انواع واسعار الكاوتش في مصر

**yahia_zakareya** · 13-03-2014 08:53 AM

المشاركة الأصلية كتبت بواسطة aw2100

اشكرك بجد على المجهود والمعلومات القيمة بس انت اخترت نوع ايه فى كل الأنواع دى ؟؟؟؟؟؟؟؟؟؟؟

بعد عمليات الفرز و الإستبعاد إنحصرت المنافسة بين الآتي (مرتبين بالأولوية ترتيب تنازلي):
-1- يوكوهاما سي درايف ............................ 460 جنيه (محدش قدح فيه)
-2- كونتينينتال إيكو كونتاكت 5 ..................... 460 جنيه (جنابه طرية جدا جدا لدرجة إني ظنيت إن صباعي ممكن يعلم فيها أو يخرمها لو كنت الرجل أخضر)
-3- نوكيان لاين ............................................. 425 جنيه (محدش بيجيب سيرته هنا في المنتدى و لم أجده إلا عند تاجر واحد فقط)

بصراحة يا أ/ وليد أنا محتاج مساعدة في اتخاذ القرار النهائي ، يا ترى عندك فكرة عن ماركة نوكيان عاملة إيه مع الناس اللي جربتها خصوصا إن الموديل Line واخد تقييم عالي جدا ؛ بس ممكن مينجحش في الطرق الرديئة بتاعتنا ؛ يعني ممكن تكون جوانبه (Side Wall) بتاعته طرية جدا ، أو إن بنية الإطار متستحملش الضرب اللي هتاكله في شوارعنا [كابتن كابتن .... هو كله ضرب ... مفيش شتيمة]

، فيحصل إنهيار داخلي للإطار ، و ده أنا شوفته مع ماركة مجهولة الهوية اسمها Olympic من نيوزيلندا و كان المقاس 13-70-155 للفيات 127 و كانت النتيجة فشل ذريع للإطار و جاب عالي و واطي و لوحة يمين و لوحة شمال .
طبعا شركة Nokian الفنلندية محترمة جدا و مشهورة بجودة إطاراتها العالية .

على فكرة أنا عارف إن حضرتك هتقول "و عليك بإيه يا عم يحيى ، متخليك في اللي إحنا نعرفه و مجربينه ، هو إنت هتجيب إطار كل يوم" .
عندك حق ، بس أنا من الناس اللي بتحب تجرب ما هو جديد و يغلب ظني إنه هيكون ممتاز في نفس الوقت من سمعة الصانع و تاريخه ، لكن شكلي كده المرة ديه هعصر على نفسي و ألتزم بالقاعدة الذهبية اللي بتقول "اللي تعرفه و مجربه أحسن من اللي متعرفوش أو مجربتوش"

ميال أكتر لليوكوهاما سي درايف من شكر الناس هنا في المنتدى فيه و من شكر الناس في الهند برضه فيه (الطرق بتاعتهم أسوأ من بتاعتنا غالبا ) .
و أخيرا بماذا تنصحني علشان أنا ناويت أنفذ في خلال يومين إن شاء الله و عشت.

نسيت أشكر حضرتك على شكرك ليا أولا و على إهتمامك ثانيا .

**aw2100** · 13-03-2014 10:49 PM

المشاركة الأصلية كتبت بواسطة yahia_zakareya

بعد عمليات الفرز و الإستبعاد إنحصرت المنافسة بين الآتي (مرتبين بالأولوية ترتيب تنازلي):
-1- يوكوهاما سي درايف ............................ 460 جنيه (محدش قدح فيه)
-2- كونتينينتال إيكو كونتاكت 5 ..................... 460 جنيه (جنابه طرية جدا جدا لدرجة إني ظنيت إن صباعي ممكن يعلم فيها أو يخرمها لو كنت الرجل أخضر)
-3- نوكيان لاين ............................................. 425 جنيه (محدش بيجيب سيرته هنا في المنتدى و لم أجده إلا عند تاجر واحد فقط)

بصراحة يا أ/ وليد أنا محتاج مساعدة في اتخاذ القرار النهائي ، يا ترى عندك فكرة عن ماركة نوكيان عاملة إيه مع الناس اللي جربتها خصوصا إن الموديل Line واخد تقييم عالي جدا ؛ بس ممكن مينجحش في الطرق الرديئة بتاعتنا ؛ يعني ممكن تكون جوانبه (Side Wall) بتاعته طرية جدا ، أو إن بنية الإطار متستحملش الضرب اللي هتاكله في شوارعنا [كابتن كابتن .... هو كله ضرب ... مفيش شتيمة]

، فيحصل إنهيار داخلي للإطار ، و ده أنا شوفته مع ماركة مجهولة الهوية اسمها Olympic من نيوزيلندا و كان المقاس 13-70-155 للفيات 127 و كانت النتيجة فشل ذريع للإطار و جاب عالي و واطي و لوحة يمين و لوحة شمال .
طبعا شركة Nokian الفنلندية محترمة جدا و مشهورة بجودة إطاراتها العالية .

على فكرة أنا عارف إن حضرتك هتقول "و عليك بإيه يا عم يحيى ، متخليك في اللي إحنا نعرفه و مجربينه ، هو إنت هتجيب إطار كل يوم" .
عندك حق ، بس أنا من الناس اللي بتحب تجرب ما هو جديد و يغلب ظني إنه هيكون ممتاز في نفس الوقت من سمعة الصانع و تاريخه ، لكن شكلي كده المرة ديه هعصر على نفسي و ألتزم بالقاعدة الذهبية اللي بتقول "اللي تعرفه و مجربه أحسن من اللي متعرفوش أو مجربتوش"

ميال أكتر لليوكوهاما سي درايف من شكر الناس هنا في المنتدى فيه و من شكر الناس في الهند برضه فيه (الطرق بتاعتهم أسوأ من بتاعتنا غالبا ) .
و أخيرا بماذا تنصحني علشان أنا ناويت أنفذ في خلال يومين إن شاء الله و عشت.

نسيت أشكر حضرتك على شكرك ليا أولا و على إهتمامك ثانيا .

اعتقد ان حضرتك قولت انه يوكوهاما a drive لو يوكوهاما c drive الفردة ب 460 اتكل على الله واشتريها بس انا بافضل لو عاوز اداء قوى وعمر طويل انك تشترى بريدجستون سواء التورانزا او my-2 علشان البريدجستون بيبقوا مصفحين اجناب الفردة بالاضافة فية شفة بتحمى الجنط من حروف الرصيف واللى تعرفة احسن من اللى ماتعرفهوش وبراحتك !!

**tarekosh** · 14-03-2014 04:31 PM

طب حد يا جماعه سمع عن بريدجستون ecopia ep150 اندونيسي Ecopia EP150 | Products | PT Bridgestone Tire Indonesia

**yahia_zakareya** · 16-03-2014 06:35 AM

المشاركة الأصلية كتبت بواسطة yahia_zakareya

، أما البريدجستون Turanza GR-90 (ياباني الصناعة) كان الجنب بتاعه طبقتين بوليستر و كان قوي على صباعي لما بضغط عليه .

1- تصويب خطأ:
آسف جدا من هذا الخطأ ، الإطار Bridgestone Turanza GR-90 في المقاس بتاعي 14-60-185 الجنب بتاعه Sidewall مكون من طبقة واحدة سميكة و قوية من البوليستر و ليس طبقتين كما ذكرت في مشاركتي السابقة.

2- معلومة أولى:
الإطار Bridgestone MY-02 مواصفاته كالآتي :
Treadwear 300 Traction B Temperature A
طبقات المداس أربعة = Polyester 1 + 2 Steel + 1 Nylon
طبقات الجنب واحدة = 1 Polyester
Rotation ( يعني اتجاه واحد للإطار ) مما يعني إن مينفعش يتعمل تبديل الإطارات زي الإطارات العادية ، و بتوضيح أكتر لما هتيجي تعمل تبديل مواقع الإطارات كل 5000 كم أو 10000 كم هتعمل زي اللي في الصورة ديه :

أما لو عايز تعمل تبديل كامل (علشان كل إطار يعدي على العجلات الأربعة من أجل تآكل متساوي في كلا جانبي الإطار) فلازم تفك الإطارات الأربعة من على الجنوط و تعكس الإطار و ترجع تركبه تاني في الجنط و تركب الجنوط تاني في العربية بس يكون اتجاه النقشة في الوضع الصحيح ، ساعتها هيكون الإطارين اللي في الجنب الشمال هما اللي كانوا راكبين في الجنب اليمين قبل عملية الفك و التركيب و الناحية التانية بالمثل ، طبعا دي شغلانة رخمة جدا بس لابد منها لإطالة عمر الإطار و منع وجود تآكل في جنب واحد فقط من الإطار .

بجد مش عارف إزاي يكون إطار Sporty Style و يكون الـ Traction بتاعه B ، أنا معنديش فكرة عن إطارات الأداء الرياضي ، فهل كلها بتبقى كده ، يعني الإطار الـ Bridgestone Potenza بيبقى الـ Traction بتاعه رمزه إيه ؟
ياريت اللي مركب بوتنزا يقولنا و أنا على العموم هعمل بحث بنفسي في أقرب فرصة .

3- معلومة تانية:
حسب كلام Fit & Fix عباس العقاد يوم الجمعة مفيش Bridgestone Turanza AR-20 في المقاس 14-60-185
لو كان موجود كنت هاركبه و أنا واقف و كان معايا الفلوس في جيبي بس للأسف هو ده اللي قالوه .

و مازلت أفكر في الإطار المناسب للفابيا .

**yahia_zakareya** · 16-03-2014 06:44 AM

المشاركة الأصلية كتبت بواسطة tarekosh

طب حد يا جماعه سمع عن بريدجستون ecopia ep150 اندونيسي Ecopia EP150 | Products | PT Bridgestone Tire Indonesia

مسمعتش عنه و أنا بلف في السوق في جولة بحثي ، لكن أعرفه من خلال الإنترنت

السؤال : هو حضرتك لقيته في بلدنا ؟
و لو كنت لقيته فعلا : المقاس كان إيه ؟ و سعره ؟ و مصنوع فين ؟ و مواصفاته إيه ؟

**tarekosh** · 16-03-2014 05:46 PM

المشاركة الأصلية كتبت بواسطة yahia_zakareya

مسمعتش عنه و أنا بلف في السوق في جولة بحثي ، لكن أعرفه من خلال الإنترنت

السؤال : هو حضرتك لقيته في بلدنا ؟
و لو كنت لقيته فعلا : المقاس كان إيه ؟ و سعره ؟ و مصنوع فين ؟ و مواصفاته إيه ؟

ايوه لقيته في محل في طنطا مقاس 175/70/13 والسعر كان مفاجأه ليه الفرده ب330 وهو صناعه اندونيسي فهل ممكن تكون مضروبه مع انها حاسسها فرقت جامد معايا في السحب والنعومه والثبات وهاديه جدا على الطريق بالنسبه للموصفات فانا مابفهمش في traction و temperature والكلام ده فممكن حضرتك تقولي النوع ده حلو ولا لأ

**yahia_zakareya** · 16-03-2014 10:11 PM

المشاركة الأصلية كتبت بواسطة tarekosh

ايوه لقيته في محل في طنطا مقاس 175/70/13 والسعر كان مفاجأه ليه الفرده ب330 وهو صناعه اندونيسي فهل ممكن تكون مضروبه مع انها حاسسها فرقت جامد معايا في السحب والنعومه والثبات وهاديه جدا على الطريق بالنسبه للموصفات فانا مابفهمش في traction و temperature والكلام ده فممكن حضرتك تقولي النوع ده حلو ولا لأ

فعلا معرفش حاجة عنه غير اللي قريته في الموقع اللي حطيت صورته .
حضرتك اللي هتبقى الخبير بتاعه هنا في المنتدى لأنك اللي بتسوق عليه دلوقتي ، يعني حضرتك اللي تقول هو حلو و لا لأ .

بالنسبة للبيانات هتلاقيها مكتوبة على جدار الإطار في سطر واحد جنب بعض كالآتي [ .... Treadwear .... Traction .... Temperature ] .
تاريخ إنتاجه كان قديم و لا جديد؟
و أخبار الفرامل معاك إيه ؟
و استهلاك البنزين .... فرق معاك و لا لأ ؟

بصراحة لو طلع كويس ده يبقى حاجة جميلة جدا ، أصل أنا بنبسط جدا لما باسمع عن منتجات ليها أسم كبير بتنزل مصر بدل المضروب أو الردئ اللي غرق السوق و بيتباع بسعر كبير .

ألف مبروك على الإطار و إن شاء الله يكون ممتاز و يريحك و يقعد معاك إلى آخر يوم صلاحية و تعمل بيه رحلات آمنة و مريحة و موفرة في البنزين .

تقبل تحياتي

**kar!m** · 16-03-2014 11:16 PM

بصراحة حضرتك عملت دكتوراة في الاطارات مش مجرد بحث .. أنا ان شاء الله برضه هغير قريب .. و أنا فس المقاس بتاع حضرتك بس 65 مش 60 و أنا حاصر اختياراتي ان شاء الله بين البريدجستون My-02 و الكومهو اكسيتا.

**tarekosh** · 16-03-2014 11:22 PM

المشاركة الأصلية كتبت بواسطة yahia_zakareya

فعلا معرفش حاجة عنه غير اللي قريته في الموقع اللي حطيت صورته .
حضرتك اللي هتبقى الخبير بتاعه هنا في المنتدى لأنك اللي بتسوق عليه دلوقتي ، يعني حضرتك اللي تقول هو حلو و لا لأ .

بالنسبة للبيانات هتلاقيها مكتوبة على جدار الإطار في سطر واحد جنب بعض كالآتي [ .... Treadwear .... Traction .... Temperature ] .
تاريخ إنتاجه كان قديم و لا جديد؟
و أخبار الفرامل معاك إيه ؟
و استهلاك البنزين .... فرق معاك و لا لأ ؟

بصراحة لو طلع كويس ده يبقى حاجة جميلة جدا ، أصل أنا بنبسط جدا لما باسمع عن منتجات ليها أسم كبير بتنزل مصر بدل المضروب أو الردئ اللي غرق السوق و بيتباع بسعر كبير .

ألف مبروك على الإطار و إن شاء الله يكون ممتاز و يريحك و يقعد معاك إلى آخر يوم صلاحية و تعمل بيه رحلات آمنة و مريحة و موفرة في البنزين .

تقبل تحياتي

الفرامل تمام الحمد الله مابيزحفش ولا بيسرخ ودي كانت مشكلتى في الكاوتش القديم نوعه كان gt تاريخ الانتاج الاسبوع 39 2013 استهلاك البنزين ماحسبتوش الصراحه هو مكتوب عنه انه موفر للبنزين
وبالنسبه لل traction و temarature انا لاقيتهم على الكاوتش فعلن بس مش لاقي اى حروف جنبهم او ارقام والله يبارك فى حضرتك ده من زوئك ومعلش تعبتك معايا وشاكر جدا لمتابعتك معايا عشان انا لسه جديد فى عالم السيارات واهوه بحاول اتعلم