الموضوع: شوية استفسارات عن الجيتز

- العيوب اللي قريتها على النت من الثبات و الفرامل لكن لما رحت المعرض و سألت الراجل عن ان العربية في السرعات العالية بتبقى مش حلوة فنفى الكلام ده. فإيه النظام اصدق مين ؟!

ثباتها متوسط يعنى مش عايمة و مش ثابتة اوى متوسطة يعنى

- قطع الغيار . هل غالية ولا رخيصة , متوفرة ولا غير متوفرة داخل التوكيل و خارجه ؟!

موجودة فى التوكيل و الأسعار زى الكورى تقريبا يعنى متوسطة و معقولة

- هل عربية ممكن تعيش لـ10 سنين قدام مثلا ؟!

لو بتحافظ عليها تعييش عادى جدا

- التوكيل حلو و خدمته حلوة ؟!

الكل بيذم فى غبور و لكن انا لسة مجربتوش و ان شاء الله قريب جدا لأننا قربنا نخلص التليين ( عربية خالتى مش عربيتى )

- لو حبيت ابيعها في المستقبل هتتباع بسهولة و تمنها هيقل كتير ؟!

متوسطة برضة مش حتتباع بسعر عالى ولا منخفض يعنى معقولة

- استهلاكها للبنزين حلو ولا ايه نظامه ؟!

استهلاك البنزين مثل استهلاك البنزين للفيرنا و الماتريكس تقريبا لأنهم نفس الموتور و هوة متوسط برضة مش موفرة و مش بلاعة بس العربية فى المقابل قوية جدا جدا

-مش عايز اندم اني دفعت مبلغ كبير في عربية تقرفني بعد كده

ان شاء الله العربية مش حتقرفك و لو عاجباك توكل على الله

و فية فى الفئة السعرية دية الدايهاتسو سيريون و دية يابانى و توكيلها حلو و 1300 سى سى يعنى موفرة اكتر و الأتنين على فكرة واسعين جدا من الداخل و السيريون فيها 2 ايرباج زيادة عن الجيتز

المشاركة الأصلية كتبت بواسطة fahd_628

ثباتها متوسط يعنى مش عايمة و مش ثابتة اوى متوسطة يعنى

أنا كنت مقتنع برضه ان ثباتها متوسط لحد ما سقتها النهارده لمسافه حوالي 30 كم و كانت سرعتي من 130 ل 150. surprisingly اكتشفت ان ثباتها ممتاز! :) بجد العربيه انهارده خلتني احترمها جدا اكتر من ما كنت بحترمها! :)

اعتقد كمان ان جنوط 15 هتفرق كتير في ثباتها :)

انا حجزت جيتز خلاص موديل 2008 سوداء
بس عايز اعرف حاجة
هو كل الأسود بفتحة سقف ,و كل الأسود بفرش أحمر ؟؟
الراجل في المعرض قالنا ان الأسود بيبقى أصلاً اغلى بس احنا بنبيعه بنفس التمن !! ليه أغلى ؟!
و كله فيه الكاسيت بييقى Cd وللا حسب ؟! اللي شفتها في المعرض كانت معروضة فيها الكاسيت هيونداي بالـcd و كانت اللون الرمادي
و هل هيبقى المفروض فيها اللمبة الزرقاء بتاعة الحرارة و للا لأ
و لو مكنتش موجودة مستلمش العربية أصلاً وللا أعمل ايه ؟

الف الف مبروووووووووك يا باشا

بالنسبة للون الأسود بدون فتحة سقف فا الفرش الداخلى بيبقى احمر
بالنسة للى بفتحة سقف بصراحة مش عارف بس اعتقد ازرق و اتأكد برضة
بالنسبة للكاسيت انا خالتى جابت جيتز و الكاسيت الى فيها هيونداى بيقرأ MP3 و فية USB
بالنسبة للمبة الزرقاء انا عند خالتى مش شغالة و فى الصيانة الجاية ان شاء الله حنبقى نقول للتوكيل علشان نسينا نقولى فى الألف و لو لقيتها مش شغالة صعب توقف الأستلام علشان لمبة استلم و امرك لله و برضة انت حر بس احنا لما رحنا نجيب عربية خالتى اول حاجة بصيت عليها اللمبة دية و للأسف مكنتش شغالة فا بصيت على بقية العربية لقيتها زى الفل قلنا خلاص بقى مش مشكلة و استلمنا الحمد لله

المشاركة الأصلية كتبت بواسطة dede_dodo88

شكرا يا جماعة على ردودكم

انا حجزت جيتز خلاص موديل 2008 سوداء
بس عايز اعرف حاجة
هو كل الأسود بفتحة سقف ,و كل الأسود بفرش أحمر ؟؟
الراجل في المعرض قالنا ان الأسود بيبقى أصلاً اغلى بس احنا بنبيعه بنفس التمن !! ليه أغلى ؟!
و كله فيه الكاسيت بييقى Cd وللا حسب ؟! اللي شفتها في المعرض كانت معروضة فيها الكاسيت هيونداي بالـcd و كانت اللون الرمادي
و هل هيبقى المفروض فيها اللمبة الزرقاء بتاعة الحرارة و للا لأ
و لو مكنتش موجودة مستلمش العربية أصلاً وللا أعمل ايه ؟

استفساراتي كتير بس معلش عايز أعرف الموضوع كويس قبل ما أستلم
و ياريت لو أي حد عنده اي ملاحظات تانية على العربية يقولهالي عشان أخد بالي منها لما استلم
و شكراً

اللون الاسود موجود منه بفتحة سقف و عادي. العادي بيبقي فرشها احمر و اللي بفتحة سقف فرشها ازرق.

و كله في كاسيت CD. الاول كان JVC و بعدين Roadstar و دلوقتي Hyundai

انا معايا جتز و مافيهاش اي لمبه للحراره , اللمبه دي بتكون فين و ايه وظيفتها؟