يا تلحقوني يا هاولع في العربيه :(

**BLEEDER** · 26-07-2011 03:40 AM

السلام عليكم

باختصار ياجماعه عشان ماكررش كلام كتير

بعد ما عملت عمره عند واحد ....-/-*

العربيه من سيء لأسوء بسرعه الصاروخ

اول حاجه مافيش سحب اطلاقا ولا عزم ولا اي حاجه

العربيه بتجمع بعد عمر طويل

تاني حاجه فيه تنتيشه على اول الغيارات

تالت حاجه فيه صوت تنفيش من الشكمان كأني راكب جرار مفوت

غيرت البوجيهات و ففلتر البنزين و كان مسدود و متوسخ عشان تقريبا الجركن اللي جبت فيه بنزين التليين كان وسخ ولا فيه زيت

المهم العربيه رجعت زي الأول بالظبط لمده مشوار واحد 600 متر مثلا و بعدين طفيت و شغلت بقت زي الزفت تاني

رحت عند واحد ... المهم غيرت الموبينه عشان كان فيها ملف مفوت و الشكمان

و اجرب الاقي العربيه متبرجله على السلانسيه
اجي امشي بيها الاقيها مش بتسحب لا دي كلمه سحب ديه حلم بعيييييييييييد جدا
و عايزه تطفي و مش قادره تطلع مطلع تافه بكتيره زاويه 30 درجه
و مؤشر الحراره ميت على الأرض مش شغال

حد يقولي على ميكانيكي كويس يكون في جسر السويس او اي تفريع منه, يا تشترو العربيه خرده لو حبيتو.

عربيتي لانوس 2005 عامله 86000 كم

**waelfarid** · 26-07-2011 03:50 AM

ربنا يرزقك بميكانيكي وكهربائي ولاد حلال ويكونو بيفهمو ويرجعوهالك احسن من الاول

ياااااااه فكرتني بالذي مضي كنت اخش بالعربيه القردة بتدور مارش عند الميكانيكي تطلع من عنده بتدور زق ويسلام لما رحت لواحد تاني اغير جوان وش سلندر ياسلام بعدها سرعتها لا تزيد عن 30 والكلام ده كان بالليل رجعتله كان قفل بعدها اشتريت عدة واتعلمت فيها بما يرضي الله واتعلمت صح الصح مع نفسي علشان دول صنايعية في اخد الفلوس واعطاء الزبون هواء

**osama.m** · 26-07-2011 03:58 AM

مش هقدر افيدك في ميكانيكي كويس لاني مش من القاهرة
بس سؤال معلش .. عمرة اية اللي بعد 86000 ؟

**BLEEDER** · 26-07-2011 03:58 AM

الكرنك كان مبوش خالص بعد ما اتاكل من الأحتكاك مع الهلال

**M.Alaa92** · 26-07-2011 04:06 AM

طب انا عندى حل احسن

بدل المصاريف اللى حتتصرف سقط مكنة تانية و حتريح دماغك م العك ده كلو

**waelfarid** · 26-07-2011 04:09 AM

شرا العبد ولا تربيته الكوري استهلاكي فعلا سقط لها مكنة بالضمان وحافظ عليها تحافظ عليك

**BLEEDER** · 26-07-2011 04:14 AM

القصه ما بقتش في الماتور , انا مش عارف البنزين ولا التوصيلات و لا الفلاتر ولا ايه

**mustafavet** · 26-07-2011 09:36 AM

متروحش يا باشا لميكانيكي
تروح لمركز خدمة او التوكيل لان عندهم ميكانيكيه وكهربائيين................. هما بقي هياخدوا منك العربيه علي حالتها ويفحصوها كلها ويقولك دي عاوزه ايه بالظبط