تابلوه ابيزا 94

**tawfeek** · 08-07-2011 04:31 AM

أنا ناويت أركب تكيف عندى فى ابيزا 94 بس الراجل قالى بنعمل مكان للزراير فالتابلو و بتاع المهم شكلو ماعجبنيش و قالى خلاص تجيب تابلوه جاهز فى الزرارير فأنا عايز أعرف فى تابلوة ابيزا موديل أعلى يركب فالابيزا 94 يكون شكله أحسن يعنى ولا مش هيكون واخد شكل الباب و الازاز:b4_611:

**behman** · 08-07-2011 04:11 PM

من 94 لحد 99 كله يركب و الاختلاف بسيط
و بيكون في الخامات ... في تابلوهات فايبر و بيكون لونها جراي غامق
و في فايبر مكسي جلد اسود و ملمسو ناعم و طري شويه و في فايبر مكسي جلد خفيف جدا و بيكون ناشف
عموما السعر يتراوح من 550 لحد 700
انا مش عارف هو عايز يغير ايه ...
بس اكيد هو يقصد تغيير الفريم اللي فيه بكر التكييف و زراير الازاز و الطفايه و الهوايات اللي في النص بس
مش التابلوه كله ... بس الجزء ده صعب انك تلاقيه

**tawfeek** · 08-07-2011 05:06 PM

ألف شكر لييييييييييييييييك رد وافى بصراحة...................................ه� � فعلا عليز يغير الجزء ده و أنا عاندى مشقق من فوق فاهغير كلوه أحسن

كنت بشوف لو موديل شكل تانى خالص ينفع ولا لأ أصل لحاد 99 نفس الشكل
شكرااااااااا
و معليش ينفع كمان أغير لمبات التابلوة عشان لونو أصفر مش حلو و كمان بقى ضعيييييف أوىىىىىىىى ....نوعها اية اللمبات ديه و أجبها منين؟؟؟

**behman** · 08-07-2011 06:14 PM

بصراحه انا مش عارف انت تقصد انهي تابلوه بالظبط اللي مختلف عن العادي 94-99 ... هو بينزل في ايه ؟؟
عموما لو نويت تجيب في واحد اسمو ابو شهد عند نزله الريحاني في الحرفيين عندو شغل نضيف جدا و اسعاره كويسه
و كان عنده اوحد بتاع 98 تحفه ... مكسي جلد و فيه كنترول مرايات كهربا و فوج و عداد ديجيتال صغير
و 2 airbag ... و خد معاه الطاره كمان عشان شكلها احلي و اصغر و التابلوه سعره تقريبا 700 بالعدادات
و بالنسبه للمض بتاعت العدادات ... بتتغير عادي
وهي لمض صغيره ( بدون كعب ) من عند اي حد بتاع شغل كهربا او اكسسوار في التوفيقيه او دمشق
اسأل عليها و هاتلاقيها و في منها احمر و ابيض و تركيبها سهل جدا و فعلا بتظبط التابلوه

**tawfeek** · 08-07-2011 07:15 PM

طيب معلش هتأل عليك أنا ناويت أجيب موتور كااامل بالتكيف و نص عفشة أمام و غالبا هيكون 1600 تعرف حد معين عشان نازل الاسبوع اللى جاى انشاء الله

**ehab_mansour** · 08-07-2011 11:17 PM

المشاركة الأصلية كتبت بواسطة tawfeek

طيب معلش هتأل عليك أنا ناويت أجيب موتور كااامل بالتكيف و نص عفشة أمام و غالبا هيكون 1600 تعرف حد معين عشان نازل الاسبوع اللى جاى ان شاء الله

انا رأيي تشوفلك نص كامل بكل حاجه و تفضيه في عربيتك و تريح دماغك طالما هتغير الطابلوه كمان يبقي تشيل كله بالعدادات و المحرك و الضفيرة و الكنترول و ........ كل اللي في النص و حاجتك القديمة تاخد اللي ينفع منها عندك و عيش حياتك و ربنا يوفقك و ييسرلك الحال

**SYD** · 09-07-2011 02:44 PM

طبعا كلام الأخوة كله صح ومفيش اي اضافات الواحد يحطها
كلام بيهمان صح صح والمهندس ايهاب 100 ال100

حضرتك هات نص كامل متكامل بكل حاجته
الموتور والعفشة وكل أدوات التغذية من باور وعلبة دريكسيون وكباس وثلاجة وسربنتينة وفلاتر وطابلوه وطارة والكنترول والضفيرة وكل حاجة بمعني كل حاجة
وفضي النص دة فعربيتك ولو عايز تغير الأكصدامات والفوانيس والشبكة والرفارف والكبوت هاتهم معاك لأن كبوت ورفارف واكصدام وشبكة وفوانيس ال99 يختلف عن 94

وتبقي كدة ريحت دماغك تماما

الموضوع دة هيدخله في حوالي 7500 او 8000 جنيه وممكن أقل بحاجة بسيطة علي حسب التاجر وانت وشطارتك

والحاجات القديمة الي هتخرج من عربيتك مش هتخسر لأن ممكن حد ياخدهم منك

وعموما طابلوه الأبيزا من 93 لحد 99 هو نفسه مع اختلاف الخامات زي ما الأستاذ بيهمان وضح
طابلوه ال 99 ممكن تلاقي فيه المرايات وال4 زجاج و مفاتيح التكييف وبكر التكييف

زي الصور دي (صورة طابلوه عربيتي ال99 تكييف ومرايات و4 زجاج)

والله المستعان
،
،

**behman** · 09-07-2011 06:46 PM

السعر حسب الموتور اللي هاينزل
1400 و 1600 ولا 1800 ولا 2000
انا انصحك ب aft 1600 اللي بينزل في ال 98 الاوروبي و الجولف 3 ال97 بيخرج 101 حصان
و احد صاحبي حاطه في 94 و موتور جامد جدا و قوي و موفر في البنزين
اعتقد ان في نص عند ابو شهد في الحرفيين و الموتور بالفتيس بالضفيره
بطقم التبريد بالعفشه و الكومبرسيور و الباور
و الشكمان و طرمبه البنزين و تانك البنزين ( اتفق علي كل دول حتي لو في حاجات مش عندو ) كل ده رينج 7000 شروه واحده
تقل او تزيد 1000 بالكتير لو الحاجات مش موجوده
و انا انصحك انك تجيب قطعيه ( نص ) كامل احسن ... اوفرلك كتير