الموضوع: انواع واسعار الكاوتش في مصر

أنا محتاج أشترى فردتين كاوتش.
سألت عند محلين جنبى لقيت الأسعار كلها واحد, وهو 210 جنيه.
فيه ماركات شيات تركى, وجى كى هندى وفى اندونيسى وتايلاندى, والمقاس كله 175/70/13
حد عنده فكرة الأسعار دى معقولة ولا إيه؟
وإيه الأحسن منهم عشان أجيبه؟
عربيتى لادا 2107 موديل 90

شكراً مقدماً

انا كنت جايب فردتين GTA Radial من ستة تقريبا الواحدة كانت عاملة 250 جنيه فلو الفردة بالسعر اللي انت بتقول عليه ده تبقى كويسة اوي وعلى فكرة الكاوتشات اللي انا جبتها كانت نفس المقاس بتاعك
بالنسبة للانواع بصراحة معرفش بس طالما الاتنين نفس السعر ممكن تسال اللي هيركبهم عن الاحسن.
سلامو عليكم

المشاركة الأصلية كتبت بواسطة Drift_Lover

انا جربت الكومهو الكوري 175/70/13
وبقي له 3 شهور وكويس جدآ.
والسعر كان 210

أنا أسمع إن الكومهو كويس فعلاً, يارب ألاقيه عند حد قريب منى
شكراً يا باشمهندس

المشاركة الأصلية كتبت بواسطة karmoty

انا كنت جايب فردتين GTA Radial من ستة تقريبا الواحدة كانت عاملة 250 جنيه فلو الفردة بالسعر اللي انت بتقول عليه ده تبقى كويسة اوي وعلى فكرة الكاوتشات اللي انا جبتها كانت نفس المقاس بتاعك
بالنسبة للانواع بصراحة معرفش بس طالما الاتنين نفس السعر ممكن تسال اللي هيركبهم عن الاحسن.
سلامو عليكم

أنا فعلاً سألت أى نوع أفضل, بس الراجل قال الاتنين زى بعض, بس فى معلومة ذكرها مش عارف هى صحيحة ولا لأ, قال إن الشيات التركى بتتباع فى حدود 225 جنيه, بس هو بياخدها بسعر مستريح عشان كده بيبيعها ب 210 بس.

ياترى فى أى حد عنده فكرة عن الماركات دى وجودتها وأسعارها يا جماعة؟
أنا محتاج أشترى بكره ضرورى.

شكراً لكم