الموضوع: سؤال بسيط عن العقيد/ عمر عفيفي و ما يثيره من اخبار كارثيه إن صحت !!

اتفق مع حضرتك في عدم وجود دليل ادانة واضح علي عمالة عمر عفيفي
لكن بالتأكيد بعض مشاركته تحوي مبالغات و اليجب الاحتياط من الاندفاع خلفها

لذلك اعتقد حتي الان و حسب ما هو واضح امام الجميع انه مثل اي عضو في المنتدي ساعات يقول كلام 10/10 و ساعات يتطرف قليلا و ينحاز الي جانب فكري بسبب الانفعال او خبرات سابقة تعرض لها

و ده فائدة الفلتر الموجود في اعلي الرأس المسمي بالمخ .. فعليه ان يوزن و يقدر الخبر الصحيح من الاشاعات و يقدر النصيحة السليمة و يرفض الاندفاع

و ده مثال علي رأي سليم و حكيم منه

الي أهلي واحبائي وأخواني أهالي السويس الأبطال - تعطيل الملاحه بالقناه خط أحمر - والتلويح فقط بعصاة العز وعدم الضرب بها أرجوكم

by العقيد عمر عفيفي on saturday, july 9, 2011 at 4:05pm

أخواني وأهلي وأحبائي من أهالي السويس الشرفاء ومن عملت معهم وفي مدينتهم العظيمه وأقاربي يعيشون بينكم في السويس
أرجوا الفطنه والحذر من تعطيل الملاحه بالقناه حاليا لأنها ستقلب تعاطف العالم مع الثورة وحتي لا نعطي لأحد الفرصه في ا] تدخل في شئونا
والتلويح بعصاة العز أهم وأكثر تأثير من الضرب بها
الحذر ثم الحذر ثم الحذر
ويمكن أن تصل الرساله وأعتقد أنها وصلت لكن أ{جوا الرويه والتعقل وحسابها جيدا
العالم كله لو تعطلت القناه سيكون ضد الثورة والثوار وهذا لسنا في حاجه اليه الآن
ليس خوفا ولكن تعقلا ورؤويا أوسع للأمور
أرجوكم أرجوكم أرجوكم
التلويح فقط بعصاة العز وعدم الضرب بها ولو مؤقتا لصالح مصر وأمنها
وأعلم أنكم تثقوا بي وأهلي وأخوالي من عائلة أبو سته بالسويس
العقيد / عمر عفيفي

كلامك سليم جدااا, و هو فعلاً بيبالغ في بعض كلامه, لكن ايه موقفنا من باقي كلامه اللي ممكن يكون صحيح ؟؟؟

يعني فين مبارك دلوقتي حالاً ؟؟؟ ليه المجلس العسكري مش بيعمل اي حاجه او يلاقي اي وسيلة يثبت
بيها بالدليل القاطع انه في مصر, و في المستشفى فعلاً, مش زي ما بيقول عمر عفيفي انه بره البلد ؟؟؟

ليه التراخي و التهاون في راحة بال الناس اللي دماغها هتنفجر من اللي بتسمعه و مش عارفه مدى صحته !!؟؟؟

بدون مظاهرات و لا اندفاع و لا تكسير و لا زعيق و لا اي حاجه من دي... فين مبارك و سوزان
و علاء و جمال و العادلي و صفوت الشريف و فتحي سرور و احمد عز و كل دووووووول !!؟؟؟

مافيش اي وسيلة ممكن المجلس العسكري او رئاسة الوزراء او اي مسؤول يعملها علشان يثبت
كذب ما تردد من شائعات و ان الناس دي موجودين و مازال الجيش متحفظ عليهم !!!؟؟؟؟؟؟؟؟

ده سؤال هيجنني !!؟؟؟

مش عمرو عفيفي بس هو اللي بيتهاجم
انت عندك ناس بتهاجم الشباب . الشرطة . الجيش . مبارك . المشير
لو انا قلت اي كلام على الثورة او عن شغل او اي حاجة في البلد هلاقي الف واحد بيهاجموني مهما كان كلامي صح
لو حد قال عندة مشروع هيوقف البلد على رجليها و هتبقى دولة عظمى و مش عايز فلوس من حد .. بردو هيتهاجم

معنى كلامك ده يا باشا ان مهما كان اي شخص عايز يفيد البلد بس كلامه مش على هوى مجموعة من الناس هيتشتم و يتخون !!؟؟

لو ده حقيقي فعلاً, و عادي كده, تبقى دي مصيبة اكبر من كل اللي احنا فيه !!!!! لان ماحدش هيسيب حد يفيد البلد دي !!!

لكن في رأي الشخصي... انا ماظنش ان الموضوع وصل للمرحلة دي او للشكل ده... والله أعلم

المشاركة الأصلية كتبت بواسطة centurion

[youtube]http://www.youtube.com/watch?v=f3gbgavht7k&feature=share[/youtube]

الفيديو ده بيفكرني بالطريقة اللي بيتبعها واحد عايز يخض اللي قصاده و يقوله انا اللواء
فلان الفلاني, و يطلعله كارت ميناتل من المحفظه و يوريله ظهره في ثانية و يخبيه بسرعة تاني !!!

الفيديو ده كده... يطلع مستند على الشاشة و الزوم عليه بعييييييد مستحيل تقرأ اللي مكتوب
و بعدين يقوم شايل الصوره بتاعة المستند بسرعه, و يكتب كلمتين باسلوب و صيغة سوقيه...

هو المفروض ان دي مستندات, و المفروض اننا نصدقها ازاي بس يا فندم !!!؟؟؟؟

نصدقها ازاي و احنا مش شايفيين منها حاجه اصلا, و ماحدش قرأ من الكلام المكتوب ده حاجه !!!

و مش فاهم اصلاً اللي عمل الفيديو عايز يوصل لايه !!؟؟؟ يعني الفيديو تحس انه متلخبط
و معلوماته مالهاش علاقة ببعض !!! ايه علاقة مراته القديمه بالجديده و انها امريكيه
بانه قابض مليون دولار, و انه عميل, و انه طلب اللجوء لامريكا و دي معلومة مصر كلها تعرفها !!!!

نفس الكلام بالكربون اتقال على وائل غنيم لما اتعرف ان مراته امريكيه و انه شغال في جوجل
و بدأت الحواديت و القصص اللي بردو كانت بتخون وائل غنيم و كل الشباب اللي نزلوا 25 يناير !!!

انا طلبي يا استاذي الفاضل دليل على ان هذا الرجل كاااااذب فيما يقول عن وجود
مبارك و زوجته و اولاده خارج السجن و خارج البلاد اصلا !!!!!! فين الدليل على كذبه؟؟

علشان كده طلبنا نشوف مبارك في مستشفى شرم الشيخ بنفسنا, مش الشعب كله يعني
يروح المستشفى, لكن يروح مجموعة من الشخصيات العامة المعروف عنهم الاحترام و يتأكدوا...

ليس اكثر او اقل, و شكرااا جزيلاً على ردك يا فندم...