دراع فتح الشنطة باظ عايز مساعدة سريعة من فضلكم

**MITSUKERO** · 16-07-2011 07:33 PM

السلام عليكم

من كام يوم كده بفتح الشنطة من الدراع الداخلي و سمعت صوت "تك" و الشنطة مفتحتشي و من ساعتها الدراع بقي خفيف و بشدة للاخر مش بيفتح الشنطة خالص و لازم اطفي العربية و انزل افتح الشنطة بالمفتاح و حاجة تجنن بصراحة

ياريت تدلوني علي حل لاني مش عارف اعمل ايه و فيه واحد صاحبي قالي كده هتفك فرش العربية كلة و هبقي شغلانه و انا متنرفز ياريت تساعدوني بالمعلومات من فضلكم

شكرا

**KemozTanta** · 16-07-2011 08:07 PM

روح لإي سمكري جمبك و هيظبط الواير بتاع الشنطة وهتشتغل تاني زي الفل .. انا كان عندي بايظ خالص واتظبط عند سمكري وكلة تمام

**M.Alaa92** · 16-07-2011 08:12 PM

المشاركة الأصلية كتبت بواسطة romio4lovee

روح لإي بتاع ابواب جمبك و هيظبط الواير بتاع الشنطة وهتشتغل تاني زي الفل .. انا كان عندي بايظ خالص واتظبط عند بتاع ابواب وكلة تمام

**MITSUKERO** · 16-07-2011 08:17 PM

M.Alaa

الف شكر ياباشا علي النصيحة بس هو الموضوع كبير يعني و هيفك و كده ولا سهل ؟ و اخد وقت ؟

بكرر شكري تاني ربنا يكرمك

**KemozTanta** · 16-07-2011 08:29 PM

يعني اية بتاع ابواب ؟؟ وبعدين هو هيفك الابواب لية ؟؟
عموما الموضوع مش صعب وملوش علاقة بالفرش و زي ماقولتلك انا ظبطتها عند سمكري في ربع ساعة

**MITSUKERO** · 16-07-2011 08:35 PM

Romio

انا مشفتش الرد بتاعك في المرة الاولي بس اظن ان رد الاستاذ محمد علاء مظبوط لان اي حاجة فيها كوالين بتتظبط عن بتاع الابواب و اوقات السمكرية بيبقي عندها فكرة و بيعملوها و في الحالتين بشكرك علي الرد و نقل خبرتك لاني كنت محتاج حد حصلتلة المشكلة دي يشاركني في الحل

**M.Alaa92** · 16-07-2011 08:37 PM

المشاركة الأصلية كتبت بواسطة MITSUKERO

Romio

انا مشفتش الرد بتاعك في المرة الاولي بس اظن ان رد الاستاذ محمد علاء مظبوط لان اي حاجة فيها كوالين بتتظبط عن بتاع الابواب و اوقات السمكرية بيبقي عندها فكرة و بيعملوها و في الحالتين بشكرك علي الرد و نقل خبرتك لاني كنت محتاج حد حصلتلة المشكلة دي يشاركني في الحل

زى م romio قال العملية م فيهاش فك فرش خالص
العملية هو بيقف عند الشنطة و بيقولك شد الدراع و بيظبط العملية و شكرا و ع فكرة بياخد 5 جنيه و انا حصلت معايا قبل كدة ع فكرة

**ahmed_mido1889** · 17-07-2011 12:31 PM

الدراع ثابت في مكانه والا بيتهز

لانه لو بيتهز هتربط صامولته اللي تحت الكرسي وهتلاقيه ظبط

**MITSUKERO** · 22-07-2011 06:31 PM

الف شكر يا رجالة رحت لسمكري و انا بركب كارتيرات طينة امامية و قولتله الشنطة بتعلق فعملها بمنهي البساطه قالي شد الدراع و بعدين حط عصاية حديد في مكان ما قفل الشنطة بتنزل و فضل يحاول يعدل حتة حديدة صغيرة و قفل الشنطو و قالي شد الدراع قامت فتحت

طبعا انا مكنتش فاهم ازاي يعني الكالون مش بيفتح يقوم يسيبه و يلعب في مكان ما الكالون بينزل !! اتضح ان الانوس غير الانسر و ان طريقة فتح الشنطة من الداخل مختلفة في الميكانيزم لان الانسر الوير بيفتح الكالون نفسة انما الانوس الوير الداخلي بيقوم بدفع قطعة من الحديد في جانب الكالون و هي اللي بتفتح الشنطة

بجد شكرا للاخوة المحترمين اللي ردوا عليا لان الموضوع ده كان قارفني جدا و كنت خايف ليبقي كبير
الف شكر مرة اخري