تكييف النوبيرا اقوى ولا تكييف اللانوس !

**smalltoto10** · 18-07-2011 09:06 PM

سلام عليكم

هو مش المفروض ان النوبيرا فئه اكبر من اللانوس ولا ايه

يعني بغض النظر عن ان الى بيقولوا ان اللانوس تطلع من النوبيرا ف الغيار الاول والتاني عشان فرق الوزن .. بس بصراحة الكلام ده مش بيحصل معايا خالص وانا بطلع من اى لانوس وعربيات كتير بالنوبيرا بتاعتي ومن غير اى صعوبة وببنزين 90 ! وبالظبطة العادية بتاعت العربية

ما علينا مش ده موضوعنا

انا كنت اسمع ان تكييف النوبيرا اقوى بكتير من تكييف اللانوس

انا عندي ف النوبيرا بحس ان السوقعية اقوى بكتيير من اللانوس .. بس كمية الهوا الى خارج اقل كتير من اللانوس

يعني 4 ف النوبيرا زي 3 ف اللانوس

مش عارف ده عيب ف النوبيرا ولا ايه .. فلتر التكييف متغير بواحد جديد .. شحنها مظبوط ومفيش اى تسريب وكنت لسه منظف مروحه التكييف لانها كانت بتعمل زن وتقيله

مش عارف بقا هل فعلا تكييف النوبيرا هو ده قوته

كل ما اروح لكهربائي او بتاع تكييفات يقولي كدا التكييف معقول اوي هي النوبيرا كدا ثلاجتها اصغر من اللانوس والدورة بتاعتها اكبر من اللانوس فتكييفها بيبقا اضعف

وبيقولي احتمال يكون الكمبورسير عندك ضعيف فمقلل قوة التكييف شوية

انا كل الى بشتكي منه ضعف الهواء الخارج من التكييف حتى مع تشغيل زرار عدم دخول هواء من خارج العربية

ف عز الحر بشغل التكييف ع 4 لفترة كبيرة اوي وفين ممكن بعد نص ساعه كدا ولا حاجه احس انى عاوز اخلي التكييف ع 3 .. وبحس بنسيم هواء ساقع قليل اوي والى مصبرني انى بسقع من مسكه الدركسيون بس !

**aliyosef** · 18-07-2011 09:22 PM

عندى نفس المشكله ويارب حد يفيدنا
وكمان اللى قاعد ورا بيحس يالتكيف بعد شويتين تلاته

**MoMohsen** · 19-07-2011 12:32 AM

طب ما تحاول تشوف بلاور التكييف يمكن يكون موتورة ضعيف او عاوز يتنظف

**mody010** · 19-07-2011 01:06 AM

فعلا انا جربت الموضوع دة
انا ماعندي لادي ولا دي
بس في الشغل عندي موجود العربيتين وفعلا تكيف الانوس اقوى
مع كنت مفكر انة لازم يكون العكس لان النوبيرا فئة اعلى من الانوس

**smalltoto10** · 19-07-2011 01:23 AM

اانا جربت انظف المروحه
والمروحه قوية جدا اما جربتها برا ونظفتها و بردة ع نفس الحال

وفى فلتر للتكيف يعني صعب التلاجه تكون متبهدله خالص زي اللانوس ع الاقل هتكون لسه بـ 60% من قوتها مش زي اللانوس لو منطقة تراب بتضيع خالص مع الوقت

**jojowork1** · 19-07-2011 02:00 AM

احتمال يكون فرق قوه الهوا بين الانوس والنوبيرا عشان الانوس مفهاش فلتر والنوبيرا فيها وبكده يبقي ده طبيعي

**smalltoto10** · 19-07-2011 02:02 AM

انا جربت اشيل الفلتر خالص

وبردة نفس الموضوع

**elshinzawy** · 19-07-2011 04:24 AM

ياباشا انا عربيتى نوبيرا موديل 2003 ولما بجيب التكييف على واحد بكون سقعان جدا وبرجعه على واحد على طول
يعنى فى الحر بشغله على اتنين مثلا عشر دقايق كده وبتبقى العربيه تلاجه بجيبه واحد على طول اكيد فى مشكله عند حضرتك ممكن الكمبروسر او الفلتر اللى جبته مش كويس لكن قوه المروحه عندى قويه جدا يعنى على الرابع ده حاجه مهوله مش زى حضرتك خالص لدرجه انى عمرى ما شغلت التكييف على اربعه ده خالص اخرى تلاته وانزل لواحد على طول

**osama.m** · 19-07-2011 04:49 AM

انا كان معايا اللانوس و دلوقتي النوبيرا
تكييف النوبيرا في نفس القوة و مش بشغلة على 3 او 4 دي خالص الحمد لله
شوف حد كويس بتاع تكييف يشوف الكمبريسور و دورة التكييف .. ممكن بردو يكون الشحن قليل

**farselkon** · 19-07-2011 07:47 AM

العيب عندك أحد سببين
الأول : وجود خلل فى البلاور المسئول عن خروج الهواء ودفع الهواء البارد من خلف السربنتينه
الثانى : قد تكون السربنتينه نفسها محتاجه غسلة محترمه لما يعلق بها من غبار وأتربه وده الإحتمال الأكبر بس دى عملية مش سهلة وقد تحتاج فك التابلوه أو الكونسول بس بتجيب نتيجه خرافية وعن تجربة

الموضوع: تكييف النوبيرا اقوى ولا تكييف اللانوس !

LinkBack

أدوات الموضوع

عرض

-

-

-

حضرتك خد الخلاصة من خبير التكييف إللى هو أنا -

المواضيع المتشابهه

ما هو اقوى تكييف سياره يابانى؟

تكييف اللانوس تفوق بجدارة على تكييف ال rb

تكييف اللانوس

تكييف الفكترا اية - من اقوى و اجمل التكييفات

سير تكييف اللانوس

الكلمات الدلالية لهذا الموضوع

المفضلات

المفضلات

ضوابط المشاركة