الموضوع: الملف ضاع

السلام عليكم
امبارح رحت مرور الدقى علشان ارفع بصمة واجيب شهادة مخالفات علشان انقل ملكية لعندى فى بنها
جبت شهادة المخالفات ورحت لمهندس الفحص قالى اطلع فوق على الشباك (19) الموظف اللى هناك قالى ثوانى نجيب الملف (مش عارف ليه) وفضلت بقى مستنى عدى أكثر من 3 ساعات وفى الاخر قالوا لى الملف مش موجود . طبعا انا قلبى وقع فى رجلى قلت اضحك عليا
بس ضابط المكان قالى دى مشكلتنا وتعالى بعد يومين نكون جبناه

دلوقتى لو حصل لقدر الله وملقوش الملف ايه العمل ؟؟؟؟

مفيش أى مشكله حتى لو الملف ضاع بالفعل

عندنا فى إسكندريه مرور محرم بك إتحرق بالكامل فى أحداث ثورة يناير وكل واحد كان عايز يعمل أى حاجه فى المرور سواء دفع ضريبه أو فحص أو نقل ملكيه يشترى ملف جديد ويفحص من جديد لرفع بصمة الموتور والشاسيه حتى لو رايح يدفع ضريبه فقط وليس عليه فحص كان لازم يفحص

ضابط المرور قال لك دى مشكلتنا لأنه عارف إن لم يعثر على الملف سوف ينشئ لك ملف جديد وربنا يوفقك