الموضوع: يا رجالة المنتدي اخوكم محتـــار و دماغي هتنفجر

سيات ابيزا 1600 او اوبل كورسا 2011

لية مش بتفكر فى الجين 2 ؟؟!!

مازدا 3 اعتقد احسنهم بالنسبة للتوكيل ذية ذي اي توكيل مش قد كدة

السلام عليكم
لو تسمحلي انصح من خلال تجارب فعلا حقيقية ومن خلال وجهة نظر علمية إلى حد كبير، فنيا واقتصاديا.
أولا واضح إن حضرتك هتدفع كاش مبلغ فوق 100 ألف جنيه، وده مش قليل، بالإضافة إلى إن عندنا قاعدة محدش يختلف فيها إن أي زيرو بعد شهرين استخدام هيكون عندنا نسبة لابأس بها من الخسارة ولكن النسبة تختلف من موديل لآخر.
طبعا أكثر من 100 ألف جنيه تجيب لحضرتك حاجات كتير مع مراعاة الحالة الجيدة طبعا والكشف من متخصصين قبل الشراء وده في حالة المستعمل اللي بافضله لحضرتك عن العربيات الزيرو اللي للأسف متستاهلش بالمرة بالنسبة للي هنتكلم فيه، لو 4X4 ممكن باجيرو موديلات 2000 حتى 2004 حسب الحالة، وممكن تويوتا لاند كروزرأواخر التسعينات، ودي عن تجربة عربيات بصراحة كفاءة عالية جدا، معظمها محركات ديزل أوتوماتيك وغرز ومثبت سرعة وجميع جميع الكماليات والرفاهيات ومعدلات الأمان. طبعا تويوتا رائدة الصحراء، أخويا عنده تويوتا 96 مشفتش 4X4 زيرو تساويها بالمرة وده عن تجربة على الاسفلت وفي الجبل. وانصح حضرتك بالابتعاد عن أشباه 4X4 الجديدة وهي لا تمت لها بصلة وضعيفة بس شكل على الفاضي، أما لو سيدان عادية ممكن باسات من 2002 وحتى 2004 وممكن BMW أوائل 2000-2003 الفئة الخامسة ودي عربية محترمة جدا بكل المقاييس وإنسى الكوري الزيرو لو قارنتها بالفئة الخامسة، أو أحدث الفئة الثالثة 2003-2005 ، ممكن مرسيدس c180 موديلات 2003 حتى 2005، لو أوكتافياA5 عربية كويسة موديلات 2007 2009 بس اشتري أعلى فئة والفرق مش كبير بينها وبين الجيتا، لو بتحب الياباني ممكن هوندا سيفيك 2010 أو سوبارو كسر زيرو ودي عربية مظلومة لأنها رائعة ولو كورولا اشتري برضه أعلى فئة وكسر زيرو، ونصيحة سيبك من الكوري بأشكاله المختلفة ولو زيرو، انت هتدفع فوق 100 الف كاش، ومعظم العربيات دي بتكون بحالة كويسة لأنها لما كانت زيرو كانت أكثر من 300 ألف ومش أي حد اشتراها، والمستعمل مابيخسرش لما تبيعه كتير، ولو قطع غيار العربيات دي عالية إعرف إنها معمرة وأصيلة، ومثال كدة عربيتي بيجو 406 قطع غيارها غالية بس بانساها وأعطالها مبتكررش لو اتعملت صح وربنا يباركلك وبالتوفيق

الف شكر لكل من افادني برأيه
بالنسبه للسيات ابيزا و الاوبل كورسا فانا الشنطه عندي مهمة جدا لاني غاوي سفر
بالنسبة للجين تو فان عيوب التقفيل كتير قوي و العربية بيبان عليها السن بدري ( مش حمالة قسية ) مع اني باحبها جدا جدا
بالنسبة للجالينا دي موتور 2000 سي سي وحش بنزين و بعدين كل حده فيها من بلد و اول م نزلت كانت ب 170 الف دلوقتي 130 الف
بالنسبة للتيدا فانا مش غاوي نيسان خالص
الاخ اللي نصحني بالسيارة كسر زيرو فانا لازم اكون عارف صاحبها اللي كان راكبها و عارف معاملته ليها و اعتنائه بها و لو فيها حاجه حلوه قدامك ( كورولا او فانتازيا او سوبارو ) عامله كيلو وات قليله كلمني و اكون شاكر ليك جدا
و في النهايه اكرر شكري الجزيل لكل من افادني بخبرته و اطمع بالمزيد من اهل الخبره