عن جوليت أتحدث..

**ashrafsaif** · 24-07-2011 10:34 PM

بعد طول بحث... وبعد خد وهات... وكتر مداولات واستشارات... قررت

جوليت ان شاء الله.. انا بحب الهاتش باك وهي نفسها لانوس اللي كل الناس بتشكر فيها..

بس انا بقي محتاج نصايح كتيييييييييييييييييير بما انها هتبقي اول عربية لية.. يعني ماليش خبرة في العربيات خاااااااالص.. بغض النظر عن اني بحكم الدراسة درست ال Internal combustion engine.. بس غير كدة مافيش اي خبرة ولا فخر

يعني محتاج نصايح عشان اشتري حاجة محترمة مش البس عربية فيها عيوب.. خصوصا انها هتبقي موديل قديم شوية..

فيا ريت تكلموني عن العربية باستفاضة وازاي اتأكد انها كويسة؟ هل دي كمان ممكن اشوفها في التوكيل ولا أي ميكانيكي ممكن يجبلي أرارها؟ لو بتكلم عن مبلغ في حدود 42 الف جنيه.. ممكن اجيب حالة كويسة؟ وموديل كام؟

شكرا لكل من يهتم ويشارك بالرد.. ولو في اي استيضاح او سؤال لية قولوا لو سمحتوا... وشكرااااااااا

**bondjames** · 24-07-2011 11:40 PM

على خيرة الله
بس خليك مع جولييت 2
أنا كان عندى جولييت 1 قعدن معايا 5 سنين كانت زى الفل
بقولك 2 علشان يكون موديل قريب
لكن كل الفرق فى الفوانيس الخلفية كشكل والإكصدام لعب هايف جدا بس طبعا لازم يكون معاك حد بيفهم
علشان ما تدبسش فى حاجة سكة - وخلى بالك - الناس ياما بتغش

**ashrafsaif** · 25-07-2011 02:35 AM

ايه يا جماعة... انتو جايين فرح واحد ميت؟

دي جولييت... جولييت يا عم انت

عاوز ردووووووووووووود

**gassarian** · 25-07-2011 02:47 AM

بص أهم حاجة خد معاك سمكري و بعدها ميكانيكي و الأهم السمكرة و أساسات العربية عشان متبقاش عملت حادثة قبل كدة أو حاجة

**VANTROY** · 25-07-2011 09:05 AM

اول هام ... انت قطعت نص المشوار بانك قررت ماركة وموديل محدد تدور عليه

تانى هام .... اوعى تستعجل باى حال من الاحوال ... حرص وما تخونش

انزل الاسواق ... خد فكرة وما تشتريش من تاجر حتى لو كان حبيبك ( اسال مجرب )

خش على مواقع بيع السيارات ( كونتاكت كارز .... اشتريت عربيتى من خلاله ) حدد النوع والموديل وشوف مين اقرب واحد ليكى عارض عربيته للبيع و روح شوف العربية .... وخد اخوك او حد من قرايبك يكون فاهم شوية فى العربيات ( بلاش سمكرى وميكانكى من الاول ... هاتصرف فلوس وممكن يبيعوك برضه) العربية اللى تدخل دماغكم هات لها سمكرى وميكانيكى ... وما فيش مانع تفوتها على التوكيل هايكون اضمن

والمبلغ دا ان شاء الله يجيبهالك زيروا - على اخر اسعار السوق اللى كنت سمعتها -

وربنا يكرمك فى عربية كويسة

**ramyraby** · 25-07-2011 11:01 AM

ربنا يوفقك عربية حلوة

**engaass** · 25-07-2011 03:40 PM

المشاركة الأصلية كتبت بواسطة vantroy

اول هام ... انت قطعت نص المشوار بانك قررت ماركة وموديل محدد تدور عليه

تانى هام .... اوعى تستعجل باى حال من الاحوال ... حرص وما تخونش

انزل الاسواق ... خد فكرة وما تشتريش من تاجر حتى لو كان حبيبك ( اسال مجرب )

خش على مواقع بيع السيارات ( كونتاكت كارز .... اشتريت عربيتى من خلاله ) حدد النوع والموديل وشوف مين اقرب واحد ليكى عارض عربيته للبيع و روح شوف العربية .... وخد اخوك او حد من قرايبك يكون فاهم شوية فى العربيات ( بلاش سمكرى وميكانكى من الاول ... هاتصرف فلوس وممكن يبيعوك برضه) العربية اللى تدخل دماغكم هات لها سمكرى وميكانيكى ... وما فيش مانع تفوتها على التوكيل هايكون اضمن

والمبلغ دا ان شاء الله يجيبهالك زيروا - على اخر اسعار السوق اللى كنت سمعتها -

وربنا يكرمك فى عربية كويسة

هو ده ارد السليم ومن الاخر بس أحب اضيف انك تنزل السوق تاخد لفة من غير ملتكون هاتشترى عشان تعرف الدنيا فيها ايه

**ashrafsaif** · 25-07-2011 10:46 PM

اكيد مش ده كل الكلام..

**ashrafsaif** · 26-07-2011 12:03 PM

صبح صبح يا عم الحاج...

**MMamdouh** · 26-07-2011 12:10 PM

اشترى من واحد بيبيع عربيتة الشخصية مش من تاجر

روح و معاك سمكرى شاطر و معرفة

بعد ما تشترى اعمل الحاجات اللى مكتوبة فى موضوع الخاص بشراء سيارة مستعملة

MMamdouh