الموضوع: اية رايكو فى تكييف المرسيدس 200

عدم وجوده افضل
لأن وجوده هيحرق دمك طول الوقت لأن مفيش طريقة ممكن تشغله بيها

السلام عليكم و رحمة الله و بركاته

كل عام و أنتم بخير

هو ايه عيب التكييف بتاع المرسيدس ال200 الw123 مو 1980-1984 لأن أنا خالى معاه واحدة 200 مو 1981 و مركبلها موتور بتاع 200 مو 1984 بالتكييف بالفتيس الأتوماتيك بتاعها و العربية بصراحة, ما شاء الله و لا حول و لا قوة الا بالله, أكتر من رائعة.

هو تكييف المرسيدس عموما مش ممتاز يعني .....هو عادي بس مش سئ انا عربيتي التكييف بتاعها حلو مش وحش ...بس مش تلاجة ....بس بتعتمد علي حالة الكباس
و في نقطة الw123 من سنه 1976 ل1985

انا رايى مع راى الناس المحترمة ديه
انا معايا العربية مرسيدس200 مو 82 w 123
بصراحة تكييفها عاااااادى عادى جدا
وبالنهار هوا ربنا احلى وبالليل الجو بيطرى والرطوبة بتقل شوية
فمش بفتحه اصلا لانه هياكل بنزين وخلاص كفاية العربية بلاعة لوحدها
لان برده سنة 82 ديه يعنى برده مننساش ان ديه بدائيات التكييف
ومش هيجى طبعا زى تكييف ال c180 دلوقتى ولا s500 ولا e300

السلام عليكم و رحمة الله و بركاته

أنا متهيألى أن التكييف فى أى عربية و بالذات لو كانت عربية ألمانى محترمة جدا زى الMERCEDES W123 عبارة عن أجزاء معروفة, اللى مش سليم فيها أو مش شغال كويس, يتغير و خلاص, اذا كانت فيه ناس ركبت فى الشاهين و الماروتى تكييف, يبقى المرسيدس الW123 مش هينفع!!!!!!!!

و أنا فعلا, لما شوفت عربية خالى Mercedes W123 200مو 1981, ما شاء الله عليها, تكييفها حلو أوى.

أنا قصدى, أن اللى غاوى الموضوع ده و مصر عليه, يظبط الموتور كويس و يشوف طلباته ايه لأن التكييف حمل عالموتور طبعا و يطمئن على العزل بتاع الصالون و يتوكل على الله و يطول باله و يركب تكييف, العربية دى ممتازة جدا جدا و هتبقى أحسن بكتير أوى بالتكييف, اذا كنت أنا ناوى أعمر مكنة البيجو ال505 مو 1980 اللى معانا مخصوص, عشان أركب فيها تكييف.