عايز اجدد رخصة العربية ؟ اسئلة خفيفة

**Nistelrooy** · 16-07-2011 03:12 AM

بسم الله الرحمن الرحيم

عايز اجدد رخصة العربية ..

لما اشتريت اعدت حوالي ساعة بس ترخص وفحص وكل حاجة وماعملتش اي حاجة .. غير اني استنينت 5 دقايق علشان استلم النمر وكان معايا مندوب ..

دلوقتي بقي عايز اجدد الرخصة بس لوحدي بقي واخوكم لا يعلم شيئاً ابدا عن حوار الترخيص ده وجمعت شوية معلومات كدا ياريت تفيدوني فيها :)

انا هاعملها علي يوميين ..

اليوم الاول ::

اجيب شهادة براءة الذمة او المخالفات وادفعها .. واجيب الاوراق المطلوبة

الي هي
-ملف كرتون وصورتين من الرقم القومي
-نموذج 51 مرور من خزينة المرور << الله اعلم ده اية بالظبط بس شوفتة مكتوب علي النت lol
-وثيقة التأمين الإجباري عن الحوادث
-الرخصة

اليوم التاني ::

اقدم كل الاوراق بيما فيهم براءة الذمة وادفع واستلم ..

ها كدا صح وياريت لو فية ورق ناقص تقولوا لي .. وانا هاروح مصور البطاقة والرخصة 5 نسخ ..وشوية فكة علشان ماسيبش حد ياخد اكرامية علي قفايا ..

شوية اسئلة بقي ..

س1 شهادة المخالفات بحتاج اجيب ورق قبلها ولا بروح اقدم رخصتي بس ويطلع لي الشهادة ؟ وياتري بروح في حتة علشان اختمها ولا خلاص خلصت كدا ؟

س2 انا مأمن .. هل هحتاج اجيب اي ورقة من شركة التامين ؟

**Nistelrooy** · 18-07-2011 05:38 PM

??????????????????????????????????????

**LORD.ADeL** · 21-07-2011 04:26 PM

باشا انت هترخص امتى بالضبط لاني زيك نفس الموضوع
كان بيكون معايا مندوب كل مرة وهوا اللى بيخصل لي كل حاجه
دلوقتى عايز اعملها لوحدي وابيض يمكن انت عارف حجات عنى كتير يعتبر
بس انا لسه هعمل حوار تامين علشان عربيه قسط يومين بكتير تقريبا حوار دة ومفيش ناقص عغير مرور
انت فى مرور ايه باشاا فيصل؟ ولا ايه ؟

**mohamed_rhem** · 21-07-2011 04:31 PM

لو عربيتك مفيش مشكلة

انما لو تقسيط حتجيب جواب تجديد من الشركة او البنك اللي انت مقسط معاه ومعمول حظر بيع لصالحه

موضوع التأمين الاختياري ده ملهوش علاقه بيهم

**Nistelrooy** · 22-07-2011 01:22 AM

ربنا يحليك يا باشا .. يعني كدا الاوراق والخطوات صح مافيش حاجة ناقصة .. الواحد مش عايز يتوه كتير الصبح في الحر ده ههههههه

**ahmed643** · 22-07-2011 06:38 PM

فى البدايه لووو السياره قسط البنك يبقى حضرتك

1- تروح البنك تجيب جواب ان البنك مش عنده مانع للتجديد مع استمرار حجز الملكيه له ودا بيطلع علطول ومن غير مشاكل طالما منتظم فى دفع الاقساط

لو التامين الاجبارى عالسياره انتهى بانتهاء مده ترخيص العربيه البنك هيقولك جدد الترخيص وهات الوثيقه عن السنه الجديده عشان اطلعلك الجواب المطلوب

2 هتتوجهه لنيابه المرور بعد هذا وتطلع براءه ذمه ودى بتطلع بصوره البطاقه والرخصه بعد الاطلاع عالاصول لو فى مخالفات بتسددها وتاخد مخالصه على ما عاتقد الحقيقه معرفش لانى بحترم القانون جدا ومن يوم ما سوقت مأخدتش ولا مخالفه

3 تروح بقى المرور وانت معاك براءه الذمه وجواب البنك
4 تشترى ملف تجديد سياره من المكتبه الى جمب المرور وتشترى سنه تامين من اى مكتب تامين وتروح على خزنه المرور تجيب نموذج 51 وتكتب فيه اسمك ورقم العربيه وتروح تأشره من الظابط
الظابط هيشوف رخصتك وبطاقتك ويأشر عليه

5 تحط كل الورق فى بعضه من براءه ذمه وجواب المرور ونموزج 51 والتامين و2 صوره بطاقه والرخصه وتسلمه عالشباك دا طبعا بعد مما تكون روحت عالشباك اول ما توصل المرور وتديهم رقم عربيتك عشان ينزلو الملف من الارشيف

قدمت الورق دا كله واستلموه منك تخليك واقف عالشباك لانهم سعات بيطلبو طوابع شرطه قلو طلب تروح تجبهم علطول من الشباك الى جمبك زى ما يقولك سواء ب 10 جنيه او 15 جنيه

وهيتراجع الملف عالشباك وهيتقفل عشان يطلع فوق وحضرتك تستنى فالانتظار لحد ما يندهو اسمك وتستلم الرخصه وكللللللللللل تجديد وانت طيب

**Nistelrooy** · 23-07-2011 02:27 AM

الف شكر يا احمد باشا ع التفاصيل

**ahmed643** · 23-07-2011 10:59 PM

تحت امرك ياباشا

-

الموضوع: عايز اجدد رخصة العربية ؟ اسئلة خفيفة

LinkBack

أدوات الموضوع

عرض

عايز اجدد رخصة العربية ؟ اسئلة خفيفة - انشر الموضوع فى :

-

-

-

-

-

المواضيع المتشابهه

عايز اجدد رخصة القياده وغيرت محل الاقامه اول حاجه اعملها ايه؟؟

عايز اجدد رخصة العربية ؟ اسئلة خفيفة

عايز اجدد رخصة العربية جين2 العجمي اسكندرية

عاوز اجدد رخصة القاياده ؟

هل ممكن اجدد رخصة العربية بتوكيل؟؟

الكلمات الدلالية لهذا الموضوع

المفضلات

المفضلات

ضوابط المشاركة