الموضوع: لانوس و لا لوجان

انا رايى الشخصى اللوجان لية؟

حضرتك حتشتريها زيرو و بالتالى كل الصيانات ف التوكيل و ان شاء الله مش حتحتاج حاجة تانية غير الصيانة
الوجان ابتديت تنتشر و بالتالى اعادة بيع كويسة و قطع الغيار استعمال حتنتشر.
التوكيل كويس جدااااا احسن من منصور.
الانوس
موديل بقالو كتير بنفس الشكل و مش حتحس بفرق بينها و بين موديل ال 2000
يعنى شبه الادا و ده لا يعيبها خالص ميكانيكيا بس التغير مطلوب

انا جربت الاتنين بحكم امتلاكى للوجان واللانوس بتاعت ابن خالتى سوقتها كتير جدا قبل اللوجان ماتيجى

مميزات اللوجان

اللوجان اوسع بشده
شنطه كبيره جدا اد اللانوس مرتين الا شويه بسيطه
عاليه عن الارض تشيل سته وماتحكش فى مطب
فرامل محترمه جدا
سعر اعادة بيع رائع بناء عن تجارب اعضاء من المنتدى
عوامل امان ممتازه
تصميم حديث
العربيه اصبحت مطلوبه بشده
استهلاك بنزين ممتاز

عيوب اللوجان
قطع غيار مازالت غاليه ولسه لم تنتشر بالشكل الكافى لكن ان شاء الله تنحل المشكله دية
باور تقيل شويه
سحبها وسواقتها متحسس بنعومه زى اللانوس

logan

المشاركة الأصلية كتبت بواسطة mostafa_sallam

انا ركبت اللوجان و ركبت الانوس و ممكن اعمل مقارنة بين اللوجان و الانوس.
1- اللوجان عربية اوروبى تقفيل مصنع رينو ( صوماكا ) بالدار البيضاء بالمغرب اما الانوس فهى عربية جنيرال موتورز كورى تقفيل مصرى .
2- اللوجان اوسع من الانوس سواء فى المقصورة الداخلية او الشنطة .
3- اللوجان اعلى من الانوس و عفشتها انعم .
4- اللوجان اكثر ثابات من الانوس و دة المعروف عن العربيات الأوروبى ثابتها ليس له مثيل .
5- موتور اللوجان اقوى من الانوس - اللوجان 90 حصان و هو نفسه موتور الميجان1 بينما الانوس 86 حصان و لكن مفرقتش كتير .
6- من حيث الصاج اللوجان امتن و اقوى .
7- من حيث المواد الداخلية و التابلوه اللوجان افضل .
8- من حيث الأبشنز اللوجان افضل بسبب وجود كمبيوتر الرحلات الى جانب الأير باج و لكن ممكن نعتبر الأير باج وسيلة من وسائل الأمان مش من ضمن الأبشنز .
9- مستوى الأمان فى صالح اللوجان العربية حاصلة على 3 نجوم من 5 نجوم فى اختبار السلامة الأوروبى و مزودة بأير باج للسائق .
10- من حيث التسارع مش هقول مين افضل علشان محدش يدخل فيا شمال بس انا اللى اعرفه ان اللوجان بتجيب من 0 - 100 خلال 11.5 ثانية لكن الانوس معرفش .
12- من حيث توافر قطع الغيار الانوس تكسب قطع غيارها عند البقال و برخص التراب عكس اللوجان نزلها قطع غيار خارج التوكيل و فى مختلف المحافظات و لكن مش منتشرة زى الانوس و اغلى من الانوس و لكنها معمرة اكثر .
13- من حيث الميكانيكية فاللوجان بسيطة و غير معقدة مثل باقى الرينو و يسهل على اى ميكانيكى انه يشتغل فيها و خصوصا ان محركها نفس محرك الميجان1 .
14- من حيث التوكيل توكيل رينو افضل و بمراحل و يعد من افضل التوكيلات فى مصر و بعدين انت هتكبر دماغك خلال فترة الضمان 3 سنوات او 100 الف كيلو متر و اى عيوب فى العربية لا قدر الله يعنى التوكيل بيحلها و بسهولة تامة عكس منصور اى حاجة يقولك هى دى طبيعة العربية .
15- من حيث الأعتمادية مقدرش الأحكم و لكن رينو معروف اعتماديتها و الانوس برضه اتعرف اعتماديها من زمان .
16- تصميم اللوجان احدث من الانوس التى استمرت على تصميمها و شكلها اكثر من 10 سنوات .
17- باور الانوس افضل من اللوجان لأن باور اللوجان تقيل نسبيا و لكن مخلى العربية ثابتة بشكل محترم على السرعات العالية .
و على فكرة رينو مش هتنزل عربية تبوظ سمعتها و عارفة انها هتحقق نجاح باهر و بالفعل العربية اكتسحت السوق و حققت نجاح باهر و الطلب عليها جامد جداااا لكن الانوس خلاص انتشرت من زمان و اصبحت الفيات بتاعة مصر .
و دى وجهة نظرى المتواضعة و التى لا قيمة لها و انا قولت كلمة حق و بدون انحياز و ربنا يعلم .
و ممكن حضرتك تضيف الأسبرانزا m11 و byd و البريليانس fsv و الفيرنا و الأفيو و الساجا علشان تبقى المقارنة مفتوحة امامك .
و نصيحة تدخل على كل قسم و تشوف مميزات و عيوب العربية و تتفرج و تقرر بنفسك .
ملحوظة بخصوص تجريبتى للوجان: العربية عائلية اكثر من انها رياضية يعنى لو حاطط فى دماغك جرى و تنطيط و فرقعة ابعد عن اللوجان مش معنى كلامى انها مش بتجرى لأ العربية بتجرى و انا جبت بيها 190 و كنت بغرز على 140 بس هى عائلة اكثر من انها رياضية .
و ربنا يوفقك فى اختيارك و اسف على الأطالة و تقبل خالص تحياتى .

المشاركة الأصلية كتبت بواسطة mostafa_sallam

انا ركبت اللوجان و ركبت الانوس و ممكن اعمل مقارنة بين اللوجان و الانوس.
1- اللوجان عربية اوروبى تقفيل مصنع رينو ( صوماكا ) بالدار البيضاء بالمغرب اما الانوس فهى عربية جنيرال موتورز كورى تقفيل مصرى .
2- اللوجان اوسع من الانوس سواء فى المقصورة الداخلية او الشنطة .
3- اللوجان اعلى من الانوس و عفشتها انعم .
4- اللوجان اكثر ثابات من الانوس و دة المعروف عن العربيات الأوروبى ثابتها ليس له مثيل .
5- موتور اللوجان اقوى من الانوس - اللوجان 90 حصان و هو نفسه موتور الميجان1 بينما الانوس 86 حصان و لكن مفرقتش كتير .
6- من حيث الصاج اللوجان امتن و اقوى .
7- من حيث المواد الداخلية و التابلوه اللوجان افضل .
8- من حيث الأبشنز اللوجان افضل بسبب وجود كمبيوتر الرحلات الى جانب الأير باج و لكن ممكن نعتبر الأير باج وسيلة من وسائل الأمان مش من ضمن الأبشنز .
9- مستوى الأمان فى صالح اللوجان العربية حاصلة على 3 نجوم من 5 نجوم فى اختبار السلامة الأوروبى و مزودة بأير باج للسائق .
10- من حيث التسارع مش هقول مين افضل علشان محدش يدخل فيا شمال بس انا اللى اعرفه ان اللوجان بتجيب من 0 - 100 خلال 11.5 ثانية لكن الانوس معرفش .
12- من حيث توافر قطع الغيار الانوس تكسب قطع غيارها عند البقال و برخص التراب عكس اللوجان نزلها قطع غيار خارج التوكيل و فى مختلف المحافظات و لكن مش منتشرة زى الانوس و اغلى من الانوس و لكنها معمرة اكثر .
13- من حيث الميكانيكية فاللوجان بسيطة و غير معقدة مثل باقى الرينو و يسهل على اى ميكانيكى انه يشتغل فيها و خصوصا ان محركها نفس محرك الميجان1 .
14- من حيث التوكيل توكيل رينو افضل و بمراحل و يعد من افضل التوكيلات فى مصر و بعدين انت هتكبر دماغك خلال فترة الضمان 3 سنوات او 100 الف كيلو متر و اى عيوب فى العربية لا قدر الله يعنى التوكيل بيحلها و بسهولة تامة عكس منصور اى حاجة يقولك هى دى طبيعة العربية .
15- من حيث الأعتمادية مقدرش الأحكم و لكن رينو معروف اعتماديتها و الانوس برضه اتعرف اعتماديها من زمان .
16- تصميم اللوجان احدث من الانوس التى استمرت على تصميمها و شكلها اكثر من 10 سنوات .
17- باور الانوس افضل من اللوجان لأن باور اللوجان تقيل نسبيا و لكن مخلى العربية ثابتة بشكل محترم على السرعات العالية .
و على فكرة رينو مش هتنزل عربية تبوظ سمعتها و عارفة انها هتحقق نجاح باهر و بالفعل العربية اكتسحت السوق و حققت نجاح باهر و الطلب عليها جامد جداااا لكن الانوس خلاص انتشرت من زمان و اصبحت الفيات بتاعة مصر .
و دى وجهة نظرى المتواضعة و التى لا قيمة لها و انا قولت كلمة حق و بدون انحياز و ربنا يعلم .
و ممكن حضرتك تضيف الأسبرانزا m11 و byd و البريليانس fsv و الفيرنا و الأفيو و الساجا علشان تبقى المقارنة مفتوحة امامك .
و نصيحة تدخل على كل قسم و تشوف مميزات و عيوب العربية و تتفرج و تقرر بنفسك .
ملحوظة بخصوص تجريبتى للوجان: العربية عائلية اكثر من انها رياضية يعنى لو حاطط فى دماغك جرى و تنطيط و فرقعة ابعد عن اللوجان مش معنى كلامى انها مش بتجرى لأ العربية بتجرى و انا جبت بيها 190 و كنت بغرز على 140 بس هى عائلة اكثر من انها رياضية .
و ربنا يوفقك فى اختيارك و اسف على الأطالة و تقبل خالص تحياتى .

انت جبت من الاخر بصراحة,

لو اللوجان ينزل منها توماتيك. ها تكتسح السوق لان سعر الاتوماتيك اغلى من المنيول من 5 - 7 الف جنية
يعنى اللوجان الاتوماتيك الفول ابوشن هايبقى من 75 الى 77 الف جنية , فطبعا سعر ممتاز