خبطة في شنطة الايفو

**eslam_fashion** · 19-07-2011 10:13 AM

صباح الخير يا رجالة .. النهاردة نازل اخد العربية من الجراج لقيت الشنطة مخبوطة او بمعنى اصح فيها حته داخلة لجوا شوية عند كلمة punto بالظبط .. هل ممكن انا اردها بنفسي ولا ايه انا قريت قبل كده على ما اعتقد ان في حد فك الشنطة من جوا وردها بنفسه ..

لانى بجد تعبت كل شوية خدشة جديدة حكة .. فانوس اشارة .. فوج .. انا حاسس ان العربية بتمشى لوحدها بليل

**golfawyzz** · 19-07-2011 11:37 AM

المشاركة الأصلية كتبت بواسطة eslam_fashion

صباح الخير يا رجالة .. النهاردة نازل اخد العربية من الجراج لقيت الشنطة مخبوطة او بمعنى اصح فيها حته داخلة لجوا شوية عند كلمة punto بالظبط .. هل ممكن انا اردها بنفسي ولا ايه انا قريت قبل كده على ما اعتقد ان في حد فك الشنطة من جوا وردها بنفسه ..

لانى بجد تعبت كل شوية خدشة جديدة حكة .. فانوس اشارة .. فوج .. [gdwl]انا حاسس ان العربية بتمشى لوحدها بليل[/gdwl]

**MNabeih** · 19-07-2011 11:43 AM

قدر الله و ما شاء فعل, ربنا يصبرك
انا رايي تروح لسمكري و تريح دماغك و مش هاتاخد في ايدة نص ساعة!!

و علي فكرة انت عامل زيي العربية بتبقي في الجراج و لوحدها و مقفول عليها و برجع من السفر الاقيها كل مرة متجرحة تجريحة شكل !!!

**moh.aboelkheir** · 19-07-2011 01:31 PM

يا باشا لا سمكري ولا حاجه ... انا كل اسبوع بلاقي واحده عادي خالص ... تقريبا واحد مستأصدني ... على كل حال ممكن نتقابل في حته و اعملهالك و اقولك تتعمل اذاي لو حصلت تاني :)

**eslam_fashion** · 19-07-2011 01:34 PM

حبيبي يا ابو الخير .. خلاص فل هكلمك ونظبط
نبيه باشا .. انا مش بستوعب ايه السبب بفكر في بوم ابات في شنطة العربية واشوف ايه الي هيحصل .. عاملين زي ما يكونو transformers

**pirlo2000** · 19-07-2011 07:37 PM

الغريبة اني دائما بلاقي نفس الخبطة في عربيات ايفو و جراند كتيرة اوي اوي و في نفس الحتة..... اكيد في حاجة ورا الموضوع ده؟

يمكن حرامي بيحاول يفك علامة فيات..... او الحروف؟ لان كل مرة اشوفها في نفس الحتة وواحد جارنا عنده نفس الخبطة و علامة الفيات مش موجودة....

بس انت بتقول انك راكنها في جراج يعني معتقدش حرامي...... بس فعلا نفس الخبطة لقيتها كتير جدا.....

عامة ربنا يباركلك فيها و يحميهالك.....

**eslam_fashion** · 20-07-2011 10:06 AM

تصدق عندك حق انا فعلا لاحظتها كتير دايما وكنت بقول كويس ان عربيتى مفيهاش الخبطة دي لحد ما لقيتها .. وهيا ممكن تكون حصلت وانا بره البيت وانا لاحظتها تاني يوم في الجراج لنها عادة بتبان من بعيد او من الجنب معا انعكاس الضوء وكمان مش بيبقى فيه اثار حبطة .. انا كتير لما كنت بشوفها في البونتو واليفو كتيير كنت بسال نفسي الخبطة دي حصلت ازاي .. هل فعلا ممكن يكون حرامى ؟