشاركة الأصلية كتبت بواسطة sonaserry

عربية محترمة جدا , و انا عن نفسى أفضلها عن الجولف 6 كشكل و امكانيات من جوة و إحساس بالرفاهيه أعلى بكتير من جولف 6
بجد عربية فيها كل حاجة أنا معايا الأسترا 2008 و بجد بحب العربية ديه جدا ولو معايا فعلا فلوس هجيب الجديدة , هيا بس المشكلة أنك مش هتلاقى ناس كتير جيبنها أو ركبوها عشان مش منتشرة فده معناه إن سعر أعادة البيع بتعها مش كويس و ده حاجة حوطهت فى حسابك بس لو انت مش فارق معاك حكاية أعادة البيع و كمان ان منصور توكيل حرامى شوية فتوكل على الله و جيبها بس ابقى ركبنى معاك ولو حتى لفه صغيرة حولين البيت
بس أعرف برده ان كل التوكيلات حرامية و مقرفين فا متحتش حكاية التوكيل فى دماغك فمتحكمش على العربية بيه

شكرا ليك انا مقتنع بالعربيه جدا وان شاء الله اجيبها بس الاول محتاج ابيع عربيتى الكيا

هقولكم علي حاجه تضحك ع العربيه دي............انا فعلا بفكر جديا ان شاء الله اني اشتري العربيه دي ....المهم سالت المبيعات ع التليفون قالولي العربيه الماني يا فندم...قلتلهم يعني مش بولندي مثلا .قالولي الماني الماني............المهم رحت اشفها في المعرض بتاع نادي الزمالك..العربيه بسم الله ما شاء الله تحفه بجد و فخمه جدا من جوه حقيقي و هيه بالنسبه ليه من جوه و من بره احلي من الجولف .هيه عربيه شاب الي 40 سنه عنده اسره صغيره .الجولف تحس انها لواحد اول الثلاتينات .ززالمهم طب عايز احجز .قالولي هتسيب 5 الاف جنيه و معدش فيه منها اللون اللي انت عايزه هتستني لحد شهر 10 ........موديل 2012 هينزل ...طب و الله حاجه كويسه.ززالعربيه مصنوعه فين يا عم قاللي بلجيكا...ززيا عم يهديك يرضيك قاللي بلجيكا ....قلت ماشي.........المهم اخوكم عمل فيه جدع و كلم المبيعات ع التليفون و قالوهم العربيه يا جماعه بلجيكي و ياريت ما تقولوش للناس كلام مش حقيقي............المهم قلتلهم نسقوا مع نفسكم و اتاكدوا و ردوا عليه .............المهم جه الرد من واحد من المبيعات و رد عليا و قال لي يا فندم العربيه بلجيكي ..قلت ماشي.............بعدها بساعه لقيت واحد بيتصل بيا تاني و قاللي يا فندم انا من قسم المتابعه و بتصل بيك مخصوص و اقولك ان العربيه الماني .قلتلوا انتم بتهظروا و الله ...يا جماعه مش عارفين تتاكدوا من بلد المنشا و الله دي خيبه...........المهم طلبت منه ان اسعار صيانات العربيه و اسعار قطع الغيار و لا عبرني بقاله اسبوعين ........زمش عارف اقول ايه

ما عدا ذلك العربيه جميله بجد.عيبها الوحيد التسارع من الصفر الي 100 كم في 13.5 ثانيه .بس هوه مش عيب علشان الجري بالعرببيه انا بطلته خلاص...........


انا نفسي اجيبها و الله بس المشكله اني عايز اامن عليها علشان حوادث السرقه دلوقت ..لو انا امنت عليها هتكلف حوالي 7000 جنيه في السنه ( خراب بيوت طبعا) و الواحد محتار يجيب عربيه و يسيبها لله مع اني اتلدعت قبل كده اني ما امنتش علي عربيتي .........و لا يامن عليها بس بجد كتير 7000 جنيه تامين بس...........مش عارف اخد قرار

المشاركة الأصلية كتبت بواسطة n.a.j.d

اصلا العربيه اللى نزلها منصور كله بولندي احنا هنا فحصنها من الرقم الشاسي
وللاسف هوا بقول الماني!!! راجل غريب

بس انا لاما سألتهم قالو ان العربيه تقفيل بلجيكى