الموضوع: مشكلة فى زجاج كهرباء للفيات جراند بونتو

عندي عربيتي جراند بونتو فيها مشكله غريبه فى الزجاج الكهرباء . المشكله هى أن أحيانا الزجاج الكهرباء الأيمن مبيرضاش ينزل لتحت خالص , لكن بيطلع لفوق على طول . اللى لحظنه أن المشكله دي بتكون عادة الصبح و أنا لسه بدور العربيه أو بليل و الجو برد . و برضه لما أشغل التكييف لمده كبيره و اجي بعدها أنزل الزجاج مبيرضاش ينزل .
رحت التوكيل أكتر من مره , أول مره المهندس اللى كان هناك شاف الزجاج و هو مش شغال و كشف على الزجاج و قالى المشكله فى وصله كانت مش ركبه حلو و قالى لو أتكررت تاني لازم تغير مكينة الزجاج الأمامي . و فضلت مده كبيرة شغاله حلو حوالى 3 شهور و بعد كده رجعت تاني ذي ما كانت , كل ما أروح لهم التوكيل يكشف عليها و يقولى مفيهاش حاجه , لحد أخر مره قررت أني أغيرها على حسابي حتى لو هم قالوا أنها مفيهش حاجه , رضي يغيرها , بس مفيش 3 ساعات و العربيه كررت نفس الحركه تاني .
لو حد يقدر يساعدني منكم فى الموضوع ده , ياريت يقولى أعمل أيه , لو تعرفوا حد كويس يقدر يصلحها لى بره يبقى تمام أوي