اوعى تشترى وكيل

**mido** · 25-07-2011 04:34 PM

لو فكرت تبيعها هتخسر كتير علشان العربيات الخليجى المستعمله كتير وبتضرب السعر
لو العربيه فيها مشكله التوكيل مش هيساعدك ( محصليتش معايا بس ده اللى شايفه)
الوكيل اوبشنز اقل وسعر اعلى

**MASERATI** · 25-07-2011 05:15 PM

المشاركة الأصلية كتبت بواسطة mido

لو فكرت تبيعها هتخسر كتير علشان العربيات الخليجى المستعمله كتير وبتضرب السعر
لو العربيه فيها مشكله التوكيل مش هيساعدك ( محصليتش معايا بس ده اللى شايفه)
الوكيل اوبشنز اقل وسعر اعلى

السلام عليكم و رحمة الله و بركاته

هو سيادتك بتتكلم عالعربيات الخليجى و لا العربيات اللى بتتشرى من التوكيل بتاعها هنا فى مصر.

أصل ازاى يكون واحد شارى, مثلا, كورولا و لا سيفيك و لا سيراتوا و لا باسات و لا جيتا زيرو من التوكيل هنا فى مصر و لما يحصل فيها مشكلة التوكيل مايعملهوش حاجة, المفروض الحوار ده فى الخليجى مش التوكيل, ده الناس بتحرص أنها تجيب من التوكيل عشان الضمان, ممكن سيادتك توضحلنا وجهة نظرك عسى أن يكون فيها فايدة أعم و أشمل للأخوة هنا فى المنتدى ؟؟؟

**mido** · 25-07-2011 05:23 PM

لو دورت فى القسم هتلاقى ان تقريبا محدش احتاج التوكيل فى حاجه والتوكيل كان جمبه انا محصلش حاجه فى عربيتى بس هى لسه جديده بس اقدر اقولك مثلا انى قلتلهم النور ضارب يمين ومعملوش حاجه وقالولى عملوه ودورت على النت وعملته بنفسى
دلوقت فكرت ابيع لقين نفسى هخسر كتير ولقيت انى اشتريت الترماى
بعد كده لو اشتريت عربيه فيه منها خليجى هجيب الخليجى بدون تفكير

**pharoanking** · 26-07-2011 02:59 PM

انا رحت التوكيل و علشان النور لم يكن متظبط و ما شاء الله النور دلوقتى اتحدى بيه احسن عربيه

**waleedessawy** · 27-07-2011 10:50 AM

و الله و الحمد لله انا معايا الخليجى و بسم الله ما شاء الله زى الفل و 100100 وفرق كبير بينها و بين المصرى
لان التجربة اثبتت و دا شئ محزن ان للأسف الخليجى مواصفاته و التقفيل و الخامة المستخدة انظف من المصرى
يعنى من تجربتى السيارة الخليجى سعودى او كويتى احلى من المصرى و السورى و الاردنى
وحسبى الله و نعم الوكيل فى السبب يا ريت الثورة تضع قياسات مصرية محترمة تجبر التاجر المصرى المحترم أوى ان يجيب مواصفات محترمه