زجاج الباب بتاع الإيفـو اتكسر

**M.Gamaledeen** · 13-07-2011 11:38 AM

الحمد لله
امبارح نازل رايح الشغل، وبافتح العربية من اليمين علشان احط حاجاتي، لقيت زجاج الباب الأمامي شمال كله على الكرسي.
ولغاية دلوقت مش عارف السبب، طوبة، ولا حد حاول يسرقها؟ بس الحمد لله مفيش حاجة نقصت من العربية.
كلمت اوماترا، مالقيتش مسئول قطع الغيار، نزلت الهرم وروحت على مركز البرقان، وبعد انتظار مالقيتش عندهم الزجاج، كلمت اوماترا تاني، قالو ان ماعندهمش الزجاج ده دلوقت، وكمان الفني اللي المفروض يشتغل في العربية مش موجود !!

وبعد محاولات ومداولات، قالي "هو انت هاتشتريه ولا هاتركبة عندنا؟!!" قلت طبعا هاركبه عندكم!

قالي طيب ثواني انا شايف ان في حاجة في المخزن في ابو رواش... اوك تعالى بكرة يافندم تركب الزجاج !!!

وآديني في التوكيل دلوقت مستني اعرف هاستلم العربية امتى؟ وسعره كام ؟؟

مش عارف ازاي عربية موديل السنة ولسه بيسوقوا ليها"مجازا يعني" ومفيش ابسط قطعة غيار وارد انها تتغير اكتر من مرة في اليوم الواحد، أنا بقالي يومين مابروحش الشغل، ومسلووووق في الحر ده، وبانزل من العربية كأني كنت بالعب في الشارع من التراب اللي بيدخل من الشباك.

ربنا يهدي اوماترا بقى أحسن كده مش نافع.

بالمناسبة، انا عندي ثلاث "نقر" في الزجاج الأمامي، وكنت سألت من حوالي شهر عليه قالولي برضوا مش موجود، يعني الواحد قبل مازجاج عربيتة يتكسر، لازم يسألهم الأول موجود أو مش موجود علشان مايتبهدلش.

ربنا يسترها معاكم ):

**azmeralda** · 13-07-2011 11:49 AM

قدر الله وماشاء فعل

**M.Gamaledeen** · 13-07-2011 11:59 AM

المشاركة الأصلية كتبت بواسطة azmeralda

قدر الله وماشاء فعل

الحمد لله طبعا على كل شيء، شكرا

انا بس اللي مستغرب له، موضوع نقص قطع الغيار في الحاجات اللي زي دي، كأن مش عايزين يطلبوه علشان صلاحيتة ماتنتهيش.

**azmeralda** · 13-07-2011 01:30 PM

هو فى حد لسه بيستغرب من اوماتيرو فى حاجة

**yoko** · 13-07-2011 02:40 PM

لو قلتلهم هركبه بره كانوا قالولك مش موجود إسأل مجرب ههههههههه
وكنت تجيب إزاز من بره أرخص وهتلاقيه موجود

**yoko** · 13-07-2011 11:59 PM

و بعيدن بقى فى التوكيل دة ؟ يعنى انت يا يوكو ملقتش حل معاهم؟

هعمل معاهم إيه يعني شكاوي وإشتكينا وبردوا حركات النص كم لسه شغالا وأولها قطع الغيار الي مش موجوده أو موجوده بس يا تركبها في التوكيل يا مش موجوده!!!!
والقطعة ممكن موجوده بس ميركبهاش في الضمان قال عشان الضمان حاجة وقطع الغيار حاجة!!!!

**Medo.Malek** · 14-07-2011 05:20 AM

مشوفتش لينيا سماوى فى البرقان لما كنت هناك ؟

**azmeralda** · 14-07-2011 10:26 AM

المشاركة الأصلية كتبت بواسطة yoko

هعمل معاهم إيه يعني شكاوي وإشتكينا وبردوا حركات النص كم لسه شغالا وأولها قطع الغيار الي مش موجوده أو موجوده بس يا تركبها في التوكيل يا مش موجوده!!!!
والقطعة ممكن موجوده بس ميركبهاش في الضمان قال عشان الضمان حاجة وقطع الغيار حاجة!!!!

افندم الضمان حاجة وقطع الغيار حاجة !!!!

-

الموضوع: زجاج الباب بتاع الإيفـو اتكسر

LinkBack

أدوات الموضوع

عرض

زجاج الباب بتاع الإيفـو اتكسر - انشر الموضوع فى :

-

-

-

المواضيع المتشابهه

زجاج الباب الخلفي اتكسر

زجاج الباب الخلفي شمال اتكسر

زجاج السيراتو الباب الخلفى اتكسر

زجاج الباب الخلفي الايمن اتكسر

منين اجيب البلاستيك الاسود اللى بين زجاج الباب وعظم الباب

الكلمات الدلالية لهذا الموضوع

المفضلات

المفضلات

ضوابط المشاركة